ايديولوجيا

الايديولوچيا (بالانجليزى ideology) هى العقيده السياسيه او الفكريه , الايديولوچيا غالبا بتيجى من الفلسفه سياسيه. الايديولوچيا بتعتبر مجموعة منظمة من الافكار اللى بتوضح و بتتخيل منظر متمساك معين (comprehensive vision) من قضايا سياسيه واقتصاديه واجتماعيه ودينيه و حاجات بتتعلق بالانسان فى حياته او بتتعلق من ناحيه الفلسفه بيؤمن بيها الانسان و بيمشى بيها و بينشر افكاره. من الايديولوچيات المعروفه ليبراليه و اشتراكيه و شيوعيه و القومية المصرية و العروبه و غيرهم كتير... الايدلوجيا ممكن تعتبر مجموعة من الافكار المفروضه من الحكام او من جهات تانيه مسيطره على المجتمع والناس.

احتكار

احتكار اقتصادى (بالانجليزى : monopoly), الاحتكار الاقتصادى بيبقى عباره عن شركة واحدا او شخص واحد بيسيطر على السوق , و هو الوحيد اللى يقدر يقدم خدمه او مونتج ( فى مجال معين او فى كل المجالات) للمستهلك , او انه بيئثر و مسيطر على السوق و التجار التانيين بتعليه السعر , عشان هو اللى بيفرض و مسيطر على الاسعار. المحتكر دايما بيفرض سعر معين على المستهلك و المنافسيين , لو فيه من اصله, عشان يكسب اكتر و يوقع المنافسين له. فيه انواع من الاحكتار الاقتصادى , الاول ان تكون فيه كام شركة هى اللى بتسيطر على السوق و بتئثر فيه و مقاسميين السوق مع بعض الاحتكار دا بيتسمى (oligopoly). النوع التانى ان بتكون فيه شركتين و منتاجيين بس بيسيطروا على السوق و دا اسمه احتكار ثنائى (Duopoly)و بيعتبر نوع من انواع ال(oligopoly). الاحتكار المطلق و التدخل و التئثير الجامد للمنتجات الاساسيه للمستهلك زى ( الاكل و مواد البنا) ممنوع و الدوله المفروض بتمنعه و بتعمل قانون منع الاحتكار للسلع الاساسيه و المهمه للمستهلك و الدوله و بتعاقب المحتكرين.

اشتراكيه

الاشتراكية (بالإنجليزى: Socialism) (((:، سوشياليزم )هو نظام اجتماعى و اقتصادى بيقوم على ايديولوجيا بتقول ان الجماهير العامله هى اللى لازم تملك وسايل الانتاج , مع ان معنى المصطلح اتغير و بيتغير مع الزمن بس بيفضل يدل على تنظيم الطبقات العامله و ان تبقى فيه احزاب مرتبطه بيها و بتنادى و بتطالب بحقوق الطبقات دى. الاشتراكيه بتقول انها بتهدف لمشاركة الكل , كل فئات الشعب فى الانتاج و الدخل القومى و بنا الدوله و لغى الطبقات الاجتماعيه و المساواه بين الكل ماديا ومعنويا , يعنى كل الناس تاكل نفس الاكل و يعيشوا فى بيوت من نفس النوعيه ودا اللى حاول نظام جمال عبد الناصر ينفذه فى مصر بالعافيه لما مسك الحكم بعد انقلاب/ثوره يوليو 1952. الاشتراكيه غالبا بيتلخبط ما بينها وما بين الشيوعيه بس الشيوعيه تفكير اقتصادى سياسى شمولى اكتر من الاشتراكيه ، و الاشتراكيه اكتر ديموقراطيه و بتركز على المنهج والاصلاح الاقتصادى. الشيوعيين بيقولوا ان افكارهم بتصب فى الاخر فى مبدأ الاشتراكيه اللى نادى بيها كارل ماركس بس الاشتراكيين مش بيعتبروا نفسهم ماركسيين والاشتراكيه زى اى نظام و فكر سياسى متقسم لفروع مختلفة ، و ان كان كلهم متفقين على مواضيع محدده. الاشتراكيه فى الاساس مش نظام سياسى انما فى الاساس نظام اقتصادى ضد و عكس للراسماليه. فلاديمير لينين استخدم الاشتراكيه بعد كدا لما مسك الحكم فى روسيا كمرحله انتقاليه بين الراسماليه والليبراليه و تطبيقه للشيوعيه بعد كدا.

اشتراكيه ديموقراطيه

الاشتراكيه الديموقراطيه او الديموقراطيه الاجتماعيه ( بالانجليزى social democracy) هى ايديولوجيا سياسيه ظهرت فى اوخر القرن التسعتاشر و بداية القرن العشرين على ايد مجموعه من انصار الماركسيه. بيؤمن الاشتراكيين الديموقراطين بأفكار من الليبراليه زى الحقوق المدنيه و نظام الديموقراطيه الليبراليه مع بقيه افكار الاشتراكيه. الاشتراكيه الديموقراطيه بتنادى بالتغيير السياسى التدريجى مش مرة وحده بفرض النظام على الناس اللى مش متعودين عليه و بترفض الاشتراكيه الثوريه و الثورات و الاحزاب السريه كوسيله لتغيير نظام الراسماليه او النظام الموجود فى البلد. الاشتراكيين الديموقراطين متفقين فى حاجات و مختلفين مع بعض فى حاجات و كل طرف بيحاول يطبق اللى شايفه صح او احسن. فيه ناس بتقول ان نظام الحكم فى الاتحاد السوفيتى لحد جوزيف ستالين كان متئثر بشويه افكار من الاشتراكيه الديموقراطيه بس مش كلها.

اشتراكيه عربيه

الاشتراكيه العربيه هى ايديولوجيا سياسيه مبنيه على افكار العروبه و الاشتراكيه. الاشتراكيه العربيه كانت نفوذها جامد جدا و وصلت للحكم بعد ثورات فى منطقه الشرق الاوسط , كانت من اولهم ثورة 23 يوليو اللى جمال عبد الناصر و الضباط الاحرار عملوها.الاشتراكيه العربيه انتشرت جامد من سنة 1950 لحد 1960, واتبنتها احزاب عربيه زى حزب البعث العراقى و الاتحاد الاشتراكى فى مصر. الاشتراكيه العربيه بتعتبر فشلت بعد الهزيمة فى حرب 67 و زعيمها جمال عبد الناصر قلت شعبيته جامد , اللى كانوا شايفينه وبيصوروه على انه الزعيم القومى الاوحد. بالرغم ان نفوذ الاشتراكيه العربيه قل جامد بس لسه بتستخدم فى سوريا و العراق , ايام صدام حسين لتبرير الحكم الشمولى الديكتاتورى.

اقصى اليسار

'اقصى اليسار او اليسار المتطرف مصطلح سياسى بيتقال على تيارات و احزاب سياسيه و اللى عندهم ايديولوجيا بتتصنف فى السياسه كاقصى اليسار زى الشيوعيه بمدارسها و انصار الاناركيه و الماركسيه و الاشتراكيه الثوريه. . بس التيارات اقصى اليسار , عكس بقيه تيار اليساريه, بتبقى متطرفه فى افكرها و مستعجليين للتغير جامد و غالبا بيشجعوا فكره الثوره او الانقلاب لتطبيق اللى شايفينه صح على الواقع.

اقصى اليمين

اقصى اليمين او اليمين المتطرف مصطلح سياسى بيتقال على تيارات و احزاب سياسيه و اللى عندهم ايديولوجيا بتتصنف فى السياسه كاقصى اليمين زى انظمه حكم ثيوقراطيه و الديكتاتورى اللى بيسطير على الحكم لوحده و بيعتمد على تخويف الشعب و المعارضين ليه بالسجن او بالقتل او باشكال تانيه. اقصى اليمين برضه بيتصنف فيه الاحزاب او الحركات اللى مبديين على اساس دينى. و دايما بتستخدم كلام زى التصدى ل...او منع افكار تخالف...حماية المجتمع من.... وكلام بالمنظر دا. بس التيارات اقصى اليمين , عكس تيارات اليمين , بتبقى متطرفه بزياده و بترفض اى فكره عكس افكارهم و توصل لحد تكفير اللى مش متفق معاه ( لو تيارات دينيه متطرفه) او الاعدام و التعذيب و النفى ( لو زى الدول و الاحزاب الديكتاتوريه)

العروبه

الوحده العربيه (بالإنجليزي:Pan-Arabism) هيا ايديولوجيا بتنادي بالوحده بين الدول العربيه و ضمها فى دوله واحده من المحيط الاطلنطي لغاية الخليج العربي , و هيا ايديولوجيا وثيقة الصله بفكرة القوميه العربيه اللى بتنادي بالاعتزاز بالمكون العربي ف ثقافات الشعوب العربيه , و السعي للوحده السياسه و التكامل الاقتصادي بين الدول العربيه , و مقاومة التأثير الغربي على الثقافه و السياسه العربيه.

فكرة الوحده العربيه انتشرت فى الخمسينات و الستينات , و ف العاده انصارها كانو من لاشتراكيين و المناهضين للتدخل الغربي فى سياسات الدول العربيه. الوحده العربيه اتحولت مع الوقت من مجرد فكره لعدد من المشروعات السياسيه بهدف توحيد الدول العربيه فى دوله واحده, لكن اغلبها فشل.

تحالف سياسى

التحالف السياسى او التحالف الانتخابى هو اتحاد بين حزبيين او اكتر ، فى الغالب بيكونوا افكارهم قريبه ، عشان يدخلوا الانتخابات او يحكموا بلد او حتى عشان يبقى موقفهم اقوى. كل طرف فى التحالف بيكون له ايديولجيته المختلفه عن التانى بس بيختار لشكل مؤقت يحط الاختلافات دى على جنب عشان المصلحة و الاهداف المشتركة بينه و بين الاطراف التانيه.

مش شرط ان يكون التحالف السياسى او الانتخابى من اطراف قريبه من بعض فى الافكار و ايديولوجيا ، ممكن يكونوا مختلفين خالص بس

بيتحالفوا عشان يجمعوا مواردهم عشان يكسبوا انتخابات او يقفوا قدام حد هم شايفينه عدو او بيشكل خطوره عليهم. بعكس الائتلاف السياسى ، اللى بيكون تحالف مؤقت عشان يوصلوا لهدف مشترك ، الاطراف اللى فى التحالف السياسى غالبا مش بينزلوا قدام بعض فى الانتخابات و بيشجعوا و بيدعموا مرشح الطرف التانى فى الاماكن اللى مش نازل فيها الانتخابات او لو حزب كبير متحالف مع حزب اصغر بيخلى ممثل الحزب الصغير يترشح على قوايمه عشان يدعمه و يديله فرصة اكتر عشان يكسب و التحالف السياسى بيبقى هدفه ان التحالف ده يفضل بعد الانتخابات ، بعكس الائتلاف اللى التحالف فيه بيخلص لما الانتخابات تخلص.

تكنوقراطيه

التكنوقراطية (انجليزى: Technocracy; فرنساوى: Technocratie) شكل من اشكال الحكومه, كلمة اصلها يونانى و κράτος |Cratos| ومعنها الحرفى حكومه الفنيين. الحكومة التكنوقراطيه مش تابعه لاى حزب وممكن ميكونش ليهم فى السياسه ولا ليهم فلسفه سياسيه او ايديولوجيا من اصله, بس بتشتغل على اساس ان كل وزير فى تخصصه فمثلا استاذ و دكتور فى كلية التجارة يمسك وزارة الماليه و الاقتصاد, و استاذ ودكتور فى كلية الطب يمسك وزارة الصحه و دكتور واستاذ فى كلية اقتصاد و علوم سياسيه يمسك رئاسه الوزاره للحكومه و كدا, يعنى بتعتمد على نخبة التخصص المعين و اللى متقدر و محترم من اغلب الناس, كده بيسمح للفرد دا انه يمسك منصب حكومى الحكومه التكنوقراطيه غالبا بتبعد عن دخول فى صف اى حزب او جهة سياسيه و غالبا بتستخدم نوع الحكومه دى وقت ما يكون فيه خلافات سياسيه جامده بين الاحزاب او كحكومه انتقاليه بعد ما تقوم ثوره على نظام الحكم القديم.

حزب الدستور

حزب الدستور هو حزب سياسى مصرى . اعلن قيامه الدكتور محمد البرادعى مع مجموعة مثقفيين و نشطاء مثل الدكتور علاء الاسوانى و الدكتور حسام عيسى و الاعلامية جميلة اسماعيل و الدكتور احمد حرارة و السفير سيد المصرى و الدكتور محمد يسرى سلامة و غيرهم. الحزب اعلن عنه 28 ابريل 2012 و ان من اهدافه ان يبقى فيه عمل سياسى منظم ، انقاذ الثورة اللى انحرفت عن مسارها و قربت على فشلها ، و تحقيق شعارات الثورة " العيش- الحرية- الكرامة الانسانية" ، و ان الحزب عايز يجمع الشعب المصرى و ينقل السلطة لجيل الشباب و بنا كوادر وقيادات من الشباب. الحزب اعلن انه مش متمسك بـ ايديولوجيا معينه و انه بيسعى لضم و توحيد الشعب المصرى و تحقيق العدل و الديموقراطيه و المساوة بين كل المصريين بغض النظر عن دينهم او افكارهم او لونهم. فى مؤتمر دعى الدكتور البرادعى الناس انها تحضر المؤتمر الشعبى اللى إتعمل يوم 18 مايو علشان تأسيس الحزب و تجهيز اوراق الانضمام للحزب للى عايزين ينضموا بعد تقديم اوراق تأسيس الحزب المطلوبه.

حزب سياسى

الحزب ده عباره عن ان ناس ليهم ايديولوجيا معينه او تصور او نظره معينه للحياه ,بيبداو يفرغو التصور بتاعهم لشكل الحياه , من الناحيه السياسيه و الاجتماعيه و الثقافيه ,اكسترا ,وبيعملو برنامج يحطو فيه افكارهم و التصورات بتاعتهم وازاى ممكن يخلو الافكار دى موجوده فعلا لو الناس انتخبوهم و ادولهم الفرصه انهم يحكمو وبيكونو حزب بيكون ليه مقر عام او رئيسى و فروع تانيه علشان يكون الحزب موجود وسط الناس بشكل واسع .

وفى الدول اللى نظامها برلمانى لما بتتعمل انتخابات برلمانيه الحزب اللى بياخد اكتر من نص عدد الاصوات هوا اللى بيعمل الحكومه , ولو مفيش حزب خد اكتر من النص بتتعمل حكومه ائتلافيه بيكون رئيسها من الحزب اللى خد اكتر عدد من الاصوات , وبقية الاحزاب كل حزب بيساهم بعدد من الوزرا بنسبة الاصوات اللى خدها فى الانتخابات .

وفى الدول اللى نظامها رئاسى الاحزاب الكبيره اللى ليها وجود فى الشارع السياسى بترشح اعضاء منها لرياسة الدوله .

ووجود الاحزاب هوا الاساس اللى بيقوم عليه النظام الديمقراطى .

وبيكون للاحزاب تصنيفات على حسب الايدولوجيه بتاعتها سواء حزاب يمينيه او وسط او يساريه .

يعني نختصر و نقول واحد مشهور يلم له كام توكيل و يعمل الحزب،حاجه كده أوستيك..شغل فنادق يعني.و نقضيها بقى توك شو و جرايد و دنيا و هيلمان

دوجما

دوجما (من اصل يونانى: δόγμα |dógma|) هو المعتقد او المذهب(المفهوم) المؤكد اللى متأسس لـ دين, او ايديولوجيا او أى نوع من المنظمات: الدوجما هى سُلطويّه و غير قابلة مجال للجدل, او التشكيك او تفريع. المصطلح مأخوذ من اللغه اليونانى "δόγμα" بمعني رأى واحد او معتقد واحد و من "δοκέω" |dokéo| تفكّر/تفترض/تخيل.فى قلب مفهوم الدوجما, هى سلطه مطلقه; معصومه عن الغلط, مش متناقضه, لاتقبل الجدل (بـ النسبه للأتباع) و مضاده للشكوك. هذه المفاهيم تتسبب فى نقد نموذجى عن طريق المفاهيم المُعتدله و المتعدلّه, لذلك "دوجما" تستخدم بـ طريقه دارجه بهدف الإشارة لـ مذهب لديه مشكله فى الادّعاء بـ انه وحده يملك الحقيقه المطلقه, بالرغم انه من الممكن ان تكون هناك مفاهيم اخرى متفوّقه عليه.

دول العالم التالت

دول العالم التالت مصطلح بيتقال على دول كتير موجوده فى العالم معظمها فى افريقيا و اسيا و امريكا الجنوبيه.

عرب

شوف بردو عربى (توضيح)

العرب ، شعوب و قبايل ساميه سكنو اليمن و الحجاز و الحيره و الشام و منهم قبايل بنو قحطان و بنو عدنان . الايام دى العرب معرووفين كمان بإسم الشعوب العربية او الشعوب الللى بتتكلم عربى هما مجموعه اثنيه لغويه كبيره .

عايشين ف الاساس ف غرب اسيا ، شمال افريقيا ، وأجزاء من القرن الافريقى ، مجمعة تحت مصطلح جغرافى بيتسما العالم العربى.

مش كل الشعوب الللى لغتهاالرسمى عربى بيعتبرو عرب و فيه كلام كتير عن الاختلافات دى.

محمد البرادعى

محمد مصطفى البرادعى (اتولد فى الجيزة - مصر 17 يونيه 1942) قانونى و ديبلوماسى مصرى, و مدير عام سابق لوكالة الطاقه الذريه الدوليه (IAEA) التابعه لـ الامم المتحده من 1 ديسمبر 1997. كرمه العالم بمنحه جايزة نوبل للسلام سنة 2005 هوه و الوكاله الدوليه عشان جهوده و الوكاله لمنع انتشار السلاح النووى.

منظمة التحرير الفلسطينيه

منزمة التحرير الفلسطينيه (بالإنجليزي:Palestine Liberation Organization - PLO) هى منظمه اتعملت سنة 1964 عشان التحضير لدولة فلسطين المستقله . منظمة التحرير بتعتبر الممثل الشرعي الوحيد للشعب الفلسطيني اودام اكتر من 100 دوله و منظمه عندها علاقات دبلوماسيه مع حكومة الاراضي الفلسطينيه المحتله. و من اول سنة 1974 منظمة التحرير الفلسطينيه بقا عندها كرسي "مراقب" فى الامم المتحده , على الرغم من انها فى الوقت ده و لغاية مؤتمر مدريد 1991 كانت بتعتبر "منظمه ارهابيه" فى نظر امريكا و اسرائيل. منظمة التحرير الفلسطينيه اعترفت بحق اسرائيل فى الوجود سنة 1993 و اعترفت بقرارات مجلس الامن رقم 242 و 338 و فكست للعنف المسلح ضد اسرائيل , و فى المقابل اسرائيل اعترفت بالمنظمه كممثل شرعي للشعب الفلسطيني.

نازيه

النازيه Nazism (ألماني: Nationalsozialismus اشتراكيه قوميه ) هي حركة سياسيه ظهرت بعد الحرب العالميه الاولى, اسسها ادولف هيتلر و نشرها في المانيا, التي حولها بعد هذا إلىالمانيا النازيه بعد ما اخذ الحكم فى سنة 1933. النازيه شكل من اشكال الحكم الديكتاتوري. لكن لها شكل متطرف اكثر. النازيين شايفيين ان فيه عرق بشرى واحد هو النقى و ان بقيه الاعراق ملوثه او على الاقل اقل فى الاهميه وقسمهوم درجات. النازية ارتكبت جرائم فى حق البشريه و خصوصا فى اليهود و الغجر و عملوا الهولوكوست. مع ان قوة النازيه القوية تقريبا اختفت بعد ما خلصت الحرب العالميه التانيه و انتحار هيتلرلاكن مازال افكار النازيه موجوده لحد الان و فى حركات متطرفه معتمده فى الايديولوجيا الخاصة بها عن شويه افكار نازيه, فى احزاب اقصى اليمين بتتقال انها نازيه. النازيه الان اتطورت و اتسمت Neonazismus او النازيه الجديده. الان فى المانيا و النمسا وبلاد تانيه مجرد الدعايه او الكلام الكويس على النازيه ممنوعه من القانون و مع ان الدول هذه بتئيد حرية التعبير بس بيعملوا كدا من كتر ما النازيه عنصريه و اتسببت فى موت الملايين. من اسباب ظهور النازيه كان الكساد الكبير و خسارة المانيا الحرب العالميه الاولى و معاهدة فيرساى دا خلى ناس تقول ان الليبراليين و الاشتراكيين, الاشتراكيين الديموقراطيين خصوصا, باعوا المانيا و وفقوا على معاهدة فرساى و وفقوا على شروط الحلفا, اللى كانوا شايفينها ذل لالمانيا و اهلها. فدا خلى حركات زى النازيه و الفاشيه تظهر وقتها. منهم مجموعه كانت شايفه ان الحل ان يكون فيه حزب جامد بيجمع و يوحد العمال و يحسن الاقتصاد و يرفع الروح المعنويه للالمان بعد خسارتهم الحرب, ودا حصل فعلا فى 5 يناير 1919 لما اسس انتون دريكسلر والصحفى كارل هارير حزب العمل الالمانى فى ميونخ. فى اجتماعات و مناقشات للحزب فى سبتمبر 1919 كان فيه جدل و نقاش جامد شارك فيه هيتلر, و حسب كلام هيتلر فى كتابى كفاحى انه فى الاجتماع دا دريكسلر جاله و اداله كتاب " يقظتى السياسيه" و حسب كلام هيتلر برضه ان الكتاب دا اثر فيه جامد, بعد كدا فى نفس اليوم اتبعت لهيتلر جواب بيدعوه فيها انه ينضم للحزب معاهم. فى سنة 1920 قام دريكسلر بتغيير اسم الحزب حسب اقتراح هيتلر و غير اسمه من حزب العمل الألمانى لحزب العمل القومى الاشتراكى الألمانى (NSDAP).فى سنة 1921 بقى هيتلر من قواد الحزب, و حصل خلاف بين هيتلر و دريكسلر و فى الاخر كسب هيتلر و خلى دريكسلر رئيس شرفى للحزب بس ديريكسلر ساب الحزب بعد كدا فى سنة 1923 فى نفس السنة يوم 8 نوفمبر قاد الحزب النازى بقيادة هيتلر محاولة انقلاب على السلطه لاكن فشلت و اتعرفت المحاولة بـ [انقلاب بير هول]. من سنة 1924 بدى الحزب ينضم له اشخاص كثيره و تنتشر افكاره قوية و بدى هيتلر يحلم انه يكون المانيا عظمى بتقوم على سيده الجنس الآرى (الالمانى) على كل العروق والاجناس فى العالم و الافكار النازيه. فى سنة 1929 كسب [الحزب النازى] انتخابات البرلمان و كسب 276 من اصل 387 كرسى فى البرلمان وبقى هو حزب الاغلبيه و حزب الحاكم.

هيتلر

النازيه Nazism (ألمانى: Nationalsozialismus اشتراكيه قوميه ) هى حركة سياسيه ظهرت بعد الحرب العالميه الاولى, اسسها ادولف هيتلر و نشرها جامد فحت فى المانيا, اللى حولها بعد كدا لالمانيا النازيه بعد ما مسك الحكم فى سنة 1933. النازيه شكل من اشكال الحكم الديكتاتورى. بس واخدا شكل متطرف اكتر. النازيين شايفيين ان فيه عرق بشرى واحد هو النقى و ان بقيه الاعراق ملوثه او على الاقل اقل فى الاهميه وقسمهوم درجات. النازية ارتكبت جرائم فى حق البشريه و خصوصا فى اليهود و الغجر و عملوا الهولوكوست. مع ان قوة النازيه القوية تقريبا اختفت بعد ما خلصت الحرب العالميه التانيه و انتحار هيتلرلاكن مازال افكار النازيه موجوده لحد الان و فى حركات متطرفه معتمده فى الايديولوجيا الخاصة بها عن شويه افكار نازيه, فى احزاب اقصى اليمين بتتقال انها نازيه. النازيه الان اتطورت و اتسمت Neonazismus او النازيه الجديده. الان فى المانيا و النمسا وبلاد تانيه مجرد الدعايه او الكلام الكويس على النازيه ممنوعه من القانون و مع ان الدول هذه بتئيد حرية التعبير بس بيعملوا كدا من كتر ما النازيه عنصريه و اتسببت فى موت الملايين. من اسباب ظهور النازيه كان الكساد الكبير و خسارة المانيا الحرب العالميه الاولى و معاهدة فيرساى دا خلى ناس تقول ان الليبراليين و الاشتراكيين, الاشتراكيين الديموقراطيين خصوصا, باعوا المانيا و وفقوا على معاهدة فرساى و وفقوا على شروط الحلفا, اللى كانوا شايفينها ذل لالمانيا و اهلها. فدا خلى حركات زى النازيه و الفاشيه تظهر وقتها. منهم مجموعه كانت شايفه ان الحل ان يكون فيه حزب جامد بيجمع و يوحد العمال و يحسن الاقتصاد و يرفع الروح المعنويه للالمان بعد خسارتهم الحرب, ودا حصل فعلا فى 5 يناير 1919 لما اسس انتون دريكسلر والصحفى كارل هارير حزب العمل الالمانى فى ميونخ. فى اجتماعات و مناقشات للحزب فى سبتمبر 1919 كان فيه جدل و نقاش جامد شارك فيه هيتلر, و حسب كلام هيتلر فى كتابى كفاحى انه فى الاجتماع دا دريكسلر جاله و اداله كتاب " يقظتى السياسيه" و حسب كلام هيتلر برضه ان الكتاب دا اثر فيه جامد, بعد كدا فى نفس اليوم اتبعت لهيتلر جواب بيدعوه فيها انه ينضم للحزب معاهم. فى سنة 1920 قام دريكسلر بتغيير اسم الحزب حسب اقتراح هيتلر و غير اسمه من حزب العمل الألمانى لحزب العمل القومى الاشتراكى الألمانى (NSDAP).فى سنة 1921 بقى هيتلر من قواد الحزب, و حصل خلاف بين هيتلر و دريكسلر و فى الاخر كسب هيتلر و خلى دريكسلر رئيس شرفى للحزب بس ديريكسلر ساب الحزب بعد كدا فى سنة 1923 فى نفس السنة يوم 8 نوفمبر قاد الحزب النازى بقيادة هيتلر محاولة انقلاب على السلطه لاكن فشلت و اتعرفت المحاولة بـ [انقلاب بير هول]. من سنة 1924 بدى الحزب ينضم له اشخاص كثيره و تنتشر افكاره قوية و بدى هيتلر يحلم انه يكون المانيا عظمى بتقوم على سيده الجنس الآرى (الالمانى) على كل العروق والاجناس فى العالم و الافكار النازيه. فى سنة 1929 كسب [الحزب النازى] انتخابات البرلمان و كسب 276 من اصل 387 كرسى فى البرلمان وبقى هو حزب الاغلبيه و حزب الحاكم

ناصريه

ناصريه او الفكر الناصرى هى ايديولوجيا سياسيه ابتدت فى مصر و مبنيه على سياسة و افكار جمال عبد الناصر. الناصريه بتؤمن بالقوميه العربيه ، و ان كل البلاد من المحيط الاطلنطى للخليج الفارسى هم عرب و لازم يكونوا دولة واحده و بيتقال على المنطقه دى العالم او الوطن العربى ، و اشتراكيه عربيه (تعريف عبدالناصر للاشتراكيه) . الفكر ده كان انتشر جامد و اثر فى نظام دول كتير فى الخمسينات و بالتحديد بعد العدوان الثلاثى و استمر فى الستينات و لحد اول السبعينينات من القرن العشرين. اول من استخدم اللفظ ده " الناصريه" لوصف الايديولوجيا دى كان محمد حسنين هيكل فى مقال له فى جرنال الاهرام فى يناير 1972.

بلغات تانيه

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.