ثقافه

الثقافة فى الأنثروبولوجيا ، ما بتتضمنش وسائل الحضاره الحديثه ، لكن بتشير ببساطه لنمط السلوك السايد فى المجتمع البشرى. و بتشمل كمان المعتقدات ، و المبادئ الأخلاقيه ، و اللغه ، و المزيكا ، و الفن ، و طرق انتقالها بكونها تراث اجتماعى للاجيال الجايه . ممكن الثقافه تنمحى او تتكيف عن طريق الحروب و الغزو الخارجى. فى الغالب بتحصل تغيرات فى الثقافات بسبب تاثير خارجى على الثقافه نفسها ، و كمان بتسبب التطورات التكنولوجيه تغييرات سريعه فى الثقافه. التطويع الثقافى هو عملية تقبل و امتصاص عناصر من ثقافه تانيه ، زى ما بيحصل لثقافة مجتمع متأخر لما يتصل لمده طويله بمجتمع ثقافته متطوره أكتر. عادة الثقافات المتقدمه بتأثر و بتتنقل للثقافات التانيه الاقل من ناحية التقدم و التطور زى ما انتقلت ثقافات مصر و اليونان و اوروبا لمناطق تانيه فى العالم. عادة الثقافات اللى ما بتاخدش بالثقافه المتطوره السايده بتترنح و بتتجمد و بتزول.

شوف كمان

ازارقه

أزارقة ، فرقه اسلاميه متطرفه بتتبع عربى اسمه نافع ابن الأزرق (65 هـ ). فى مذهبهم اللى يشرب كاس خمره كافر يحق هدر دمه و اللى ما يساعدهمش و ما ينصرهمش كافر و لو حتى كان على مذهبهم (القعدة) . اتفقوا مع الخوارج فى تكفير على و عثمان و تكفير السلطان الجائر و الخروج عليه مهما كانت النتايج دمويه و بتنتهك الحرمات و بتزعزع الدوله و بتخسر المال.

السويد

مملكة السويد (بالسويدى: Konungariket Sverige ) هى دوله الدول الاسكندناڤيه الموجوده فى شمال اوروپا. السويد مشهوره بالطبيعه الحلوه والنظام الاجتماعى فيها ثابت. السويد عضو فى الاتحاد الاوروبى وفي المجلس الشمالى. بتشترك فى حدودها مع النرويج من الغرب وفينلاندا من الشمال الغربى وبحر كاتيجات وخليج سكاجيراك من الجنوب الغربى. وكمان بتتصل مع الدنمارك بكوبرى اوريسند فى الجنوب.

السويد هيا تالت اكبر دوله فى الاتحاد الاوروبي من المساحه، وعدد سكانها بيوصل لاكتر من 9.2 مليون انسان. السويد كثافتها السكانيه منخفضه وبتوصل لـ 21 انسان لكل كيلومتر مربع، والكثافه بتزيد فى جنوب السويد. حوالين 85 ٪ من السكان بيعيشو فى المناطق الحضريه، والتوقعات بتقول ان الارقام دى هترتفع . ستوكهولم عاصمة السويد واكبر مدينه فيها (عدد سكانها 1.3 مليون انسان فى المناطق الحضريه و 2 مليون مع الضواحى). وتانى وتالت اكبر المدن هى جوتنبرج ومالمو.

السويد ليها نظام ملكى دستورى وكمان نظام برلمانى للحكومه، وليها اقتصاد متطور. السويد كمان المركز الاولى فى العالم فى (Economist's Democracy Index) والمركز السابع فى مؤشر الامم المتحده للتنميه البشريه. السويد عضو فى الاتحاد الاوروبى من 1 يناير 1995، وهيا عضو فى منظمة التعاون والتنميه.

السويد ظهرت كدولة مستقله وموحده فى العصور الوسطى. فى القرن السبعتاشر، الدوله وسعت اراضيها وبقت امبراطورية السويد. واكتر الاراضي الى احتلت بره اسكندناڤيا ضاعت من السويد فى القرن التمنتاشر والتسعتاشر. النصف الشرقى من السويد الى هو فينلاندا دلوقتى، احتلتو روسيا سنة 1809، الحرب الاخيره الى دخلتها السويد بشكل مباشر كانت فى سنة 1814، لما السويد اجبرت النرويج بالاسلحه على عمل اتحاد خاص مع السويد الى استمر حتى سنة 1905. ومن الوقت ده السويد فى سلام وبتشتغل بسياسة عدم الانحياز.

المغرب

المغرب، المملكة المغربية، المملكة المغربية الشريفية ، مراكش (فرنساوى: Royaume du Maroc)، هى مملكه كبيره وليها تاريخ عريق فى شمال افريقيا، لغتاها الرسميتين هما: الامازيغيه و العربيه. بتطل على البحر المتوسط و المحيط الاطلنطى و جبل طارق، و ليها حدود مع الجزاير و موريتانيا و اسبانيا.

عدد سكان المغرب 33 مليون انسان و مساحتها 175,186 ميل 2 (453,730 كم2)، و لما تشمل الصحرا الغربية المتنازع عليها، تزيد مساحة اراضى مملكة المغرب ل 274,460 ميل 2 (710,850 كم 2).اكبر مدينة فى المغرب هى الدار البيضاء (تادّارت تومليلت او كازابلانكا) و العاصمة السياسية بتاعتها هى الرباط. المغرب فيها ثقافه و فنون عريقه و لعبت الدور الرئيسى فى حضارة الاندلس و ده انعكس على الشخصيه المغربيه الحديثه المتذوقه للثقافه و الفن.

تابو

تابو او طابو Tabu ، كلمه پولينيزيه شاع استخدامها فى الدراسات الانثروپولوچيه فى كل اللغات ، بمعنى تحريم عمل حاجات معينه او أكل و شرب حاجات معينه او قول الفاظ و كلمات معينه لتجنب الأذى اللى فيها.

فكرة التابو ، مع انها كلمه من پولينيزيا ، منتشره فى غالبية المجتمعات البدائيه و المتخلفه.

الخوف من التابو بيرجع للاعتقاد ان المساس بالموضوع الحرام بيخلى الشخص نجس و خطر على كل اللى يقرب منه او يتعامل معاه وكمان بيتعرض لغضب الالهه. تابو الاتصال الجنسى بالاهل من اكتر انواع التابوهات الشايعة فى المجتمعات.

الانثروپولوچى الكبير جيمس فريزر عمل دراسات قيمه عن الموضوع ، و لعالم النفس سيجموند فرويد كتاب مهم عن التابو و الطوطم. ( طوطم و طابو ) Totem and Tabu شرح فيه علاقة التابو بالوسواس القهرى و الامراض النفسيه اللى بتصيب الانسان.

شوف كمان: تحليل نفسى.

ثروت عكاشه

ثروت عكاشة من (مواليد القاهرة بمصر عام 1921 - توفي 27 فبراير 2012). كان وزيرا للثقافة ونائب رئيس الوزراء المصري سابقا. وهو أخو عالم النفس احمد عكاشه.

جابر عصفور

الدكتور جابر أحمد عصفور ووزير ثقافة مصر الاسبق' (ولد في المحله الكبرى في 25 مارس 1944) كاتب ومفكر مصري ورئيس المجلس القومي للترجمة وكان أمينا عاما للمجلس الأعلى للثقافة. وتولي وزارة الثقافة اخر ايام حكم مبارك.

جاهليه

جاهليه او العصر الجاهلى، اسم بيتقال عن فترة فى الجزيره العربيه قبل ظهور الاسلام. الحياه فيها كانت بتشمل عادات و معتقدات و اخلاق، اخصها المرؤه و الشجاعه، و اكرام الضيف، و حماية الجار، و الحج لمكه كل سنه و تقديس الحجر الاسود، و الامتناع عن القتال فى الشهور الحرام، و عمل اسواق زى سوق عكاظ. بتعتبر حرب البسوس من اشهر الحروب اللى قامت فى العصر الجاهلى فى الجزيره العربيه.

جمال العطيفى

جمال الدين أحمد سلامة العطيفي وزير اعلام مصري سابق ووزير الثقافة المصرية السابق. وهو من أحد عائلات الأشراف بمركز ابوتيج, من مواليد محافظة أسيوط سنة 1925. دكتوراه في القانون من جامعة القاهره سنة 1964 وتوفي سنة 1983.

حقوق انسان

حقوق الانسان هى حقوق عالميه تعتبر واحده من اهم الاهداف اللى وصلتها البشريه على المستوى الانسانى و واحدا من اهم مطالب الليبراليه.

وعلشان حماية حقوق الانسان اهتمت الامم المتحده و عملت الاعلان العالمى لحقوق الانسان فى ديسمبر 1948.

وفيه منظمات مدنيه كتير دوليه واقليميه ومحليه فى دول كتير من دول العالم هدفها حماية الانسان وبتطالب بحقوقه .

و حقوق الانسان من الاهتمامات الاساسيه للامم المتحده ,فاى منطئه فى العالم فيه حرب او قلق ممكن يتسبب فى انتهاكات لحقوق الانسان فالامم المتحده بتتحرك وتبعت اعانات للمدنيين وبتبعت كمان مع الاعانات الموظفين بتوعها علشان يشوفوا الوضع على الطبيعه .

ولما الامم المتحده و المنظمات المهتمه بحقوق الانسان بتلاقى جرايم حرب او جرايم ضد الانسانيه زى التطهير العرقى او الاباده الجماعيه فلازم يتحركوا اول حاجه لواف الجرايم دى وبعدين يبداو يشتغلوا بالطرق الديبلوماسيه والقانونيه عشان يحاكموا المجرمين اللى عملو الجرايم دى.

رقص

ارتبط الرقص عند الشعوب البدائيه بالدين ، فكان نوع من التعبير عن الشعور الجماعى كما عند الهنود الحمر و قبايل فى افريقيا. فبيرقصوا مثلا لشكر الاله على النصر ، او لطلب النجاح فى الصيد او الزراعه ، او لطرد الأرواح الشريره ، او لتمثيل حدث حصل فى تاريخ قبيلتهم.

الرقص عند المصريين القدام كان هو ايضا له طابع دينى. و فى اليونان و الهند ارتبط بتطور المسرح كما كان ايضا فى مسرح النو اليابانى فى القرن 14.

الرقص كنشاط اجتماعى و طريقه للترفيه لم يظهر الا فى عصور حديثه نسبيا. فى العصور الوسطى الرقص الاجتماعى كان مقصور على المثقفين و بلاط الملوك و لا سيما فى فرنسا. و فى القرن 16 انتشر الرقص الهادى فى البلاط ، و الرقص السريع القوى عند الريفيين.

الباليه ظهر لأول مره فى البلاط الايطالى فى القرن 16 ، و ثم شاع فى فرنسا ، و وصل لذروته فى عهد الملك لويس الأربعتاشر. من الرقصات اللى شاعت فى القرن 17 رقصات المينويت و الجافوت و السرابند.

بدا الرقص الزوجى فى القرن 19 لما انتشرت رقصة البولكا فى براغ و الفالس فى فيينا. الرقص وصل انجلترا من فرنسا فى القرن 17 و اصبحت رقصة روجرى كوفر لى شايعه هناك.

فى البلاد التانيه ظهرت انواع تانيه من الرقص زى رقصات المازروكا و البولونيز فى بولندا ، و الكازاردا فى المجر ، و الفنداجو و البليرو فى اسبانيا ، و الترانتلا فى ايطاليا ، و التانجو و السامبا و الرومبا فى امريكا اللاتينيه.

من امريكا ظهرت رقصة الفوكس تروت سنة 1912، و ثم ظهور موسيقي الجاز سنة 1920 ظهر رقصات جديده كان اشهرها رقصة الشارلستون اللتى مهدت للرقصات الحديثه مثل الروك اند رول و التويست و الجيرك و غيرها.

عبد القادر حاتم

محمد عبد القادر حاتم (3 سبتمبر 1918 ـ 7 يوليو 2015) هو اللى وضع البنية الأساسية للإعلام المصرى فى الخمسينيات بتآسيس أول وكالة للأنباء وأول محطة تلفزيون في مصر بأقامة مبنى ماسبيرو المستدير فى الستينيات

عبد المنعم الصاوى

عبد المنعم الصاوي من مواليد فبراير 1918م في دمنهور بمحافظة البحيرة بمصر. هو كاتب صحفي ونقيب للصحفيين المصريين لدورتين ووزير لوزارتى الثقافة والإعلام في سنة 1977

مجموعه عرقيه

مجموعه عرقيه هيا مجموعه من الناس يجمعهم إنتماء عرقى مشترك و بتشترك فى صفات و عادات بتمثل تراث مشترك بينهم و بيكون ليهم ثقافه و لغه مشتركه و روح المجموعه عادةً بيكون إما اصل مشترك ، الدين ، او العرق .

و العملية اللى بتوصل لظهور المجموعه العرقيه بتتسما إثنوچينيسيس ethnogenesis .

مكتبة اسكندريه

مكتبة اسكندرية او مكتبة اسكندرية القديمة فى اسكندرية ، مصر ، كانت من اكبر مكتبات العالم واحتوت على اكتر من نص مليون كتاب ومخطوطة ، بطليموس الاول حط فيها الكتب الاصلية بلغات مختلفة زي : اليونانية ، الفينيقية ، الهندية وزودها بكتب فى كل انواع العلوم والفنون ةالادب والمعرفة ، وكانت مركز للعلم فى منطقة البحر المتوسط كلها كانت أكبر مكتبة فى العالم القديم ، وكانت اول مكتبة حكومية عامة عرفها العالم القديم.

يعتقد عموما إنها اتأسست فى بداية القرن التالت قبل الميلاد ، كانت من تصور و اتفتحت فى عهد بطليموس الاول، او ابنه بطليموس التانى ملوك مصر.

من المعروف أن المكتبة او اجزاء منها اتدمرت فى عدة مناسبات ، ولكن لحد دلوقتى تفاصيل هذه أحداث التدمير مصدر خلاف مش مبنى على أدلة قاطعة.

ولكن دلوقتى بـَنت الحكومة المصرية مع منظمة اليونيسكو مكتبة اسكندرية الجديدة واللى ساهم فيها دول ومنظمات كتير جدا عشان تعيد امجاد مكتبة اسكندرية القديمة من تانى.

المكتبة الجديدة افتتحت فى 2002 بالقرب من موقع المكتبة القديمة وفيها حوالى 300 الف

كتاب ومرجع، ده غير انها المكان الوحيد فى العالم اللى عنده النسخة الوحيدة من ارشيف الانترنت. .فى نوفمبر 2009 اهدت فرنسا لمكتبة اسكندريه 500 الف كتاب فى أكبر صفقه ثقافيه فى التاريخ.

منصور حسن

منصور حسن اتولد فى محافظة الشرقيه فى مدينة اسمها ابوكبير فى 10 فبراير 1937 . فى اسرة ريفية .

- درس منصور حسن فى مدرسة الروضة و بعدين كمل دراسه فى اسكندريه فى مدرسة ڤيكتوريا كولدچ , بعدها درس فى جامعة القاهرة و فى لندن .

موسوعه

الموسوعه (انسيكلوبيديا) Encyclopedia هى كتاب او مجموعة كتب بتحتوى على معلومات وافيه عن كل فروع المعرفه او فرع معين من المعرفه. مواد الموسوعات بتتقسم لمواد ، ماده واحده لكل موضوع. المواد بتتقسم على المواضيع فى الموسوعه عادة حسب اسم المادة ابجديا وممكن الموسوعه تكون وارده فى مجلد واحد او مجلدات ، وده بيعتمد على كمية المواد المدرجه.

الموسوعه ممكن تكون عامه او متخصصه فى موضوع معين.

من اشهر الموسوعات العالميه العامه الموسوعه البريطانيه Encyclopædia Britannica و موسوعة لاروس. و من امثلة الموسوعات المتخصصه فى مجال معين الموسوعه القبطيه.

الغرض من عمل الموسوعه هو نشر المعرفه بين الناس فى كل نواحى العالم و الحصول على معلومات سريعه عن موضوع معين.

.

نيديرلاند

نيديرلاند (هولاندى: Nederland, معروفه بردو بـ"هولندا") هى الجزء الأوروبى من مملكة نيديرلاند (هولاندى: Koninkrijk der Nederlanden)، اللى بتتألف من نيديرلاند،و جزر الأنتيل الهولندية و أروبا فى منطقة البحر الكاريبى و نيديرلاند هى ديمقراطية پرلمانية ملكية دستورية فى أوروبا الغربية. و يحدها بحر الشمال من الشمال والغرب، بلجيكا من الجنوب، و ألمانيا من الشرق. نيديرلاند واحدة من اول الديمقراطيات الپرلمانية، و كانت دولة حديثة من اساسها. عاصمة نيديرلاند هيه امستردام ومقر الحكومة فى لاهاى.

يوسف السباعى

يوسف محمد محمد عبد الوهاب السباعي ( القاهرة، 17 يونيه 1917 - قبرص، 18 فبراير 1978)، وزير ثقافة مصر و اديب و مفكر و مؤلف روايات مصرى كبير، مع انه كان اديب و مش سياسى ، قتلوه ارهابيين فلسطينيين فى قبرص و هو بيحضر مؤتمر منظمة التضامن الأفرو-اسيوي اللى كان أمينها العام لإنه أيد السلام و وقف الحرب و نزيف الدم بين بلده مصر و اسرائيل.

من اشهر رواياته "إني راحلة" ، و "رد قلبى" ، و "بين الأطلال" ، و "نحن لا نزرع الشوك". اتحولت روايات ليه لأفلام مشهوره انتجتها السينما المصريه و منها "رد قلبى" ، و "السقا مات" ، و "ناديه ، و " بين الأطلال".

اتولد يوسف السباعى فى حى الدرب الاحمر فى القاهره فى 10 يونيه سنة 1917. دخل الكليه الحربيه سنة 1935 و اترقى لدرجة جاويش و هو لسه فى سنه تالته. بعد مااتخرج دخل سلاح الصوارى و بقى قائد لفرقه من فرق الفرسان. يوسف السباعى كان ليه فضل فى تأسيس سلاح المدرعات فى مصر.

ابتدا يوسف السباعى من نص اربعينات القرن العشرين يركز على الادب و الكتابه و قدر يأكد وجوده كمؤلف قصصى فنشر مجموعات قصصيه و بعدها بدأ يكتب روايات وقدر انه يجمع بين وظيفته فى الجيش و هوايته الادبيه.

انشأ يوسف السباعى " نادى القصة " و اتولى ادارة و رياسة تحرير عدد من الجرانيل و المجلات منها روز اليوسف و اخر ساعة و الاهرام و دار الهلال ، وفى سنة 1977 بقى نقيب للصحفيين فى مصر و بعدين اتعين وزير للثقافه.

لما سافر الرئيس السادات القدس فى نوفمبر سنة 1977 أخد معاه عدد من المثقفين المصريين عشان يظهر قدام العالم حضارة مصر و ازاى ان السلام اللى بيطالب بيه تعبير عن الحضاره دى. يوسف السباعى كان من اللى راحوا مع السادات بوصفه اديب مصرى و وزير للثقافه و بصفته الصحفيه كرئيس تحرير جورنال الاهرام، لكن انقلبت الدنيا فى المنطقه العربيه اللى شافوا ان مصر مش من حقها تخرج من الحروب و لازم تفضل للأبد تستنزف طاقتها و ارواح شعبها فى حروب ضخمه ضد قوى كبرى. بعد زيارة القدس بتلت تشهر سافر قبرص لحضور مؤتمر التضامن الافرو-أسيوى و هناك استناه الفلسطينيين بالسلاح عشان يقتلوه.

بلغات تانيه

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.