القرن الستاشر

القرن الستاشر كان القرن ابتدا 1501 و انتهى سنة 1600 من التقويم الجريجورى

أحداث

  • 1561 نقل فيليبى التانى (1527-1598) ابن كارلوس الاول فى 1561 فى نص القرن الستاشر مقر الحكم لمدريد.
اسكواش

الاسكواش لعبة مضرب إتعرفت ف القرن الستاشر سنة 1830 ف لندن وانتشرت ف العالم كله

الصليبيين

الصليبيين ، حركه و جيوش اوروبيه مسيحيه لاتينيه ( كاتوليكيه ) هاجمت الشرق الأوسط من اواخر القرن الحداشر لغاية حوالى القرن الستاشر. اسس الحركه اوربان التانى بابا الكاتوليك اللاتين سنة 1095 و روج ليها قسسه و رهبان كاتوليك زى بيير الناسك ( بطرس الناسك ) بحجة تحرير الأراضى المقدسه فى فلسطين من المسلمين و محاربة العلمانيين و الخارجين عن الكنيسه اللاتينيه فى اوروبا.

الصليبيين كانو لاتين تابعين للكنيسه الكاتوليكيه فى غرب اوروبا فى فترة العصور الوسطى بس ، و ما لهمش علاقه بالمسيحيين البيزنطيين ( اليونانيين ) او الشرقيين فى مصر و الشام و غيرهم اللى كان الصليبيين بيعتبروهم هما والعلمانيين الاوروبيين من ضمن اعدائهم.

الحركه الصليبيه كانت مزيج من الهوس الدينى و الخرافات الممزوجه بمطامع دنيويه و سياسيه.

فى الاصل ما كانش اسمهم صليبيين لكن عادة كانو بيتسمو حجاج. فى فترات لاحقه اتسمو صليبيين لإنهم كانو بيشيلو صلبان و بيحطو بادجات الصليب على هدومهم بعد تأدية قسم فى الكنايس كان اسمه " أخد الصليب ". باباوات الكنيسه الكاتوليكيه وعدوا المشاركين فى الحروب الصليبيه بالغفران وفى فتره معينه مع انتشار الفساد بقت بتتباع صكوك اسمها " صكوك الغفران ".

فى الشرق اتسمو " فرنج " او " فرنجه " من ناحيه لإن معظم الحملات الصليبيه كان بيطغى عليها الطابع الفرنساوى و من ناحيه تانيه لتميزهم عن المسيحيين الشرقيين اللى ما كانش ليهم دخل فى الموضوع و عانو مع المسلمين هما و اليهود.

من اشهر فرقهم فرسان المعبد و الاسبتاريه و التيوتون الألمان .

اول ضحايا الصليبيين كانو يهود اوروبا اللى هاجم الصليبيين مجتمعاتهم فى فرنسا و المانيا و غيرها قبل ما يروحو الشرق و خيروهم بين القتل او إعتناق المسيحيه و اتقتلت منهم اعداد كبيره اكمنهم رفضو و فضلو الموت عن انهم يبقو مسيحيين. المدابح الفظيعه دى اتسمت الهولوكوست الأولانى و " مدابح اليهود فى الراين ". عادة اليهود كانو بيتعرضو لمدابح فى اوروبا على ايد المسيحيين قبل كل حمله صليبيه. مدبحة يورك اللى اتعملت فى 6 يوليه سنة 1189 بعد تتويج ريتشارد قلب الأسد ملك على انجلترا بتعتبر من المدابح المشهوره.

الحروب الصليبيه ماكانتش ضد المسلمين بس لكن كانت كمان ضد المعاديين للكنيسه الكاتوليكيه فى اوروبا اللى سمتهم الكنيسه الكاتوليكيه " مهرطقين ". حروب حركة الاسترداد فى ايبيريا بتعتبر كمان ضمن الحروب الصليبيه و اللى كانوا بيشاركوا فيها كان البابا بيديهم نفس ميزات الصليبيين اللى بيحاربوا فى الشرق.

اشتهر الصليبيين بالقسوه و العنف المخلوطين بالطمع المادى و الهوس الدينى و اتسببو فى مآسى كتيره و فى قتل حوالى 6 مليون شخص فى الحروب و الحملات اللى شنوها بإسم المسيح و الدين المسيحى و ده رقم ضخم جداً لإن الحروب دى كانت بتتحارب بمجرد سيوف و نبال.

انتهت حروبهم على الشرق بهزيمتهم على ايد مصر اللى اتحملت بجيوشها و اقتصادها العبء الأكبر و اتعرضت لحملتين ضخمين ، الحمله الصليبيه الخامسه و الحمله الصليبيه السابعه ، لكن كلفو الامبراطوريه البيزنطيه و مصر الكتير و اتسببو فى رده حضاريه و ثقافيه كبيره اذا اتاخد فى الإعتبار ان مصر كانت متقدمه ثقافياً و عمرانياً عن اوروبا لما بدأت الحروب الصليبيه و حتى فى عصر نهضتها. و بالنسبه للبيزنطيين هاجم الصليبيين اراضيهم و استولوا عليها فى الحمله الصليبيه الرابعه و اسسوا الامبراطوريه اللاتينيه فى قسطنطينيه و اضعفوها لغاية ما الأتراك استولوا عليها.

الهند

جمهورية الهند (هندى: भारत गणराज्य |Bhārat Gaṇarājya|) هى بلد فى جنوب اسيا, تحتل معظم أراضى شبه القارة الهندية. الهند لها سواحل طولها أكتر من 700 كلم. البلدان المجاوره للهند هى باكستان وأفغانستان فى ناحية الشمال الغربى, الصين, نيبال, وبوتان من الشمال, بنجلاديش و ميانمار من الشرق. فى المحيط الهندى, تحاذيها جزر المالديف من الجنوب الغربى و سريلانكا و اندونسيا من الجنوب الشرقى. الهند هى ثانى أكبر بلد فى العالم من حيث تعداد السكان, اليوم عدد سكانها يزيد على مليار ومائه مليون نسمه. و من حيث المساحه الهند فى المرتبة السابعه على مستوى العالم.

الهند كان فيها حضارات قديمه, و كانت مركز لكتير من الطرق التجارية المهمه على مر التاريخ, و ايضا قامت على ارضها شوية ديانات زى: الهندوسية, البوذية, الجانية والسيخية. الهند كات زمان ايام الإستعمار جزء من أراضى التاج البريطاني قبل ما تستقل عن بريطانيا سنة 1932. مع أواخر القرن العشرين اتقدمت الهند تقدم معتبر فى الاقتصاد وبقت بتلعب دور سياسى كبير على مستوى منطقتها وعلى مستوى العالم.

اوزبيكيستان

جمهورية اوزبيكيستان (بالاوزبيكى:O‘zbekiston Respublikasi )بلد مالهاش سواحل فى من اسيا الوسطى كانت واحده من الجمهوريات اللى تبع الاتحاد السوفييتى السابق. ليها حدود مشتركه مع كازاخستان فى الغرب و الشمال ، و مع كيرجيزستان و طاجيكيستان فى الشرق ، و مع افغانيستان و توركمينيستان فى الجنوب.عدد السكان فيها 27,727,435 (2009).العاصمه بتاعتها طشقند.

اللغه الرسميه بتاعتها هى الاوزبيكى.

بروتيستانتيه

الپروتيستانتيه (ألمانى: Protestantismus; انجليزى: Protestantism) ، مذهب من المذاهب المسيحيه ابتدت فى شمال اوروبا فى بدايات القرن الستاشر كحركه دينيه منشقه على الكنيسه الرومانيه الكاتوليكيه اللى بيتزعمها بابا الكاتوليك ( بابا الفاتيكان دلوقتى ). المذهب البروتيستانتى فى نفس الوقت اتقسم لمذاهب كتيره بتختلف فى حاجات لكن بتتفق فى حاجات. بدإت البروتيستانتيه بتمرد مارتين لوثر على البابا و الكنيسه الكاتوليكيه سنة 1517 فحرمه البابا من الكنيسه و طرده لكن لوثر استمر فى تمرده و حرق وثيقة الحرمان ، و اسس كنايسه الانجيليه المنشقه فى المانيا و اسكندنافيا و قامت صراعات دمويه و فكريه و عداوه كبيره بين الكنيستين . و انبثق من المذهب البروتيستانتى مذهب تانى هو المذهب الكالفينى اللى اسسه جون كالفين فى سويسرا. فى انجلترا ظهر توماس كرانمير و اسس كنيسة انجلترا الاصلاحيه ، و بعده اسس جون كنوكس كنيسه متطرفه اكتر فى اسكوتلاندا. العداوه ما بين الكنيسه الكاتوليكيه و الكنايس البروتيستانتيه استمرت لقرون طويله حصلت فيها صراعات مسلحه ، و فى ايرلاندا قامت حرب اهليه ما بين الكاتوليك و البروتيستانت اتقتلت فيها اعداد كبيره من الناس.

بتتضمن الپروتيستانتيه على افكار تحرريه فى المسيحيه و التسامح الدينى. الشخص فيها مسئوليته فرديه قدام الاله وحده و مش قدام الكنيسه ولا بواسطتها، و بكده قلصت الپروتستانتيه التقاليد المسيحيه القديمه و السلطه الدينيه المتحكمه زى ما هى موجوده فى الكاتوليكيه و الكنايس الشرقيه. فيها مذاهب كتيره زى الأدڤنست و ال پيوريتانيه (انجليزى: Puritans) و العصريه و اللوثريه (انجليزى: Lutheranism) و غيرها. الپروتستانت ما عندهمش بابا زى الكاتوليك و الارتودوكس، و بيعتبروا اكتر عصريه.

بوليفيا

بوليڤيا من بلاد امريكا الجنوبيه ليها حدود مع البرازيل من الشمال والشرق ، و باراجواى و الأرجنتين فى الجنوب ، و تشيلى و بيرو فى الغرب. قبل الاستعمار الأوروبى ارض بوليڤيا كانت جزء من امبراطورية الانكا اللى كانت أكبر دولة فى أميركا قبل اكتشاف كولومبوس .الامبراطورية الإسبانية احتلت المنطقه فى القرن الستاشر و خلال معظم فترة الاستعمار الاسبانى المنطقه اتسمت إقليم أعالى بيرو او تشاركاس وكانت تحت إدارة نائب التاج الاسبانى لبيرو اللى شملت معظم المستعمرات الاسبانيه فى جنوب امريكا.

تانكريد

تانكريد ابن الماركيز او تانكريد دى هاوتڤيل او تانكريد امير انطاكيا او تانكريد امير الجليل فى النصوص التاريخيه العربيه " طنكرى " ( 5 ديسمبر 1076 - 12 ديسمبر 1112 ) ، قائد نورمانى من سيسيليا من ابطال الحروب الصليبيه. بيعتقد انه ابن " اودو الماركيز الطيب " و " ايما دى هاوتڤيل " أخت بوهيموند الاول.

انضم لجيش خاله بوهيموند الاول فى الحمله الصليبيه الاولى و هو عنده حوالى عشرين سنه و راح معاه على اسيا الصغرى لمحاربة المسلمين و تحرير بيت المقدس. ساهم بجهد كبير فى فتح نيقيا و طرسوس و انطاكيا و اورشليم فى 15 يوليه سنة 1099 ، و شارك فى معارك كتيره و هزم المسلمين بقيادة رضوان حاكم حماه سنة 1105. مدحه المؤرخين و اشتهر بالشجاعه و الشهامه.

مع ان بوهيموند ادا ولائه للامبراطور البيزنطى اليكسيوس الاول لكن تانكريد مارضيش و اتجنب دخول قسطنطينيه و رفض انه يتنازل عن فتوحاته للامبراطور. حكم امارة انطاكيا كنايب لبوهيموند و حكمها لوحده سنة 1100 و حكم كونتية الرها سنة 1107. أرخ ليه و خلد ذكره المؤرخ رالف اوف كين Ralph of Caen اللى كان معاه وقت الحمله الصليبيه الاولى و عاين احداثها.

تانكريد بقى شخصيه بطوليه و رمز من رموز الشجاعه بتلهم الشعرا و الكتاب فظهر فى الاشعار و الكتابات و حتى فى الاعمال الموسيقيه ، فظهر مثلاً كبطل ملحمى فى قصيدة " اورشليم اتحررت " (La Gerusalemme liberata ) من القرن الستاشر ، و عمله الكومپيونيست روسينى Rossini بطل لاوبرا تانكريدى Tancredi المتاخده من مسرحية ڤولتير تانكريد Tancrède.

تيتيان

تيتزيانو فيتشيليو (Tiziano Vecellio) رسام ايطالى مشهور مبتكر صاحب اسلوب متنوع من اشهر الرسامين الطلاينه فى القرن الستاشر, و هو واحد من الرسامين القليلين الطلاينه اللى قدر يكون رجل اعمال شاطر و يدير ورشة عمل لإنتاجه الخاص إتولد فى پييڤى دى كادورى قرب بلونو فى ڤينيتو فى جمهورية ڤينيسيا و علشان كده كان بيتقال عليه الكادورى نسبه لمكان ولادته.

جالينوس

جالينوس (يونانى: Γαληνός |Galēnos| من الصفه "γαληνός", هادى) (ح 130 - ح 200), طبيب و فيلسوف يونانى درس فى اليونان و اسكندريه فى مصر و بعدين راح عاش فى روما و اختاره ماركوس اوريليوس طبيب لبلاطه. ليه 500 كتاب فى الطب و الفلسفه بقى منها تلاته و تمانين. فضلت كتبه مرجع مهم لغاية القرن الستاشر.

هو اول واحد فرق بين الشرايين و الاورده

و حط اسس علم الاعصاب لانه فرق بين الاعصاب الحسيه و الاعصاب الحركيه

و شاف ان فى علاقه بين قطع الحبل الشوكي و الشلل

رسم

اقدم المعروف عن الرسم هى الرسومات اللى اكتشفت فى كهف لاسكو فى فرنسا و عمرها عشرين الف سنه. فى العصور القديمه برع المصريين و اليونانيين و فى الرسم و اشتهر البيزنطين فى عصور لاحقه برسم الموضوعات المسيحيه. فى اوروبا فى العصور الوسطى اتسم الرسم بالمواضيع الدينيه و مع نهايات العصور الوسطى و بزوغ عصر النهضه الاوروبيه ظهر رسامين اوروبيين بارعين زى فرا انجلكو (1387-1455) و ماتشيو و اوتتشللو. اتميز عصر النهضه بعدد كبير من الرسامين الكبار زى ليوناردو دافنشى و ميكلانجلو و رفاييل. و ظهر من مدرسة فينيسيا اللى استمرت لبعد القرن الستاشر رسامين زى تينتوريتو و فيرونيزى (1528-1588) و تيسيان. و مع بدايات القرن السبعتاشر ظهر فى هولندا روبنز و فان دايك و رمبرانت و ظهر فى اسبانيا فلاسكويز و جويا.

الرسم فى فرنسا فتح صفحه جديده برسامين زى انطوان فاتو ( 1684-1721) اللى برع فى تصوير المناظر الطبيعيه ، و جان اونريه فراجونار (1732-1806) ، و جان بابتيست شاردان (1699-1779).

فى انجلترا بيعتبر هوجرت اول الرسامين الانجليز العظام، و اشتهر كنستابل برسم المناظر الطبيعيه.

مدارس الرسم الحديثه بدأت فى القن تسعتاشر و اشهر المدارس دى كانت المدرسه التأثيريه و مدرسة ما بعد التأثيريه اللى من روادها رينوار و جوجان و فان خوخ. و فى القرن العشرين بقت فيه كذا مدرسه و ظهر الاتجاه التجريدى و مدارس الاتجاهات الحديثه اللى سادت اوروبا و عمت كل العالم. من رواد القرن العشرين كان بيكاسو و براك و سلفادور دالى و ماتيس و كاندنسكى و موندريان و رأفت عدس اللى يميزه عالميا بالفن التجريدي الزخرفي .

من اقدم الرسامات في لبنان كانت الرسامة سلوى روضة الشقيري والتي توفقت في سنة 2017.

مراجع

وفاة سلوى روضة الشقيري عبر اليمن الغد

سيبييا

سيڤييا ، بالعربى إشبيلية (اسپانى: Sevilla نطق: [seˈβiʎa]) هى مدينه اسبانيه العاصمة الاداريه لمنطقة اندلسيا ومحافظة سيڤييا فى جنوب اسبانيا, و مبنيه على ضفاف نهر جوادالكيڤير (الوادى الكبير). سكان مدينة سيڤييا كان 704414 سنة 2009 (تقديرات المعهد الوطنى للاحصا). سكان منطقة العاصمه (المنطقه الحضريه اضافة للمدن التوابع) 1450214 سنة 2009 تقديرات المعهد الوطنى للاحصا, و بكده تكون رابع اكبر منطقه حضريه فى اسبانيا بعد مدريد و برسلونه و ڤالنسيا. بلدية سيڤييا مساحتها 140.8 كم2.

سيڤييا واحدة من اكبر المراكز التاريخية فى اوروبا, استضافت سيڤييا اتنين من المعارض الدوليه (اكسبو 1929 و اكسبو 1992). سيڤييا بالتأكيد واحده من اكتر الاماكن المحبوبه من زوار اسبانيا.

مدينة سيڤييا هى رابع اكبر مدينة فى اسبانيا و مركز للثقافة الاندلسيه و مصارعة التيران. فى الاسبوع المقدس (الاسبوع المقدس و عيد القيامة) تستمر المسيرات والمهرجانات فى سيڤييا ليوم الجمعة العظيمة و يوم حد عيد القيامة. كاتدرائية سيڤييا هى تالت اكبر كاتدرائيه فى العالم واكبر كاتدرائيه فى اسبانيا. اتعرفت سيڤييا باسم إشبيلية ايام الحكم الإسلامى لإسبانيا

المينا بتاع سيڤييا على بعد حوالى 80 كم من المحيط الأطلنطى و هو المينا الوحيد على نهر فى اسبانيا و نهر جوادالكيڤير نهر صالح للملاحة من مصبه فى سانلوكار دى باراميدا لحد سيڤييا.

عصر التنوير

عصر التنوير (Age of Enlightenment) مصطلح بيعبر على كام قرن بيبتدى من القرن الستاشر , فى ناس بتقول الخمستاشر, لحد القرن التامنتاشر و اول القرن التسعتاشر, فى الفلسفه الاوروبيه بيعتر جزء من عصر اكبر بيضم عصر العقلانيه. مصطلح عصر التنوير دا بيعبر عن انتشار افكار و مبادىء التنوير اللى بتقوم على المنطق و استخدام العقل, و عدم الاعتماد على الخرافات و الجهل و التفكير القديم. التنوير قدر يطلع اوروبا من عصور الظلام , اللى انتشرت فيه الخرافات و المعتقدات الدينيه المتطرفه على الناس و استغلال رجال الدين و الملوك و القاده الكلام دا عشان يزودوا نفوذهم و اتدخلوا و سيطروا على تفكير و حياه الناس.

غجر

الغجر - بالانجليزى: Gypsy - شعب رحال، تعداده أكثر من مليون، منتشرين فى كل قارات العالم. بيحتمل انهم من اصل هندى شرقى، بيتكلموا لغه هنديه-ايرانيه اسمها رومنى، و بيتمسكوا بعادات و تقاليد معينه، و بيعيشوا على التجاره. ديانتهم حسب دين البلد اللى بيعيشوا فيها. أهم مراكزهم المجر و رومانيا و فيه غجر عايشين فى شمال لبنان و معروفين هناك باسم "النور".

كلمة چيبسى Gypsy الانجليزيه من القرن الستاشر و كلمة خيتانو Gitano الأسبانيه و جيتان Gitan الفرنسيه جت من انهم افتكروا ان الغجر اللى راحوا اوروبا اياميها كانوا مصريين egyptians من مصر egypt .

الغجر بيحبوا الحريه و مسالمين و بيحبوا المرح و ما بيتدخلوش فى السياسه، لكن مع كده بيعانوا من التمييز العنصرى و العقبات البيروقراطيه اللى بتفرضها الدول فى العصر الحديث. اتعرض الغجر فى أوروبا لإضطهاد كبير فى اوروبا على ايد النازى الألمان وقت الحرب العالميه التانيه.

فرسان

الفرسان او الخياله ، محاربين متدربين على القتال من فوق ضهور الحصنه بيتميزو بسرعة الحركه و القتال فى معركه مفتوحه و ارض مكشوفه. اتعرفت تنظيمات الفرسان العسكريه فى الجيش المصرى فى مصر القديمه و عرفها الاشوريين و الفرس.

فى العصور الوسطى أمهر الفرسان كانوا فرسان مصر المملوكيه و فرسان اوروبا و فرسان المغول. المعارك اللى قامت فى العصور الوسطى بين الفرسان دول كانت بين أقوى فرسان فى العالم وقتها ، و استخدمت فيها تشكيلات و تكتيكات معقده و محتاجه لمهارات عاليه و تدريبات متواصله. الفرسان المغول كانوا متفوقين فى استعمال النبال وهما على ضهور الحصنه. فرسان الاسبتاريه و فرسان المعبد و فرسان التيوتون كانوا من اشهر فرسان اوروبا فى فترة الحروب الصليبيه. فرسان المماليك المصراويه سادو شرق و جنوب البحر المتوسط و غلبو فرسان المغول و فرسان اوروبا فى معارك كتيره و كانت من تكتيكاتهم الدوران حوالين فرسان العدو على شكل حلقه.

الفروسيه كانت بتعتبر فى عصورها من اصعب و اغلى فروع الجيش لإنها كانت بتحتاج حصنه مخصوصه مدربه و فرسان بيعرفو يسيطرو عليها وقت المعارك و هما فى نفس الوقت بيحاربو. الفارس كان كمان بيحتاج خدام يخدمه عشان يلبسه الدرع و يحضر له الحصان و يأكله.

بطبيعة الحال الفارس كان بيحتاج لمساحه واسعه حواليه عشان يقدر يتحرك و يناور ، و اخطر حاجه عليه كانت الدخول فى مساحات ضيقه زى مثلاً بين شجر لإن فى الظروف دى كان بيصعب عليه المناوره و النزول من على الحصان او ركوبه و ده كان بيدى النبالين و الرماحين الفرصه لاقتناصه. النبالين و الرماحيين كانو بيضايقو الفرسان و كانو عادة بينشنو على الحصنه عشان الفارس يبقى من غير حصان و بالتالى تضيع منه ميزته و عشان كده كان الفرسان الصليبيين بعد المعارك بيقتلو نبالة العدو من غير رحمه من غير ما يعتقو حد.

من جهه تانيه الحصنه كانت بتحتاج علف و اكل و عشان كده هجمات المغول فى المنطقه العربيه كانت عادة بتحصل وقت ما يكون فيه عشب فى الاراضى.

قلت اهمية الفرسان بظهور المشاه و المدفعيه وانتهت فى القرن الستاشر ، و بعد تطور اسلحة الحرب و ظهور الدبابات و العربيات المدرعه انتهى استخدام الفرسان فى الحروب.

كاتدرائية سيفييا

كاتدرائية سيڤييا من مزارات مدينة سيڤييا الرئيسية ,و اتبنت من سنة 1401 لسنة 1519 بعد الاسترداد على الموقع السابق للمسجد فى المدينة. و كاتدرائيه سيفييا من بين أكبر جميع كاتدرائيات القرون الوسطى الجرمانيه، سواء من حيث المجال والحجم.الكاتدرائيه من جوه هى الاطول فى اسبانيا ، و متزينه بشكل مسرف بكمية كبيرة من الذهب .

كاتدرائية سيڤييا هى تالت اكبر كاتدرائيه فى العالم و اعادت الكاتدرائيه استخدام بعض الاعمده من المسجد و من عناصر المسجد الخيرالدا ، كانت اصلا مئذنة ، اتحولت لبرج الجرس . و معروفه محليا باسم الخيرالدا ، .داخل البرج تم بناؤه مع التعليات بدل السلالم. ترتفع " الخيرالدا" شامخة فوق أسطح منازل سيفييا، وتعتبر أهم معالم المدينة، واتبنت سنة 1184 كمئذنة لمسجد سيفييا الكبير اللى اتحول مع مئذنته لكاتدرائية . ارتفاع الخيرالدا 90 متر، واتبنت القمة المتحركة حسب اتجاه الرياح فى القرن الستاشر، و الخيرالدا اتعرفت بالاسم ده نسبه للتمثال فى أعلاها .

يواجه كاتدرائيه سيفييا الكازار اللى كان قصر المدينة القديمة المغاربى ؛ البنا ابتدا سنة 1181 واستمر لاكثر من 500 سنه فى عصر النهضه. الجناين هى خليط من التقاليد المغاربيه ، الأندلسيه ، و المسيحيه. اتبنت دار بلدية سيڤيا ، فى القرن الستاشر . واتبنت الساحة الجديده (بلازا نويڤا) فى القرن التسعتاشر بأسلوب تقليدى حديث.

لغه يابانى

اليابانى (日本語, نطق: [nihoŋɡo] Nihongo) هو لغة اليابانيين و واحده من اهم اللغات فى العالم كله و ترتيبها التاسعه على حسب عدد المتكلمين و اللى بيوصل عددهم 125 مليون واحد عايشين فى الارخبيل اليابانى بالاضافه لحوالى 1.5 مليون يابانى مهاجرين لبلاد تانيه فى امريكا الشماليه و امريكا الجنوبيه.اليابان هى الدوله الوحيده فى العالم اللى بتستعمل اللغه اليابانى و مافيش اى بلد تانى بتستعمله و لا كلغه اولى و لا حتى كلغه تانيه غير اليابان.

ليستة باباوات الكنيسه الكاتوليكيه

البابوات من القرن الاول لغاية القرن التالت

مسيحيه

المسيحيه نسبه للمسيح هى دين توحيدى متأسس على حياة و تعاليم يسوع اللى ذكرت فى كتاب العهد الجديد(الانجيل). المسيحيين (أتباع المسيحيه) بيؤمنوا بصفه عامه بأربع اناجيل بس و فيه اناجيل ما بيعترفوش بيها زى انجيل يهوذا و انجيل توماس و انجيل برنابا ، و بيؤمنو بان يسوع هو الله المتجسد وانه هو المسيح اللى اتنبئت بيه التوراه (كتاب العهد القديم) لكن اليهود ما بيأمنوش بيه.

المسيحيين بيؤمنوا بإن يسوع المسيح هو الاستاذ و المثل الاعلى فى الحياه اللى بيسودها الخير.يسوع حسب اعتقادهم هو الله ظهر فى شكل انسان وهو الاقنوم الثاني من التلات اقانيم اللى مع بعض يكونوا اله واحد وده بحسب اعتقادهم يخلي يسوع اله كامل(لاهوت) وفي نفس الوقت انسان كامل(ناسوت) ، وكمان بيؤمنوا أن يسوع اتولد من العذراء مريم بطريقة إعجازية. وخلال حياته على الارض عمل معجزات وعجايب كتير و فى نفس الوقت بيعتبروه تجسيد للرب و انه المخلص اللى اتعذب و مات و بعدين قام من تانى فى تالت يوم عشان يخلص البشريه من الخطيئه الأولى (اكل ادم للتفاحه و عصيانه امر الله).المسيحيين بيعتقدو ان يسوع طلع لملكوت السما متحد مع الله الآب، لكنه بعت الروح القدس (ثالث الأقانيم الإلهية) عشان يساعد الناس انهم يمشوا فى الطريق الصحيح و انه حا يرجع تانى للارض عشان يحاسب الناس (حيين و ميتين) و انه حايحاسب كل واحد على حسب اعماله فى الدنيا.

المسيحيه بتتصنف على انها ديانه ابراهيميه (زى الاسلام و اليهوديه) و دلوقتى عدد اتباعها اللى أغلبهم كاتوليك تابعين لبابا الفاتيكان وصل لأكتر من 2 بليون بنى ادم بيمثلو حوالى تلت عدد سكان العالم .

المسيحيه اول ما ابتدت كانت فى حدود طايفه يهوديه فى شرق البحر المتوسط وكان الحوض الشرقي للبحر الابيض المتوسط هو المكان الرئيسي للمسيحية فى القرون الأولى وفضلت القدس، أنطاكية، الرها، والإسكندرية عواصم الثقافة المسيحية قبل ما تتنقل النفوذ والتأثير لروما والقسطنطينية فى القرون الوسطى. عانت المسيحية فى البدايات من اضطهاد الامبراطورية الرومانية لكنها من القرن الرابع بقت هى دين الامبراطورية وكسبت ثقافة يونانية ورومانية أثرت فيها تأثير عميق؛ وزي اى ديانة تانية، ظهرت فى المسيحية طوائف كتير والكنائس بتتصنف فى ستة عيلات كبيرة: اتزامنت الانشقاقات الأولانيه مع القرن الرابع لما انفصلت الكنائس الأرثوذكسية الشرقية عن الأرثوذكسية القديمة، وبعدين فى سنه 1054 الانشقاق الكبير بين الكاثوليكية والأرثوذكسية الشرقية وبعدين البروتستانتية خلال القرن الستاشر اللى اتعرف باسم عصر الإصلاح وزي ما اتأثرت، أثرت المسيحية فى الديانات التانية ، وليها بصمة واضحة فى الحضارة الحديثة وتاريخ البشرية فى المجالات المختلفه.

بلغات تانيه

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.