اوروبا الغربيه

اوروبا الغربيه هو مصطلح فضفاض يجمع دول منطقة غرب اوروبا و هذا التعريف يعتمد على دلالات ثقافية و سياسية, يوجد تعريف ثانى يصف أوروبا الغربية بوصفها منطقة كيانات ثقافية غربية اوروبا الوسطى . تم إنشاء تعريف ثانى خلال الحرب الباردة و يستخدم لوصف اوروبا الغربيه على أنها الدول التى ليست شيوعية في أوروبا.

Western Europe map
اوروبا الغربيه.[1]

مصادر

  1. "Western Europe". National Geographic Society. NationalGeographic.com. 2009. اطلع عليه بتاريخ 28 سبتمبر 2009.
ارتور ريمبو

جان نيكولا ارتور ريمبو (بالفرنساوى :Jean Nicolas Arthur Rimbaud) (اتولد:20 اكتوبر 1854 – مات 10 نوفمبر 1891) كان شاعر فرنساوى بينتمى لحركه فنيه-ادبيه ظهرت فى اوروبا الغربيه على اواخر القرن التسعتاشر اسمها حركة التدهور (Decadent movement بالفرنساوى Mouvement décadent) .ريمبو كان ليه تأثير كبير على الادب و الفنون و الموسيقا المعاصره.

كتب ارتور ريمبو اجمل و اشهر قصايده و هو لسه ما كملش عشرين سنه و وصفه فيكتور هوجو بانه شيكسبير الطفل.حبه للسفر و روحه القلقه و خروجه على القواعد الاجتماعيه و التقاليد المتعارف عليها كانو اهم اللى بيمزو حيات القصيره اللى انتهت و هو عنده 37 سنه يادوب بمرض سرطان العضم فى مارسيليا، فرنسا.

اكراد

الأكراد أو الكرد أو الكورد (كوردى: کورد / Kurd) هما شعب ايرانى قديم بيعيش فى الشرق الأوسط غالبيتهم بيسكنوا فى منطقه اسمها كردستان اللى اراضيها متقسمه بين تركيا و ايران و العراق و سوريا. لغتهم هى الكردى. غالبية الاكراد مسلمين سنه و منهم شيعه و من ديانات تانيه غير الاسلام زى اليزديين و اليرسانيين و اليهود و المسيحيين. عدد الأكراد فى العالم حوالى 30 مليون معظمهم عايشين فى كردستان و فيه اكراد سابوا بلادهم و عايشين فى الشتات بسبب الإضطهادات و محاولات طمس هويتهم التاريخيه و الثقافيه. أكراد الشتات بيعيشوا فى ارمينيا و جورجيا و اسرائيل و اذربيجان و روسيا و كمان فى اوروبا الغربيه و امريكا.

اوتوقراطيه ليبراليه

الاوتوقراطيه الليبراليه Liberal Autocracyهو نظام حكم مش ديمقراطى بتكون فيه السلطه فى ايد شخص واحد محدش انتخابه , بس بيحترم حقوق الانسان و حريه المواطنين اللى فى البلدعشان النظام ده بيتبع مبادئ الليبرالية. حسب كلام الكاتب الامريكانى فريد زكريا انه لحدالقرن العشرين كانت اغلب الدول فى اوروبا الغربيه بتحكم بالنظام دا , او على احسن تقدير على نظام شبه ديموقراطى.

و بيدى مثال للنظام هى هونج كونج , اللى كانت تابعه لبريطانيا لحد سنة 1997 , بيقول ان لحد سنة 1991 مكنتش عندها انتخابات من اصله بس الحكومه هناك كانت ليبراليه و بيحترم عادات و تقليد الناس و بتيدى الناس حقوقهم و بتحافظ على حريتهم و بتحترم حرية الفكر و حرية التعبير و بتطبق نظام فصل السلطات . فى باحثين تانيين بيشوفوا ان مصر من بعد سنة 2005 ابتدت تقرب لنظام الاوتقراطيه الليبراليه شويه بعد ما كانت استبداديه مطلقه النظام دا عكسه الديموقراطيه ليبراليه.

سويسرا

سويسرا هي جمهوريه اتحاديه من 26 كانتون فى اوروبا الغربيه. حدودها ألمانيا من الشمال، فرنسا من الغرب، ايطاليا من الجنوب، النمسا و ليختنشتاين من الشرق. سياسة سويسرا الخارجيه محايده جدا بيرجع تاريخها لسنة 1515. و سويسرا واحده من اغنى دول العالم. و خدت مدينة زيورخ السويسرية افضل مدينة ممكن تعيش فيها فى العالم لتلات اعوام على التوال. [1] برن مقر السلطات الاتحاديه.

سويسرا بلد بدون سواحل أراضيها متقسمه بين جبال الألب و الهضبة الوسطانيه و جبال جورا و مجموع مساحتها 41285 كم 2 (15940 ميل مربع). سكان سويسرا حوالى 7.8 مليون شخص معظمهم متركز على الهضبة الوسطى

الاتحاد السويسري ليه تاريخ طويل من حياد مسلح ، و لم يدخل من سنة 1815 ، و لم ينضم للأمم المتحدة إلا سنة 2002.

سياسة اسرائيل

اسرائيل بتتصنف على انها دوله نظامها جمهورى برلمانى , بيكون فيها رئيس جمهوريه دوره بروتوكولى و رسمى مش تنفيذى و بيكون رئيس الوزرا , و اسرائيل دوله ديموقراطيه و عشان كده الدول الديموقراطيه زى امريكا و اوروبا الغربيه بيساندوها على اساس انها النموذج الوحيد للديموقراطيه الحقيقيه فى المنطقه , و ده عامل اشكاليات و سوء فهم بين بقية دول المنطقه اللى مش عارفه(على الاقل على مستوى راجل الشارع) ايه سبب وقوف الدول الغربيه مع اسرائيل و بين الدول الغربيه .

لان اسرائيل بتاخد الديموقراطيه الغربيه بشكل اساسى اللى بتعتمد على الحوار فاسرائيل بتعرف تعمل حوار سياسى مش بس جواها لكن ناجحه تماما فى انها تعمل حوار مع الدول الغربيه و بالزات الدول اللى ليها تاثير على القرار السياسى الدولى .

عما

العمى (انجليزى: blindness) دا مرض بيصيب الكائنات الحية وبتخليه مش عارف يشوف او يستخدم عينيه. وفيه انواع، عمي كامل ودا بيكون مش شايف حاجة خالص. وفيه عمي متوسط (بيتقال عليه ضغف نظر بدرجات مختلفه)وفيه الكائن الحي بيقدر يعرف إذا كان فيه نور ولا لا ويحدد اتجاهه بس.

الاحصاءات اللى اتعملت سنة 2002 بينت انه فى انخفاض فى عدد المرضى اللى عندهم عمى فى العالم كله و كمان فى انخفاض فى عدد اللى جالهم عمى بسبب الامراض المعديه (زى التراكوما) و على العكس فى زياده فى عدد اللى بيجيلهم عمى بسبب كبر السن و الامراض المرتبطه بيه (زى مرض السكر).

فرانكس

الفرانكس او الفرنجة (لاتينى: Franci) , هما قبايل جرمانية غربية اتحددت اول مره فى القرن التالت كمجموعة عرقية بتعيش فى شمال و شرق نهر الراين السفلى.

تحت حكم الملوك الميروڤينجيين , الفرانكيين اسسوا واحده من الممالك اللى حلت محل الامبراطورية الرومانية الغربية من القرن الخامس الميلادى . دولة الفرانكيين الموحده سيطرت على اجزاء كبيره من اوروبا الغربيه بحلول نهايت القرن التامن. و تحت حكم الملوك الكارولينجيين الفرانك كانوا من اهم العوامل فى نشر المسيحية فى اوروبا الغربيه.

التعاريف المعاصره للفرانكيين كمجموعه عرقيه مختلفه حسب وجهت نظر المؤرخين. و مش واضح اذا كان الفرانكيين كانوا بيسموا نفسهم الاسم ده من زمان او اذا كان الفرانكيين من البدايه هما مجموعة مختلفه ثقافياً عن الشعوب اللى حواليهم. المؤرخين المسلمين فى العصور الوسطى نسبوا الصليبيين ليهم و سموهم الفرنج او الفرنجه.

فرانكيا

فرانكيا او الامبراطوريه الفرانكيه هى المنطقه اللي سكنها و حكمها الفرنك ( الفرنج ) من القرن التالت للقرن العاشر . و هيا نفسها الامبراطورية الفرانكيه , او مملكة الفرانك , او ارض الفرانك.

الممالك الفرعية الفرنكية بمرور الوقت كانت كتيره ,لكن كلمة فرنكيا مع مرور الايام ارتبطت بمملكة فرعية واحدة و هى مملكة أوستراسيا ، تتركز على نهر الراين, و احيانا كلمة فرنكيا تشمل مملكة نيوستريا شمال لوار وغرب السين ، لكن بمرور الوقت إنحصرت تسمية فرنكيا فى منطقة حوض السين حوالين باريس ، و الايام دى منطقة حوض السين حول باريس اسمها إیل-دو-فرانس - Île-de-France و هو الاسم اللى جه منه اسم مملكة فرنسا كلها.

كان نظام حكم الامبراطورية يعتمد على تقسيم المملكة لممالك فرعيه ، أكبر عملية توسيع الامبراطورية الفرنكية تحت حكم كارل مارتل و ابنه بيبين الاوصيير و ابنه شارلمان بين الاب والابن والحفيد كان فيه حملات مستمرة علشان توسيع الامبراطورية و اكبر اتساع كان فى اوائل القرن التاسع

فلسفه

الفلسفه (يونانى: Φιλοσοφία, |Filospfía|; انجليزى: Philosophy; فرنساوى: Philosophie)

الفلسفة كلمة جاية من اللفظ اليوناني فيلوسوفيا φιλοσοφία، اللى بمعنى محبة الحكمة او طلب المعرفة. وعلى الرغم من المعنى الاصلي دا، إلا إنه بيبقى من الصعب جدا تحديد معنى الفلسفة بدقة..

الفلسفه ما تعتبرش فرع من فروع العلوم لانها بتطرح اسئله اكتر ما بتقدم اجابات، وحتى السؤال عن إيه هى الفلسفة بيعتبر سؤال فلسفيّ قابل لنقاش طويل، ودا من احد المظاهر الاساسية للفلسفة إنها دايما بتميل للتساؤل والتدقيق فى كل حاجه والتدوير عن ماهيته ومظاهره المختلفة وأهم قوانينه. عشان كده المادة الاساسية للفلسفة مادة واسعة ومتشعبة بترتبط بكل أصناف العلوم ويمكن بكل جوانب الحياة، ومع ذلك بتفضل الفلسفة متفردة عن باقي العلوم والتخصصات. بتتوصف الفلسفة احيانا بأنها "التفكير فى التفكير"، يعني التفكير فى طبيعة التفكير والتأمل والتدبر، وبتتعرف بردو بأنها محاولة للإجابة عن الاسئلة الاساسية اللى بيطرحها الوجود والكون.

و فيثاغورس (572 _ 497ق.م) كان اول حكيم من القدماء اللى وصف نفسه بأنه فيلسوف،وبيتعرَّف الفلاسفة بأنهم الباحثون عن الحقيقة عن طريق تأمل الأشياء، فأصبح حب الحكمة هو البحث عن الحقيقة، وبقت الحكمة هى المعرفة اللى بتقوم على التأمل.

الفلسفة حصل لها تطورات كتيرة مهمة، من اول الإغريق اللى أسّسوا قواعد الفلسفة الاساسية كعلم بيحاول يأسس نظرة شاملة واقعية للكون كله ، لحد الفلاسفة المسلمين اللى تفاعلوا مع الإرث اليوناني فى الفلسفة ودمجوها مع التجربة العملية وحوّلوها الفلسفة الواقعية الى فلسفة ٱسمية، لحد فلسفة العلم والتجربة فى عصر النهضة لحد الفلسفات الوجودية والانسانية ومذاهب الحداثة ومابعد الحداثة والعدمية.

الفلسفة الحديثة

حسب التقليد التحليلي فى امريكا الشمالية والمملكة المتحدة، بقت الفلسفة بتميل لإنها تكون تقنية بحتة بتركز على المنطق والتحليل المفهومي. وبالتالي فالمواضيع اللى بتهتم بيها بتشمل نظرية المعرفة، والأخلاق، وطبيعة اللغة، وطبيعة العقل.

هنلاقي ثقافات واتجاهات تانية شايفه إن الفلسفة دراسة الفن والعلوم، وبتكون نظرية عامة ودليل حياة شامل. و على الاساس دا هتبقى الفلسفة مهتمة بتحديد طريقة للحياة المثالية مش محاولة لفهم الحياة. من ناحية تانية بتعتبر المنحى التحليلي الفلسفة حاجه عملية لازم يتم ممارستها، وبتعتبرها اتجاهات تانية اساس المعرفة اللى يجب إتقانه وفهمه كويس.

كنيسة اسكندريه المصريه الارتودوكسيه

كنيسة اسكندريه المصريه الارتودوكسيه (معروفه كمان بإسم كنيسة الاسكندريه القبطيه الأرثوذكسيه; قبطى: Ϯⲉⲕ̀ⲕⲗⲏⲥⲓⲁ ̀ⲛⲣⲉⲙ̀ⲛⲭⲏⲙⲓ ̀ⲛⲟⲣⲑⲟⲇⲟⲝⲟⲥ |ti.eklyseya en.remenkimi en.orthodoxos|) هى أكبر كنيسه مسيحيه فى مصر, كنيسة اسكندريه المصريه انفصلت عن بقية الكنايس بعد مجمع خلقيدونيا سنة 451 م, و لحد دلوقتى الفروق الدقيقه فى علم اللاهوت اساسا عن طبيعة المسيح بتسبب انقسام الكنايس. الجذور التأسيسية لكنيسة اسكندريه المصريه الارتودوكسيه مبنية فى مصر لكن ليها وجود فى جميع أنحاء العالم عن طريق المهاجرين الأقباط. رئيس الكنيسه هو بابا الاسكندرية و بطريرك عموم افريقيا عن كرسى القديس مرقس الرسولى. حوالي 95 ٪ من مسيحيين مصر بينتمو لكنيسة اسكندريه القبطيه الأرتودوكسية.

كورتيس خينيراليس

كورتيس خينيراليس هو البرلمان الاسبانى و بيمثل السلطة التشريعية فى اسبانيا و بيتكون من مجلسين مجلس النواب و مجلس الشيوخ, الكورتيس خينيراليس له سلطة سن أى قانون و تعديل الدستور الاسبانى

مجلس النواب يقدر يأكد او يرفض رئيس الحكومة.

لاتفيا

جمهوريه لاتڤيا (لاتڤى: Latvijas Republika) هى جمهوريه من جمهوريات البلطيق التلاته و من جمهوريات الاتحاد السوفييتى السابق. وليها حدود ويا استونيا (343 كم) وليتوانيا (588 كم) وبيلاروسيا (141 كم)، و لاتڤيا مساحتها 64,589 كم2. لاتڤيا بقت عضو فى الاتحاد الاوروبى من 1 مايو 2004 و عضو فى الناتو من 29 مارس 2004.

عدد سكان لاتڤيا 2.4 مليون شخص و ده بيخليها من اقل دول الاتحاد الاوروبى من حيث عدد السكان، و اللغه الرسميه فى لاتڤيا هى اللاتڤى و دى لغه بلطيقيه و بتشبه الليتوانى فى حاجات كتيره فى القواعد والكلمات.

لغه امازيغى

اللغه الامازيغي (Tamaziɣt, نطق: تامازيغت) هى لغه من عيلة اللغات الافرو-اسيويه, الامازيغى الحديث متفرع لفرعين اساسيين فرع شمالى و فرع جنوبى و بينتشر اللى بيتكلموه فى شمال افريقيا من اول المغرب لحد مصر (واحة سيوه وجارا) و البلاد اللى بينهم: الجزاير, تونس, ليبيا, مالى و النيجر و في بردو ناطقين بالامازيغى فى اوروبا الغربيه, امريكا, كندا. اثرت و تأثرت اللغه الامازيغيه باللغات اللى اتحكت بيهم فى تاريخها الطويل زى المصرى القديم, العبرى, الفينيقى, اليونانى, اللاتينى, التوركى, العربى و قريب الفرنساوى و الاسبانى. الامازيغى لغه رسميه فى دولتين: المغرب والجزاير. ما فيش معلومات رسميه للعدد الحقيقى للى بيتكلمو امازيغى بس اللغويين بيقدرو عددهم بحوالى 60-65 مليون.

مترو مدريد

مترو مدريد هو اسم نظام مترو الانفاق اللى بيخدم مدينة مدريد عاصمة اسبانيا , سادس أطول نظام مترو فى العالم بعد لندن و نيويورك و موسكو و سول و شانجهاى رغم ان بلدية مدريد من حيث عدد السكان المنطقة الخمسين فى العالم تقريبا.

مترو انفاق مدريد بيخدم حوالى اربعه مليون ساكن و مترو انفاق مدريد واحد من اكبر شبكات مترو الانفاق فى العالم و اسرعهم فى التوسع , و هوا دلوأتى فيه حوالى 283 كيلومتر (176 ميل) من الخطوط و ده بيخلليه تانى اكبر مترو انفاق فى اوروبا الغربيه بعد مترو انفاق لندن.

مدريد

مدريد (اسبانى: Madrid نطق: [maˈðɾið], و بالعامية فى اسبانيا [mað̞ɾi]) هى العاصمه واكبر مدينه فى اسبانيا . و تالت أكبر منطقه حضريه فى الاتحاد الأوروبى بعد لندن و برلين, و منطقة مدريد الكبرى هى التالته حسب عدد السكان بين المناطق الحضريه فى الاتحاد الأوروبى بعد باريس الكبرى و لندن الكبرى.مدريد كمان هى رابع أكبر مدينه من حيث عدد السياح فى أوروبا و الأكبر فى اسپانيا علشان استضافت يقارب من سبع ملايين سايح فى 2006 و هى مقر المنظمة العالميه للسياحه الدوليه اللى هى منظمة تابعة للأمم المتحدة.

مدينة مدريد مبنيه على ضفاف نهر مانزاناريس اسبانى: Río Manzanares والمدينه و النهر هما الاتنين فى وسط بلدية مدريد اللى بتضم مدينة مدريد,و مجتمعاتها الحضريه والأحياء والقرى; مجتمع بلدية مدريد بتحده الأقاليم المتمتعه بالحكم الذاتى كاستيا و ليون و كاستيا لا مانتشا.

علشان مدريد هى عاصمة اسبانيا,مدريد هيا مقر الحكومه المركزيه , و البرلمان الاسبانى, والوزارات, و المؤسسات و الوكالات, و كمان المقر الرسمى لملوك اسبانيا, مدريد هيا كمان المركز السياسى لاسبانيا. عمدة المدينة البرتو رويز جاياردون من حزب يمين الوسط حزب الشعب فى منصبه من 2003.

بسبب الناتج الاقتصادى, ومستوى المعيشة, و حجم السوق, مدريد بتعتبر مركز مالى كبير فى شبه الجزيرة الايبيرية, و فيها المقر الرئيسى بتاع معظم أكبر الشركات الاسبانية, مدريد مقر تلاتة من أكبر 100 شركة فى العالم (تليفونيكا, ريبسول - YPF, انديسا).

مدريد بتمتلك بنية تحتيه حديثه, لكن حافظت على شكل و مظهر كتير من الاحياء والشوارع التاريخيه. معالم مدريد الضخمة بتشمل قصر مدريد الملكى; تياترو ريال مدريد (المسرح الملكى) 1850 دار الأوپرا; جنينة بوين ريتيرو,اللى اتأسست سنة 1631; و المكتبة الوطنية (اللى اتأسست سنة 1712) و فيها مجموعه من المحفوظات التاريخية فى اسبانيا.و تلات متاحف للفنون: متحف برادو, اللى فيه واحدة من أجمل المجموعات الفنية فى العالم, والمتحف الوطنى للتجارة (مركز الملكة صوفيا), و متحف الفن الحديث,مدريد, و متحف تايسن-بورنميسزا, اللى اتأسس فى قصر فيلاايرموزا بعد تجديدهعدد سكان مدينة مدريد حوالى 3.3 مليون (ديسمبر 2009), عدد سكان المناطق الحضرية 5.1 مليون, مجموع سكان منطقة مدريد العاصمة (المنطقة الحضرية و الضواحى) 6.386.932. مساحة المدينة 698 كيلومتر مربع (234 ميل مربع).

مدريد موجوده فى وسط اسپانيا فى منطقة كاستيا التاريخيه و سلسلة جبال سييرا دى جواداراما موجوده فى شمال غرب المدينه, جبال سييرا دى جواداراما بيوصل ارتفاعها ل 2.429 متر فوق مستوى سطح البحر فى قمة بينيالارا. من الشرق وادى ايناريس, اللى بيمر فيه طرق برية و سكك حديد بتربط مدريد بساراجوسا وبرسلونه. و المدينة الام لمدريد هى مدينة توليدو العاصمة القديمه لمملكة كاستيا, توليدو موجوده على بعد 50 كيلومتر تقريبا جنوب مدريد.مجتمع مدريد بيضم مدينة مدريد ، و المجتمعات و الضواحى و القرى الللى حواليها .

مملكة ليون

مملكة ليون كانت دولة مستقلة فى المنطقة شمال غرب شبه الجزيرة الايبيرية , نتجت من مملكة أستورياس اتأسست سنة 910 م لما نقل امرا أستورياس المسيحيين على طول الساحل الشماليى لشبه الجزيرة مقرهم الرئيسى من اوڤييدو لمدينة ليون. المقاطعات اللى على ساحل المحيط الاطلنطى بقت مملكة البرتغال سنة 1139 ، و المقاطعات الشرقية ، والداخلية فضلت جزء من المملكة وانضمت لمملكة كاستييا وبحلول سنة 1230 اتحدت مملكة ليون و مملكة كاستييا , مملكة كاستييا فى البداية مقاطعة فى مملكة ليون و ظهرت ككيان سياسى مستقل فى القرن التاسع و كانت قبل كده بتتسما مقاطعة كاستيا من مملكة ليون.

تاج كاستییا ، هو مفهوم معناه وجود ملك واحد على مجموعة متنوعة من الممالك والاراضي (ليون و كاستییا نفسها و جاليسيا و استورياس ابتدا باتحاد نهائى وحاسم لمملكة ليون و مملكة كاستيا سنة 1230. تاج كاستییا دلوقتى جزء من تاج اسبانيا.

من سنة 1296 لسنة 1301 ، كانت مملكة ليون مستقله مره تانيه

ميروڤينجيين

الميروڤينجيين كانت عيله من قبائل السليان من الفرنكيين

الميروڤينجيين هى اول سلالة حكمت الفرنكيين لحد كبير فى منطقة فرنسا دلوقتى. من نص القرن الخامس لنص القرن التامن.

نيديرلاند

نيديرلاند (هولاندى: Nederland, معروفه بردو بـ"هولندا") هى الجزء الأوروبى من مملكة نيديرلاند (هولاندى: Koninkrijk der Nederlanden)، اللى بتتألف من نيديرلاند،و جزر الأنتيل الهولندية و أروبا فى منطقة البحر الكاريبى و نيديرلاند هى ديمقراطية پرلمانية ملكية دستورية فى أوروبا الغربية. و يحدها بحر الشمال من الشمال والغرب، بلجيكا من الجنوب، و ألمانيا من الشرق. نيديرلاند واحدة من اول الديمقراطيات الپرلمانية، و كانت دولة حديثة من اساسها. عاصمة نيديرلاند هيه امستردام ومقر الحكومة فى لاهاى.

يوحنا التالت سوبياسكى

يوحنا التالت سوبياسكى (جون سوبيسكى) (17 اغسطس 1629 -- 17 يونيه 1696) ملك بولندا هو واحد من ابرز ملوك الكومنولث البولندى - الليتوانى، كان ملك بولندا والدوق الاكبر من ليتوانيا فى الفتره من 1674 ولحد ما مات. اتميزت فترة عهده 22 سنه باستقرار الكومنولث، بعد الاضطراب.

كان ليوحنا التالت شعبيه بين رعاياه ، كمان كان قائد عسكرى عبقرى ، اشتهر بسب انتصاره على الاتراك فى معركة ڨيينا 1683. بسبب انتصاراته على الامبراطوريه العثمانيه الاتراك، سماه خبراء الامبراطوريه العثمانيه "اسد لخستان " (ليخستان الاسم القديم لبولندا)

مناطق العالم

LocationAfrica

أفريقيا

الوسطى · الشرقية · الشمالية · الجنوبية · الغربية

LocationAmericas

الأمريكيتين

انجلو-امريكا · الكاريبى · امريكا الشماليه · امريكا اللاتينيه  · وسط أمريكا · الجنوبيه

LocationAsia

آسيا

الوسطى · الشرقية · الشماليه · الجنوبيه · جنوب شرق · جنوب غرب

Location of Europe

أوروبا

الوسطى · الشرقية · الشمالية · الجنوبية · الغربيه

LocationOceania

اوقيانوسيا

اوستراليا · ميلانيسيا · مايكرونيزيا · بولينيزيا

مناطق تانيه
 

اسيا الباسيفيكيه · القوقاز · الشرق الأدنى · شبه القارة الهندية · الشرق الأقصى · الشرق الأوسط

LocationPolarRegions

القطبين

اركتيك · أنتاركتيكا

LocationOceans

المحيطات

المتجمد الشمالي · الاطلنطى · الهندي · الهادي · المتجمد الجنوبي

بلغات تانيه

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.