دوله

الدوله (فرنساوى: État; انجليزى: sovereign "state"‎; "دوله" سياديّه) هيا مؤسسه سياسيه بتمارس سياده فعاله على الامور الداخليه و الخارجيه لمساحه جغرافيه و عدد من السكان و مابتعتمدش او خاضعه لأى سلطة او دوله تانيه.[1] الدوله ساعات بتكون موجوده حتى بدون ما تعترف بيها الدول التانيه اللى ليها سياده.

الدوله كمفهوم بتقوم على تلات مقومات:

  1. اقليم: بيشمل الاقليم البرى و البحرى و الجوى.
  2. الشعب: المواطنين اللى معاهم جنسية الدوله.
  3. السلطه : الحكومه او الاداره اللى بتشوف امور الدوله.

كلمه

كلمة دوله معناها كيان اعتبارى بيمثل الحكومه المركزيه اللى ليها سلطه مستقله عليا على مساحه جغرافيه معينه حسب نظام القانون الدولى.

مصادر

  1. "sovereign"، The American Heritage Dictionary of the English Language (الطبعة 4th)، Houghton Mifflin Company، 2004، اطلع عليه بتاريخ 21 فبراير 2010، adj. 1. Self-governing; independent: a sovereign state.
    "sovereign"، The New Oxford American Dictionary (الطبعة 2nd)، Oxford: Oxford University Press، ISBN 0-19-517077-6، adjective ... [ attrib. ] (of a nation or state) fully independent and determining its own affairs: a sovereign, democratic republic.
    Central Intelligence Agency، "Entities"، The CIA World Factbook، اطلع عليه بتاريخ 23 فبراير 2010، 'Independent state' refers to a people politically organized into a sovereign state with a definite territory.
    See also, the decision of the British House of Lords in Duff Development Co. v. Kelantan Government [1924] 1 AC 797.
أرمينيا

أرمينيا (أرمينى: Հայաստան نطق: [hɑjɑsˈtɑn]), اسمها الرسمى جمهورية أرمينيا (Հայաստանի Հանրապետություն نطق: [hɑjɑstɑˈni hɑnɾɑpɛtuˈtʰjun]) هى بلد متحوّطه و جبليّه, فى منطقة القوقاز, فى نقطه اتصال قارة اسيا و قارة اوروبا, عاصمتها يريڤان. ليها حدود مع تركيا فى الغرب ومع [جورجيا] من الجنوب, و جمهورية ناجورنو كاراباخ اللي تعتبر واقعيَّا دوله مستقله و أذربيچان من الغرب, و ايران و متحوّطه بجمهورية ناخشيڤان الأذربيچانيّه, اللى واقعيّاً مستقلّه, من الجنوب.

البحرين

مملكة البحرين دى دوله مملكه فى اسيا بتتكون من جزيرتين كبار فى الخليج الفارسى ,عاصمتها المنامه. اللغه الرسميه العربى و الانجليزى. على الرغم من صغر حجمها لكن دوله متطوره و لها مكانه تاريخيه مهمه.

مملكة البحرين دوله مسالمه و عريقه بتتكون من 33 جزيره اكبرها جزيرة البحرين و نظام الحكم فيها ملكى دستورى و بيحكمها حالياً الملك حمد بن عيسى ال خليفة وعمو الشيخ خليفة بن سلمان هوه رئيس الوزراء من سنة 1968 . المنامه العاصمه و المحرق بتعتبر اكبر مدن البحرين. مع ان البحرين صغيره لكن لعبت ادوار كبيره فى التاريخ و خصوصا فى فترة العصور الوسطى.

الجزاير

الجزاير (الجمهورية الجزائرية الديموقراطية الشعبية) بالجزايرى : الـجمهوريّه الـجازايريّه الـديمُقراطيّه الـشعبيّه - بربرى: دزاير ، هى دوله من دول شمال غرب افريقيا بتطل على البحر المتوسط. مساحتها 2,381,741 كيلومتر2، عدد السكان حوالى 34 مليون. ، عاصمتها مدينة الجزاير، و من مدنها وهران و قسنطينه و عنابه. اللغه الرسميه هى العربى و اللغه التانيه هى البربرى (الأمازيغى) و الفرنساوى هى اللغة الاجنبيه الاولانيه. ليها حدود مع تونس و ليبيا و المغرب و موريتانيا و مالى و نيجر و الصحرا الغربيه. مساحه الجزاير كانت تانى اكبر مساحة دوله من دول افريقيا. لكن الجزاير بعد تقسيم السودان بقت اكبر دوله افريقيه حسب المساحه.

السويد

مملكة السويد (بالسويدى: Konungariket Sverige ) هى دوله الدول الاسكندناڤيه الموجوده فى شمال اوروپا. السويد مشهوره بالطبيعه الحلوه والنظام الاجتماعى فيها ثابت. السويد عضو فى الاتحاد الاوروبى وفي المجلس الشمالى. بتشترك فى حدودها مع النرويج من الغرب وفينلاندا من الشمال الغربى وبحر كاتيجات وخليج سكاجيراك من الجنوب الغربى. وكمان بتتصل مع الدنمارك بكوبرى اوريسند فى الجنوب.

السويد هيا تالت اكبر دوله فى الاتحاد الاوروبي من المساحه، وعدد سكانها بيوصل لاكتر من 9.2 مليون انسان. السويد كثافتها السكانيه منخفضه وبتوصل لـ 21 انسان لكل كيلومتر مربع، والكثافه بتزيد فى جنوب السويد. حوالين 85 ٪ من السكان بيعيشو فى المناطق الحضريه، والتوقعات بتقول ان الارقام دى هترتفع . ستوكهولم عاصمة السويد واكبر مدينه فيها (عدد سكانها 1.3 مليون انسان فى المناطق الحضريه و 2 مليون مع الضواحى). وتانى وتالت اكبر المدن هى جوتنبرج ومالمو.

السويد ليها نظام ملكى دستورى وكمان نظام برلمانى للحكومه، وليها اقتصاد متطور. السويد كمان المركز الاولى فى العالم فى (Economist's Democracy Index) والمركز السابع فى مؤشر الامم المتحده للتنميه البشريه. السويد عضو فى الاتحاد الاوروبى من 1 يناير 1995، وهيا عضو فى منظمة التعاون والتنميه.

السويد ظهرت كدولة مستقله وموحده فى العصور الوسطى. فى القرن السبعتاشر، الدوله وسعت اراضيها وبقت امبراطورية السويد. واكتر الاراضي الى احتلت بره اسكندناڤيا ضاعت من السويد فى القرن التمنتاشر والتسعتاشر. النصف الشرقى من السويد الى هو فينلاندا دلوقتى، احتلتو روسيا سنة 1809، الحرب الاخيره الى دخلتها السويد بشكل مباشر كانت فى سنة 1814، لما السويد اجبرت النرويج بالاسلحه على عمل اتحاد خاص مع السويد الى استمر حتى سنة 1905. ومن الوقت ده السويد فى سلام وبتشتغل بسياسة عدم الانحياز.

المملكه المتحده

المملكه المتحده لبريطانيا العظمى وإيرلندا الشماليه, او بإختصار المملكه المتحده هيا دوله سايده بتجمع شعوب إنجلترا و اسكتلندا وويلز (بريطانيا العظمى) وايرلاندا الشماليه موجوده فى شمال غرب القاره الأوروبيه، بيحوّطها بحر الشمال و القنال الإنجليزى والمحيط الاطلنطى. أكبر جزر المملكه المتحده هى بريطانيا العظمى و بترتبط بفرنسا عن طريق نفق بحر المانش.

المملكه المتحده دوله اتحاديه بتتكوّن من اربع دول: إنجلترا ، و ايرلاندا الشماليه و اسكتلندا و ويلز. و بيحكمهم نظام برلمانى و مقر الحكومه فى لندن.

اليابان

اليابان (يابانى: 日本国 Nippon-koku او Nihon-koku) هى دوله من دول شرق اسيا و تتكون من 4 جزر كبيرة و3000 جزيرة صغيره فى المحيط الباسيفيكى و اقرب جيرانها هما الصين و كوريا الجنوبيه و كوريا الشماليه و روسيا.اسم البلد 日本国 باليابانى معناه اصل الشمس و لذلك يقال لها جيكا جيكا.

الجزر الاربع الاساسية هم شيكوكو و هوكايدو و كيوشو و هونشو (اكبر الجزر و اللتي تقع فيها العاصمة توكيو).

امبراطوريه عثمانيه

الامبراطوريه العثمانيه (بالعثمانلى دولتْ علیّه عثمانیّه و بتتنطق Devlet-i Âliye-yi Osmâniyye) (بالتوركى: Osmanlı İmparatorluğu) كانت امبراطوريه استمرت من 1299 لحد 1923 لما اتحلت و جت مطرحها الجمهوريه التوركيه فى 29 اكتوبر 1923.

الامبراطوريه العثمانيه فى عزها (القرنين الستاشر و السبعتاشر) كانت بتمتد على تلات قارات: اسيا و اوروبا و افريقيا و كانت مركز للتفاعلات بين الشرق و الغرب على مدى ست قرون و العاصمه بتاعتها كانت الاستانه (استانبول دلوقتى).

بعد احتلال العثمانليه ل مصر (1517) اتدهورت احوالها الثقافيه و بعد ما كانت فى العصر المملوكى دوله مستقله متقدمه و متطوره أكتر من اوروبا نفسها بقت دوله محتله تابعه للباب العالى الإستانبولى و اتضمحلت احوالها و اتقهقرت ثقافتها و ما فاقتش من غيبوبتها الا على اصوات مدافع الفرنساويه بعد وصول حملة نابوليون.

اوكرانيا

اوكرانيا (اوكرانى: Україна |Ukrayina|, نطق: [ukraˈjinɑ]) دوله فى شرق اوروبا. و بتحدها روسيا من الشرق; بيلاروس من الشمال, و بولندا, و سلوفاكيا, و المجر من الغرب, و رومانيا, و مولدوفا من الجنوب الغربي, و البحر الاسود و بحر آزوف من الجنوب. مدينة كييڤ هى العاصمة و اكبر مدينة فى اوكرانيا.

ايطاليا

ايطاليا (الجمهورية الطليانيه) هي دوله من دول البحر المتوسط و هي عباره عن شبه جزيرة ف جنوب اوروبا و جزيرتين من اكبر الجزر فى البحر المتوسط اللى هما: صقلية و ساردينيا. ايطاليا بيفصلها جبال الالب عن فرنسا و سويسرا و النمسا و سلوفينيا من ناحية الشمال. سان مارينو و الفاتيكان هما دول مستقلة موجودة جوه الحدود الايطالية.

اللغة الرسمية لايطاليا هى الطالياني ومساحتها 301,318 كم مربع و عدد سكانها حسب تقديرات سنة 2007 بيوصل ل 59,619,290 مليون نسمة.

باكستان

پاكستان (اوردو: پاکِستان), رسمى: جمهورية پاكستان الاسلاميه (اوردو: اسلامی جمہوریہ پاکِستان) هى دوله فى غرب اسيا.

پاكستان ليها ساحل طوله 1,046 كم قدام بحر العرب وخليج عُمان فى الجنوب، و على حدودها افغانستان و ايران من الغرب، و الهند من الشرق و الصين من اخر الشمال الشرقى.

بانجلاديش

بانجلاديش هى دوله من دول اسيا .

بيلاروس

جمهورية بيلاروس او جمهورية روسيا البيضا (بالبيلاروسى: Беларусь ، بالبولاندى: Białoruś) ، هى دوله اوربيه مالهاش سواحل على البحر ،

زيمبابوى

جمهورية زيبمابوى (Zimbabwe, نطق انجليزى: /zɪmˈbɑːbweɪ/) هى دوله افريقيه كانت معروفه بروديسيا الجنوبيه و بعدين بقت جمهورية روديسيا و بعديها بقت اسمها روديسيا زيمبابوى.

و هيا دوله فى افريقيا الجنوبيه عاصمتها هارارى و نظام الحكم فيها جمهورى برلمانى مساحتها 390,580 كم2 و هيا نمره 60 بين دول العالم حسب المساحه و عدد السكان 12,382,920. هيا نمره 65 بين دول العالم حسب السكان.

سوريا

سوريا (الاسم جاى م التسميه اليونانى ع السوريين و الاراميين: Σύριοι |Syrioi|) (الجمهورية العربية السورية) هى دولة من دول البحر المتوسط و ليها حدود مع لبنان و تركيا و اسرائيل و العراق و الاردن.

موقع منطقة سوريا الجغرافى حساس جداً و خلاها دايماً على مر التاريخ معرضه للغزو الخارجى و تحويل اراضيها لساحات حرب بتتصارع عليها الجيش. عبر التاريخ سوريا ما كانتش دوله او بلد لكن كانت مجموعة مدن فى الشام زى دمشق و حلب و حماه و غيرها بيحكمها حكام مستقلين عن بعض.

حكمها المصريين و الأشوريين و البابليين و الفرس و غزاها الاسكندر الأكبر سنة 332 ق.م.، و ضمها السلوقيين، و استولى عليها الرومان و بعدين استولى عليها العرب (635) و المغول بقيادة هولاكو (1259)، و المغول تانى بقيادة غازان (1299) و غزاها تيمورلنك و دمر مدنها (1400) ، و استولى الصليبيين على اجزاء منها، و أخدت اسرائيل منها الجولان (1967) و ضمتها لنفسها. عاصمة سوريا هى دمشق من سنة 1943، اللى كانت كمان العاصمة بتاعة الأمويين، و من بعدهم حكم سوريا الأيوبيين لغاية ما احتلها المغول بقيادة هولاكو (1259)، و بعدين بقت من 1260 تابعة للدولة المملوكية فى مصر بيحكمها نواب السلطان. لغاية ما استولى عليها الأتراك العثمانيين (1516). بعد الاتراك بقت تحت الإنتداب الفرنساوى بموجب اتفاقية سايكس-بيكو (1916) و بعدين بقت دوله سنة 1946.

فى سنة 2010 اتعرضت مناطق فى سوريا لنقص حاد فى الأكل فعملت المنظمات الانسانيه و برنامج الأغذية العالمى التابع للأمم المتحدة جسر جوى نقل كميات ضخمه من الغذاء.

سوريا مساحتها 185,180 كم مربع و عدد سكانها 19,4 مليون، و من اشهر المدن اللى فى سوريا: دمشق، حلب، حماة،اللاذقية و حمص.

و من أكبر الانهار اللى بتمد سوريا ب حوالي 80% من المية بتاعتها هو نهر الفرات اللى بينبع من تركيا و بيعدي فى العراق و اخيرا بيصب فى الخليج الفارسي.

سوريا و مصر عبد الناصر عملوا وحده فى فبراير سنة 1958 و سمو الدولة دي الجمهورية العربية المتحدة اللى ما عاشتش كتير و فى سنة 1961 حصل انقلاب عسكري فى سوريا و سحبت نفسها من الاتحاد و بقت من ساعتها الجمهورية العربية السورية.

سوريا فيها أجناس كتير(زي العرب و التركمان و الدروز و الارمن والاكراد و الأشوريين) وديانات مختلفة ومن اهم الديانات و المزاهب اللى فى سوريا:

مسلمين سنة 74%

مسلمين تانيين (زي العلويين و الدروز) 16%

مسيحيين 10% (روم أرتودوكس و وكاتوليك و مارونيين و بروتوستانت و كاتوليك لاتين)

يهود (نسبة قليلة فى دمشق و حلب و القامشلي)

صيربيا

صيربيا (بالصيربى:Србија و رسمى اسمها جمهورية صيربيا) دى دوله فى جنوب شرق اوروبا فى نص البالكان و عاصمتها بيلجراد.

صيربيا بلد مقفوله (مالهاش سواحل) و بتحيط بيها البلاد دى: المجر م الشمال ، رومانيا و بولجاريا م الشرق، جمهورية ماكيدونيا و البانيا م الجنوب كرواتيا و مونتينيجرو و البوسنة و الهرسك م الغرب.

اللغه الرسميه فى صيربيا هى الصيربى و دى لغه سلافيه و بيتكلموها كمان فى البلاد اللى حواليهازى كرواتيا و مونتينيجرو. عدد سكان صيربيا 10,159,046 انسان و اغلبهم(84%) مسيحيين اورتودوكس و الباقى كاتوليك و مسلمين و بروتوستانت.

كازاخستان

كازاخستان (كازاخستانى: Қазақстан, Qazaqstan نطق: [qɑzɑqstɑ́n]; روسى: Казахстан [kəzɐxˈstan]; رسمى: جمهورية كازخساتن, Қазақстан Республикасы) هى دوله تقع اكبر مناطقها فى اسيا وهناك جزء صغير منها فى اوروبا ولذلك فإنها تعتبر من الدول العابرة للقارات

كانت كازاخستان تتبع الامبراطوريه الروسيه و بعد ذلك انضمت لاتحادالسوفييتى حتي نالت استقلالها سنة 1991

اللغات الرسميه الكازاخستانى و الروسى.

العاصمة: نورسلطان

اكبر مدنيه : الماتى

نظام الحكم جمهورى رئاسى

العمله : تينج.

الدستور الكازاخستانى اعتمد فى استفتاء يوم 30 اغسطس 1995.

كازاخستان مقسمةلاربعة عشر منطقه او اقليم وتلات مدن لهم طبيعه خاصه.

التلات مدن هما

الماتى اسمها الاديم كان الما اتا وكانت العاصمه الاديمه.

استانا وهيا العاصمه الجديده بايكونو.

كندا

كندا (Canada) هى دوله من دول امريكا الشماليه. هي ثاني اكبر بلد فى العالم من حيث المساحه، و هي على معظم مساحة شمال امريكا الشماليه. اللغات الرسميه فيها: انجليزى و فرنسي, و فيه ثمان لغات اقليميه معترف فيها : Inuktitut, Inuinnaqtun, Cree, Dëne Sųłiné, Gwich’in, Inuvialuktun, Slavey و Tłįchǫ Yatiì.

مصر

مصر , دوله افريقية اراضيها ف قارتين, الغرب ف شمال افريقيا و الشرق ف غرب اسيا ,اهلها بيتكلموا مصرى , دينها الرسمي الاسلام (الإسم الرسمى للدولة الحالية هو جمهورية مصر العربية من سنة 1971, اسامى الدولة قبل كده كان من ضمنها السلطنة المصرية و المملكة المصرية و الجمهورية المصرية و الجمهورية العربية المتحدة, فيه بيطالبو بالرجوع لإسم الجمهورية المصرية أو جمهورية مصر).

مصر بلد موجوده فى شمال شرق قارة أفريقيا, بيحدها من الشمال البحر المتوسط و من الشرق البحر الأحمر مساحة مصر حوالى مليون كيلومتر مربع. مصر دوله افريقية ولكن تضم جزء اسياوى وهى شبة شبه جزيرة سينا, فى قارة اسيا فعشان كده مصر بتعتبر دولة عابرة للقارات.

مصر ليها حدود من الغرب مع ليبيا و من الجنوب مع السودان و من الشمال الشرقى مع إسرائيل و قطاع غزه, و البحر الأحمر بيفصلها عن الأردن و السعوديه, و قناة السويس اللى بتفصل جزءها اللى فى اسيا عن اللى فى أفريقيا.

من الوجهه الجغرافيه الطبيعيه من العصور الفرعونيه لغاية النهارده بتنقسم الأراضى المصريه لقسمين رئيسيين : الوجه البحرى اللى بيمتد فى شمال القاهره على شكل مروحه و بينهى حده البحرى عند البحر المتوسط و بيتسمى مصر السفلى. و الوجه القبلى اللى بيمتدعلى ضفتين النيل من جنوب القاهره لغاية حدود مصر الجنوبيه و بيتسمى مصر العليا أو الصعيد.

مصر عدد سكانها من أكبر تعدادات سكان الدول فى أفريقيا, و حسب اخر التقديرات, عدد سكان مصر عدا ال96 مليون انسان (90 مليون جوه مصر و الباقى بره), و ترتيبها الخامس عشر على مستوى العالم من أصل 242 دولة من حيث عدد السكان, بيعيش اغلبهم على ضفاف النيل اللى مساحة الوادى بتاعه حوالى 40,000 كيلو متر مربع. الصحرا بتشكل أغلب مساحتها و هى مش معموره. معظم السكان فى مصر (حوالى نصهم) دلوقتى من الحضر بيعيشو فى مدن, ربعهم فى مدينة القاهره, أكبر مدينه فى افريقيا و الشرق الأوسط و كمان فيه نسبه كبيره فى مدينة اسكندريه و فى الدلتا.

مصر ليها شهره عالميه بسبب تاريخها من أيام الحضاره المصريه القديمه اللى سابوا لمصر و للعالم اروع الاثار زى اهرامات الجيزه و ابو الهول و معبد الكرنك و وادى الملوك فى مدينة الاقصر. مصر كمان ليها دور مهم جداً فى الشرق الأوسط و خصوصا على المستوى الثقافى و السياسى.

مونجوليا

مونجوليا دوله فى قارة اسيا ,بين روسيا والصين , العاصمه بتاعتها واهم مدينه فيها اولان باتور .

اللغه بتاعتها اللغه المونجولى .

وكانت هيا مركز الامبراطوريه المونجوليه فى القرن التلاتاشر .

بعد كده حكمتها اسرة ماندشوو كينج من نهاية القرن السبعتلشر لسنة 1911 .

وبعد ما انتهت الحرب البارده و الشيوعيه انتهت فى مانجولياسنة 1990 , البلد عملت دستور ديموقراطى سنة 1992.

بلغات تانيه

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.