موسوعه

الموسوعه (انسيكلوبيديا) Encyclopedia هى كتاب او مجموعة كتب بتحتوى على معلومات وافيه عن كل فروع المعرفه او فرع معين من المعرفه. مواد الموسوعات بتتقسم لمواد ، ماده واحده لكل موضوع. المواد بتتقسم على المواضيع فى الموسوعه عادة حسب اسم المادة ابجديا وممكن الموسوعه تكون وارده فى مجلد واحد او مجلدات ، وده بيعتمد على كمية المواد المدرجه.

الموسوعه ممكن تكون عامه او متخصصه فى موضوع معين.

من اشهر الموسوعات العالميه العامه الموسوعه البريطانيه Encyclopædia Britannica و موسوعة لاروس. و من امثلة الموسوعات المتخصصه فى مجال معين الموسوعه القبطيه.

الغرض من عمل الموسوعه هو نشر (قبيلة) الزونة بين الناس فى كل نواحى العالم و الحصول على معلومات سريعه عن موضوع معين.

.

Brockhaus Lexikon
موسوعة Brockhaus Konversations-Lexikon, 1902
ا

ا, ينطق حرف (أَلِف), دى الحرف الاولانى من حروف عربى, وبرضه حرف اولانى فى حروف عبرى وحروف فارسى.

انسيكلوبيديا بريتانيكا

انسيكلوپيديا بريتانيكا (Encyclopædia Britannica, اسم لاتينى, معناه: الموسوعه البريطانيه) هى موسوعه عامه باللغه الإنجليزى بتصدرها شركة انسيكلوپيديا بريتانيكا، المحدوده Encyclopædia Britannica, Inc الخاصه. طلعت لأول مره بين سنتين 1768 م و1771 م فى مدينه ادنبره فى اسكوتلاندا.

دنيس ديدرو

دنیس دیدرو (5 اكتوبر 1713 - 31 يوليو 1784). Denis Diderot. كان فيلسوف من فلاسفه عصر التنوير ومن قادة حركة التنوير فى فرنسا و كاتب . معروف بانه اللى اشراف على اصدار "موسوعه الفنون والعلوم والحرف " و كتابته اجزاء كتيره فيها و كان رئيس تحرير اول موسوعه فى العصر الحديث (فرنساوى :Encyclopédie، انجليزى Encyclopedia).

من اقواله :

-لا يفصل بين التعصب والبربرية إلا خطوة واحدة.

-الشك هو الخطوة الأولى على طريق الفلسفة.

-الوطنية دافع سريع الزوال لا يعيش غالبا بعد زوال التهديد المجتمعي المعين الذي بعثه.

-الجمل البليغة مثلها مثل المسامير الحادة، تفرض الحقيقة على ذاكرتنا.

-لم يسبق لفيلسوف أن قتل رجل دين، و لكن رجال الدين قتلـوا الكثير من الفلاسفة.

صوفيه

صوفيه او تصوف: بتمثل الصوفيه الجانب الروحانى النقى و المسالم فى الاسلام اللى فيه الصوفى المسلم بيدور على الحب الالهى و المعرفه عن طريق خبره شخصيه و مباشره بعيد عن العنف و القسوه و الاستبداد و ظلم الغير. الصوفيين او المتصوفين بيتسمو " الفقرا " و فى ايران بيتسمو " دراويش ". مع ان بيعتقد ان جذور الصوفيه كانت فى الهند و اوروبا فى الازمان القديمه، لكن بقى مرجح ان الحركه ظهرت مع بدايات النسك الاسلامى اللى اتشكل و اتطور كموازنه للتوسع الاسلامى الدنيوى و اتضافت ليه تأثيرات خارجيه. الصوفيه همها تعليم الناس و تعميق احاسيسهم الروحانيه من غير تدخل فى حياتهم او الاعتداء على حرياتهم. الصوفيين نظرتهم عالميه و ما بيكنوش عداوه لحد فى العالم و ضد العنف و الارهاب و كراهية الاخر و عشان كده بقوا فى الشرق الاوسط هدف للمتطرفين اللى بيعتبروا الحياه ميدان حرب و قهر و تدمير و اعتداء على غيرهم. الصوفيين ساهمو مساهمه كبيره فى نشر الاسلام بالطرق السلميه و المحبه فى مناطق كتيره من العالم زى اندونيسيا و المالديف و غيرها و النهارده ليهم نشاطات فى البلاد الغربيه كحركه مسالمه بتنادى بالسلام و التآخى بين البشر.

الصوفيه اتطورت عبر التاريخ فى تلت مراحل:

مرحلة النسك.

مرحلة الروحانيه الكلاسيكيه: تطور فكرة الحب الالهى.

مرحلة ظهور الطرق الصوفيه القايمه على الحب و التآخى.

فايده كامل

فايدة كامل ( 12 يوليه 1932 - 21 اكتوبر 2011 ) مغنيه و ممثلة وسياسية و نايبه برلمانيه مصريه. اشتهرت بقوة الصوت و الأغانى الوطنيه. دخلت موسوعه جينيس للارقام القياسيه كأقدم برلمانيه فى العالم.

دبلوم المعهد العالي للموسيقى

ليسانس الحقوق جامعة القاهرة

نايبه فى مجلس الشعب المصري ل35 سنه

اتجوزت من وزير الداخلية السابق النبوى اسماعيل ، وهي اخت الموسيقار عبد الرحمن كامل ومطربة الاوبرا اميرة كامل

ويكيبيديا

ويكيپيديا (انجليزى: Wikipedia, wiki+(encyclo)pedia) موسوعه مفتوحه متعدده اللغات, المشروع بتديره مؤسسة ويكيميديا (Wikimedia). اسم ويكيپيديا هو خليط من الكلمات ويكى (التكنولوجيا لخلق مواقع تعاونيه), و كلمة encyclopedia (موسوعه). ابتدا جيمى ويلز و لارى سانجر ويكيپيديا فى يناير 2001. ويكبيديا الانجليزى فيها معلومات كتيره قوى.

ويكيپيديا عباره عن مخزن معلومات بيقولوا عليه الكتابه الموسوعيه: الموسوعه اللى ممكن أى حد يعدلها دقيقه ومتكامله ومتنوعه ومفتوحه ومحايده ومجانيه لكل الناس. ممكن اى حد يساهم فى تحريرها. المعلومات دى ناس زيك وزيى حطوها وكتبوها وخلوها موجوده للى عايز يشوفها ويستعملها اكتب كلمه زياده, صلح غلطه فى الكلمه. اعدل جمله مكتوبه مش مظبوط. اكتب مقاله جديده خالص. أهم حاجه انك متخافش من انك تغلط. فى ويكيپيديا مفيش حاجه مينفعش نصلحها لو خربت. لو متعرفش تكتب بطريقه موسوعيه, حاول تترجم من النسخه الانجليزى او نسق مقاله من المقالات اللى محتاجه تنسيق. المشكله مش اللى الناس تقدر تعمله, المشكله ان محدش يعرف انه ممكن يساعد و انهم يقدروا يكتبو و يعدلو.

سياسة تعارض المصالح فى ويكيپيديا ما بتشجعش كتابة مقالات عن نفسك او اصحابك او كتبك او اكتشافاتك او ابداعاتك الشعريه لأن المقالات دى ممكن تكون متحيزه. ويكيپيديا بتستعمل كزا رخصه, منهم Creative Commons.

ويكيبيديا اردو

ويكيپيديا اردو (اردو:اردو ویکیپیڈیا), ابتدت موسوعه ويكيپيديا اردو فى يناير 2004, حيث وصلت عدد مقالاته الى 140 الف مقاله.

ويكيبيديا استونى

ويكيپيديا استونى (استونى:Eestikeelne Vikipeedia), ابتدت موسوعه ويكيپيديا استونى فى 24 يوليه 2002, حيث وصلت عدد مقالاته الى 180 الف مقاله.

ويكيبيديا المانى

ويكيپيديا المانى (المانى: Deutschsprachige Wikipedia) هى نسخه من مجموعة Wikipedia. بتعتبر تانى اكبر نسخة من حيث المقالات و كمان بتعتبر تانى اقدم نسخة بعد ويكيپيديا انجليزى. النسخة الالمانى اتعملت يوم 16 مارس سنة 2001 و متخصصه فى نشر المعلومات بالالمانى لكل اللى بيتكلموا او بيفهموا المانى. النسخة الالمانى من ويكيپيديا عدت المليون مقالة و فيها دلوقتى اكتر من 1,128,000 مقالة.

ويكيبيديا انجليزى متبسط

ويكيپيديا انجليزى متبسط (انجليزى: Simple English Wikipedia) نسخه من مجموعة Wikipedia و نسخه متبسطه من ويكيپيديا انجليزى. النسخه دى مكتوبه برضه بالانجليزى زى ويكيپيديا انجليزى بس موجهة للى الانجليزى بتاعه ضعيف او للى لسه بيتعلموا انجليزى و مش لغتهم الام انجليزى. الانجليزى فى النسخه دى مكتوب بالطريقة الاساسية و متبسط جامد و المعلومات فيها بسيطه مش عميقه من غير تفاصيل كبيرة عشان تساعد فى الفهم و توضيح المعلومات لليوزرات اللى بيسخدموها. فى 25 اغسطس 2010 وصل عدد المقالات ل64,000 مقاله و وصل عدد اليوزرات لاكتر من 141,000.

ويكيبيديا بولندى

ويكيپيديا پولاندى (Wikipedia polskojęzyczna) هى تاسع نسخه من مجموعة Wikipedia. ابتدت فى 21 سپتمبر سنة 2001. هى رابع اكبر ويكيپيديا بعد ويكيپيديا انجليزى ، ويكيپيديا المانى و ويكيپيديا فرنساوى.

ويكيبيديا روسى

ويكيپيديا روسى (روسى:Русская Википедия) النسخه الروسى من مجموعة Wikipedia. النسخه دى موجهة للى بيفهموا و بيتكلموا روسى. اتعملت يوم 20 مايو 2001. ف يوم 19 مايو 2008 اخدت مركز العاشر فى نسخ الويكيبيديا من حيث المقالات اللى فيها فى يوم 8 اكتوبر 2010 ويكيپيديا روسى عدت حاجز ال600,000 مقالة.

ويكيبيديا صينى

ويكيبيديا صينى (لغه صينى:中文維基百科)، ده موسوعه من ويكيبيديا اللى صدرت باللغه الصينى، واللى اطلقت بتاريخ شهر اكتوبر 2002، وفى شهر يونيه 2009 وصلت عدد مقاله 250,000 ، , يوم 1 ابريل 2017 وصل عدد مقالات ويكيبيديا صينى دلوقتى لـ 934,000 مقاله.

ويكيبيديا عربى

'ويكيبيديا عربي (عربي: ويكيبيديا العربية) هى النسخة العربية من ويكيبيديا. بدأت فى 9 يوليو 2003. فى سبتمبر 2012, يوجد فيها اكثر من 383,629 مقاله, 1,073,429 يوزر متسجل. ويكيبيديا عربي تحتل المرتبه 21 بالنسبه لأكبر الموسوعات فى عدد المقالات, و هى اول لغه ساميه تعدّى 100,000 مقاله.الديزاين بتاع ويكيبيديا عربى بيختلف شويه عن باقى الويكيبيديات. اهم حاجه, لإن العربى بيتكتب من اليمين للشمال, مكان اللينكات هو صوره فى مرايه بتاعة ويكيبيديات بلغات بتتكتب من الشمال لليمين.

ويكيبيديا فرنساوى

ويكيپيديا فرنساوى (فرنساوى: Wikipédia francophone او Wikipédia en français) هى نسخه فرنساوى من مجموعة Wikipedia. بتعتبر تالت اكبر نسخة من حيث المقالات بعد ويكيپيديا انجليزى و ويكيپيديا المانى. النسخة الفرنساوى اتأسست يوم 19 مارس 2001 و متخصصه فى نشر المعلومات بالفرنساوى لكل اللى بيتكلموا او بيفهاموا فرنساوى. وصل عدد المقالات فيها يوم 21 سبتمبر 2010 لمليون مقالة.

ويكيبيديا فولابوكى

ويكيپيديا ڤولاپوكى (فولابوكى:Vükiped), ابتدت موسوعه ويكيپيديا ڤولاپوكى سنه 2004, حيث وصلت عدد مقالاته الى 100 الف مقاله, والسبب ده انو عمل البوت علشان ينشئ مقاله بالترجمه الآليه, وعدد مقالات حقيقيه مش يتعدى نمره زيرو "0".

ويكيبيديا مصرى

ويكيپيديا مصرى مشروع موسوعه حره اى حد ممكن يساهم فى كتابتها و مكتوبه بالمصرى بطريقه اى مصرى يعرف يقراها. ويكيپيديا مصرى هى النسخه المصرى بتاعة Wikipedia, الموسوعه الحره. ويكيپيديا مصرى فيها 21,244 مقاله دلوقتى.

ويكيبيديا يابانى

ويكيپيديا يابانى (يابانى:ウィキペディア日本語版), ده اصدار لغه يابانى من موسوعه ويكيپيديا, ظهرت الويبسايت دى فى شهر سپتمبر 2002, وفى شهر يناير 2016, الصفحه دى وصلت اكتر من 1,000,000 مقالة.

بلغات تانيه

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.