ويكيبيديا

ويكيپيديا (انجليزى: Wikipedia, wiki+(encyclo)pedia) موسوعه مفتوحه متعدده اللغات, المشروع بتديره مؤسسة ويكيميديا (Wikimedia). اسم ويكيپيديا هو خليط من الكلمات ويكى (التكنولوجيا لخلق مواقع تعاونيه), و كلمة encyclopedia (موسوعه). ابتدا جيمى ويلز و لارى سانجر ويكيپيديا فى يناير 2001. ويكبيديا الانجليزى فيها معلومات كتيره قوى.

ويكيپيديا عباره عن مخزن معلومات بيقولوا عليه الكتابه الموسوعيه: الموسوعه اللى ممكن أى حد يعدلها دقيقه ومتكامله ومتنوعه ومفتوحه ومحايده ومجانيه لكل الناس. ممكن اى حد يساهم فى تحريرها. المعلومات دى ناس زيك وزيى حطوها وكتبوها وخلوها موجوده للى عايز يشوفها ويستعملها[1] اكتب كلمه زياده, صلح غلطه فى الكلمه. اعدل جمله مكتوبه مش مظبوط. اكتب مقاله جديده خالص. أهم حاجه انك متخافش من انك تغلط. فى ويكيپيديا مفيش حاجه مينفعش نصلحها لو خربت. لو متعرفش تكتب بطريقه موسوعيه, حاول تترجم من النسخه الانجليزى او نسق مقاله من المقالات اللى محتاجه تنسيق. المشكله مش اللى الناس تقدر تعمله, المشكله ان محدش يعرف انه ممكن يساعد و انهم يقدروا يكتبو و يعدلو.

سياسة تعارض المصالح فى ويكيپيديا ما بتشجعش كتابة مقالات عن نفسك او اصحابك او كتبك او اكتشافاتك او ابداعاتك الشعريه لأن المقالات دى ممكن تكون متحيزه. ويكيپيديا بتستعمل كزا رخصه, منهم Creative Commons.

Wikipedia-logo
اللوجو بتاع ويكيپيديا

بداية الموسوعه

المشروع ابتدا بويكيپيديا انجليزى فى 15 يناير, 2001. لحقت بسرعه بعدها ويكيپيديا فرنساوى. وبعد كده نسخ كتيره. فيه جهود كبيره لتأكيد الطبيعه الدوليه للمشروع. اعتمدت على Nupedia السابقه.

ويكيپيديا انجليزى وصلت لـ 1,000,000 مقاله فى 1 مارس 2006.

فى 20 سبتمبر 2004 وصلت ويكيپيديا لـ 1,000,000 مقاله فى أكتر من 100 لغه. فى حين أن ويكيپيديا انجليزى هى الأكبر بعدد مقالات 2,000,000. فيه 700,000 مقاله فى 190 لغه. البعض ضخم. والبعض مازال فى البدايه. بمقاله او اتنين.

من بداية نوفمبر 2006. فيه 174 نسخه من ويكيپيديا فيها أكتر من 100 مقاله. 51 منها فيها أكتر من 10,000 مقاله. و 17 منها فيها أكتر من 50,000 مقاله. بالنسبه لويكيپيديا انجليزى, ألمانى, فرنساوى, پولاندى, يابانى, هولندى, طليانى, پورتوجالى, سويدى, اسپانى, روسى, و فنلندى فيها أكتر من 100,000 مقاله فى كل واحده.

إتجاه الموسوعه

ويكيپيديا مشروع عشان بُنا موسوعات حره بكل لغات العالم وتكون كلها مكتوبه من وجهة نظر "محايده". الموسوعه هى موسوعه محايده و مش مرتبطه بأى دين او اى إتجاه سياسى, موسوعه مفتوحه و محايده و مجانيه للناس كلها. هى مشروع موسوعه متعددة اللغات, مبنيه على الويب (web). بتشغلها مؤسسة ويكيميديا (Wikimedia). اللى بتعتبر منظمه مش ربحيه. ويكيپيديا هى موسوعه ممكن اى يوزر يعدل و يحرر و يبتدى مقالات جديده فيها.

الويكيپيديات

من اول يونيه 2007, فيه 249 نسخه من ويكيپيديا. زياده على كده تلاته للقرايه بس.

الويكيپيديات بعدد مقالات أكبر من 100,000 من 23 فبراير 2007

رقم. مصدر Consv. Inclus. إبتدا Wiki hosts
1. ويكيپيديا انجليزى 1,322,314 5,309,898 2001-01-15 Wikimedia Foundation
2. ويكيپيديا ألمانى 448,740 1,167,644 2001-05-21 Wikimedia Foundation
3. ويكيپيديا فرنساوى 344,750 801,047 2001-03-23 Wikimedia Foundation
4. ويكيپيديا پولاندى 276,302 434,199 2001-09-26 Wikimedia Foundation
5. ويكيپيديا يابانى 246,118 558,767 2001-05 Wikimedia Foundation
6. ويكيپيديا هولاندى 220,134 489,655 2001-08-31 Wikimedia Foundation
7. ويكيپيديا طليانى 186,276 457,036 2001-12 Wikimedia Foundation
8. ويكيپيديا سويدى 179,012 356,420 2001-06-03 Wikimedia Foundation
9. ويكيپيديا پورتوجالى 171,924 427,632 2001-06 Wikimedia Foundation
10. ويكيپيديا اسپانى 143,509 327,065 2001-05 Wikimedia Foundation
11. ويكيپيديا روسى 137 863 472 778 2001-05-20 Wikimedia Foundation
12. ويكيپيديا صينى 113,054 383,640 2002-10-24 Wikimedia Foundation

شوف كمان

مصادر

  1. Alnokta blog
اسكندريه

اسكندريه ( بالانجليزى: Alexandria ، يونانى: Ἀλεξάνδρεια ) هى مدينه مصريه على الساحل الجنوبى للبحر المتوسط و من العواصم القديمه لمصر. كانت عاصمة مصر قبل القاهره و مركز إشعاع ثقافى فى العصر البطلمى ، و دلوقتى تانى أكبر مدينه بعد العاصمه القاهرة و اكبر مدينة فى محافظة اسكندريه. عدد سكان اسكندرية 4،1 مليون نسمة و فيها اكبر مينا مصرى بيخدم حوالى 80 فى المية من كل واردات مصر وصادراتها. اسكندريه ليها مطارين دوليين " مطار النزهه " و " مطار برج العرب ". اسكندرية هى كمان مدينه سياحيه بتمتد لحوالى 32 كم (20 ميل) على طول ساحل البحر المتوسط فى شمال مصر. و فيها مكتبة الاسكندريه (مكتبة الاسكندريه الجديده).

اسكندريه مركز صناعى مهم علشان خطوط أنابيب البترول و الغاز الطبيعى من السويس لإسكندريه. اسكندريه ليها وظيفة مهمة للتجارة بين اوروبا واسيا، لانها استفادت من سهولة الربط بين البر والبحر المتوسط والبحر الاحمر.

اتأسست اسكندرية على قريه مصريه صغيرة اسمها راكوتيس عن طريق الملك الاسكندر الاكبر المقدونى اللى خلاها عاصمة مصر فى 331 قبل الميلاد. فضلت اسكندرية عاصمة مصر حوالى الف سنه لحد 641 لما اتأسست الفسطاط.

فى الازمنه القديمه، كانت اسكندريه مدينه من اشهر مدن العالم. اسكندريه كانت معروفة بفنارها (عجيبه من عجايب الدنيا السبعه)، مكتبة اسكندريه (اكبر مكتبه فى العالم القديم) و سراديب الموتى (كتاكومبوس) من كوم الشقافة (واحده من سبع عجايب العصور الوسطى). و فى 1994 ابتدا الكشف عن تفاصيل أكتر عن راكوتيس قبل وصول الاسكندر، و اسكندريه ايام عصر البطالمه.

الف-به دوليه صوتيه

الالف-به الدوليه الصوتيّه (فرنساوى: L'Alphabet Phonétique International, اختصار: API; انجليزى: International Phonetic Alphabet, اختصار: IPA) هى طريقة كتابه صوتيه, إخترعتها ”المؤسسه الدوليه للصوتيات“. الحروف إتعملت فى پاريس, سنة 1886, و إتعملت عشان يبقى فيه طريقه متوحّده للتعبير عن نطق الأصوات لأى لغه. الحروف دى بيستعملها علماء اللغه, و علماء مشاكل اللغه (الپاثولوجيات للـ لغه) و المُعالجين, و مُدرّسين اللغات الاجنبيه, و اللى بيكتبو قواميس, و المُترجمين; عشان يعبّرو عن نطق اللغه بالظبط عن طرِيق الحروف المكتوبه.

الحروف الدوليه الصوتيه بردو بيسعملها ويكيبيديا عشان يساعد اللى بيقرو إنهم ينطقو كلام غريب عليهم. أغلب الحروف بتبقى متجابه من الحروف اللاتينى, او حروف لاتينى متعدّله. و الحروف الدوليه الصوتيه, عشان تتميّز عن الكلام العادى, بتبقى دايماً محطوطه بين خطين مايلين / / لما يكون مكتوب الإختلاف الأساسى اللى بيفرق فى النطق اللى بيبقى مفهوم لو الواحد يعرف اللغه. او قوصين مُربّعين [ ] فى الشرح بالتفصيل للنطق. و بتتقرى من الشمال لليمين.

انجليزى

اللغه الانجليزى (English نطق: /ˈɪŋɡlɪʃ/) هى لغة جرمانية

هوثالث أكتر اللغات الام انتشار فى العالم (309–400 مليون انسان بحسب تعداد).

تستخدم اللغة الإنجليزية على نطاق واسع كلغه تانيه و كلغة رسمية على نطاق واسع لكثير من دول العالم، خصوصا فى بلاد الدول الكومنولث و كتير من المنظمات الدولية. و انتشار اللغه الإنجليزية الكبير فى العالم بسبب التأثيرات العسكرية والاقتصادية والثقافية والعلمية والسياسية للامبراطورية البريطانية و من بعدها الولايات المتحدة الامريكية.

لغه المانى

الالمانى (Deutsch) لغه من العيله الهيندو-اوروبيه ضمن مجموعة اللغات الجيرمانيه ،اللى منها برضه الانجليزى.

والالمانى لغه رسميه حتى فى دول غير المانيا زى بلجيكا اللى فيها جزء لغته المانى و جزء فرنساوى.وكمان جزء من سويسرا اللى فيها جزء لغته المانى وجزء فرنساوى وجزء ايطالى.

لغه فرنساوى

اللغه الفرنساوى (Français, نطق: [fʁɑ̃sɛ]) هى لغه رومانسيه بيتكلمها حوالى 128 مليون واحد فى حتت كتيره من العالم. اكتر الناس اللى بيعرفو فرنساوى عايشين فى فرنسا (البلد اللى طلعت منه اللغه دى) و فى عدد كبير بره فرنسا زى كانادا، بلجيكا، سويسرا، لوكسيبمبورج، موناكو و شوية بلاد فى افريقيا. الفرنساوى لغه رسميه فى الامم المتحده و فى 22 بلد معظمهم اعضاء في منظمة الفرانكفونية. الفرنساوى هوه تالت لغه فى عدد اللى بيتكلموها فى الاتحاد الاوروبى بعد الانجليزى و الالمانى.

ويكيبيديا اسبانى

ويكيپيديا اسپانى (اسپانى: Wikipedia en español) هى نسخه من مجموعة Wikipedia. النسخه دى موجهه للى بيفهموا و بيتكلموا اسپانى. ابتدت يوم 1 مايو 2001 و وصلت لـ 100,000 مقاله على 8 مارس 2008. بتعتبر اكبر سابع نسخة ويكيپيديا موجوده من حيث عدد المقالات فيها حوالى 653,000 مقالة.

ويكيبيديا اسبرانتو

ويكيپيديا اسبرانتو (إسپيرانتو: Vikipedio en Esperanto او esperantlingva Vikipedio), النسخة دى مكتوبة بالإسپيرانتو من مجموعة Wikipedia. اتعملت شهر ديسمبر 2001 و فيها اكتر من 132,000 مقالة من اول يوليه 2010, و واخده المركز 21 من حيث عدد المقالات.

ويكيبيديا رومانى

ويكيپيديا رومانى (رومانى: Wikipedia în limba română) هى نسخه من مجموعة Wikipedia. النسخة الرومانى من ويكيپيديا اتعملت يوم يوليه 2003 و على 12 سبتمبر 2009 بقى فيها حوالى 150,000 و بقت ال19 اكبر ويكيپيديا. ويكيپيديا رومانى فيها اكتر من 45,000 يوزر منهم 20 ادارى.

ويكيبيديا سويدى

ويكيبيديا سويدى (سويدى: Svenskspråkiga Wikipedia) واحد من مشاريع ويكيبييديا بالسويدى.

ويكيبيديا سيليسى

ويكيپيديا سيليسى (سيليسى: Ślůnsko Wikipedyjo) هى نسخه من مجموعة Wikipedia. النسخة دى من ويكيپيديا موجهة للى بيفهموا وبيتكلموا سيليسى. اتعملت فى 26 مايو 2008. وصل عدد المقالات فيها ف 15 نوفمبر 2008 ل1,000 مقالة. فيها اكتر من 3,800 يوزر منهم تلاته اداريين.

ويكيبيديا طليانى

ويكيپيديا طليانى (طليانى: Wikipedia in italiano) هى بتعتبر النسخة طليانى من مجموعة Wikipedia. اتعملت شهر يناير 2002 و موجهة لكل اللى بيفهموا و بيتكلموا ايطالى. فى اغسطس 2005 عدت ويكيبيديا اسبانى و ويكيپيديا برتغالى من حيث عدد المقالات. ويكيپيديا طليانى فيها اكتر من 733,000 مقالة و اكتر من 557,000 يوزر مسجل فيها و دلوقتى بتعتبر المركز الرابع من كل النسخ من حيث عدد المقالات بعد (ويكيبيديا انجليزى, ويكيبيديا المانى و ويكيبيديا فرنساوى).

ويكيبيديا عربى

'ويكيبيديا عربي (عربي: ويكيبيديا العربية) هى النسخة العربية من ويكيبيديا. بدأت فى 9 يوليو 2003. فى سبتمبر 2012, يوجد فيها اكثر من 383,629 مقاله, 1,073,429 يوزر متسجل. ويكيبيديا عربي تحتل المرتبه 21 بالنسبه لأكبر الموسوعات فى عدد المقالات, و هى اول لغه ساميه تعدّى 100,000 مقاله.الديزاين بتاع ويكيبيديا عربى بيختلف شويه عن باقى الويكيبيديات. اهم حاجه, لإن العربى بيتكتب من اليمين للشمال, مكان اللينكات هو صوره فى مرايه بتاعة ويكيبيديات بلغات بتتكتب من الشمال لليمين.

ويكيبيديا فارسى

ويكيپيديا فارسى (فارسى: ویکی‌پدیا، دانشنامهٔ آزاد) هى نسخه من مجموعة Wikipedia. النسخة الفارسى من ويكيپيديا اتعملت يوم يناير 2004 و عدت 1000 مقالة يوم 16 ديسمبر 2004 و 10,000 مقالة يوم 18 فبراير 2006 و 100,000 مقالة يوم 25 اغسطس 2010. ويكيپيديا فارسى واخده المركز ال18 من حيث عدد المقالات.

ويكيبيديا لاتينى

ويكيپيديا لاتينى (لاتينى: Vicipaedia Latina) هى النسخة اللاتينى من مجموعة Wikipedia. اتعملت شهر مايو 2002 و فيها حوالى 44,000 مقالة

ويكيبيديا مصرى

ويكيپيديا مصرى مشروع موسوعه حره اى حد ممكن يساهم فى كتابتها و مكتوبه بالمصرى بطريقه اى مصرى يعرف يقراها. ويكيپيديا مصرى هى النسخه المصرى بتاعة Wikipedia, الموسوعه الحره. ويكيپيديا مصرى فيها 21,522 مقاله دلوقتى.

ويكيبيديا هندى

ويكيپيديا هندى (هندى: हिन्दी विकिपीडिया) هى نسخه من مجموعة Wikipedia. النسخة الهندى مكتوبة للى بيتكلموا و بيفاهموا هندى. النسخة دى من ويكيپيديا اتعملت شهر يوليه 2003 و على 31 يوليه سنة 2010. وصل عدد المقالات فيها ل55,716 مقالة. شهر يوليه 2010 اعلنت شركة جوجل انها ابتدت تساعد النسخة الهندى من ويكيپيديا فى ترجمة المقالات اللى مكتوبة بالانجليزى للهندى, ولحد دلوقتى ترجموا 600,000 كلمة للهندى باستخدام برامج ترجمة جوجل و اللى مسئول على حوالى 20% من نمو و العداد لجوجل.

ويكيبيديا يونانى

ويكيپيديا يونانى (يونانى: Ελληνική Βικιπαίδεια) هى النسخه اليونانى من مجموعة Wikipedia. اتعملت يوم 1 ديسمبر سنة 2002. يوم 8 مارس 2008 كان فيها حوالى 34858 يوزر, 17 منهم اداريين. يوم يوليه 2010 بقى فيها اكتر من 54,000 مقالة و دلوقتى واخدا المركز ال44 ك اكبر نسخة ويكيبيديا من حيث عدد المقالات.

بلغات تانيه

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.