Salamandra salamandra

Salamandra salamandra ye una especie d'urodelo d'a familia Salamandridae y d'o chenero Salamandra muito estendillata por Europa, común en os Pireneus y no guaire común en o Sistema Iberico.

Salamandra salamandra
Salamandra salamandra MHNT 1

Anvista de Salamandra salamandra.
Estato de conservación
Status iucn3.1 LC es

preocupación menor
Clasificación scientifica
Dominio: Eukaryota
Reino: Animalia
Filo: Chordata
Clase: Amphibia
Orden: Urodela
Familia: Salamandridae
Subfamilia: Salamandrinae
Chenero: Salamandra
Especie: S. salamandra
Nomenclatura binominal
Salamandra salamandra
Linné, 1758

Subespecies

  • Salamandra salamandra alfredschmidti.
  • Salamandra salamandra almanzoris.
  • Salamandra salamandra bejarae.
  • Salamandra salamandra bernardezi.
  • Salamandra salamandra beschkovi.
  • Salamandra salamandra crespoi.
  • Salamandra salamandra fastuosa.
  • Salamandra salamandra galliaca.
  • Salamandra salamandra gigliolii.
  • Salamandra salamandra longirostris.
  • Salamandra salamandra morenica.
  • Salamandra sal. salamandra – Salamandra tacada.
  • Salamandra sal. terrestris – Salamandra estriada.
  • Salamandra salamandra werneri.

Se veiga tamién

Vinclos externos

Calotriton asper

O guardafuents pirenenco (Calotriton asper (Dugès, 1852), tamién conoixito como Euproctus asper) ye una especie d'urodelo endemico d'os Pireneus, que se troba destribuito por as versants d'Espanya, Francia y Andorra, abitando-ie de maniera tipica os puestos de montanya meya y alta montanya. D'alcuerdo con a revisión taxonomica actual, l'anterior chenero Euproctus queda restrinchito a las especies de Corcega y Cerdenya, y as especies d'o Pireneu y a redolada suya se clasifican en o chenero Calotriton. D'esta traza o guardafuents pirenenco ye una d'as dos especies perteneixents a lo chenero Calotriton, estando l'altra especie Calotriton arnoldi, d'o macizo d'o Montseny.

Os adultos fan dende 10 dica 15 cm de lonchitut, estando-ne la metat aproximadament a largaria d'a coda, que ye comprimida lateralment. O lumo el tienen marrón u pardo, con piquetas fuscas, bellas vegadas con una linia amariella u verdisca que les ne recorre dende a cabeza dica la coda. O vriente el tienen amariello de regular, pero en os masclos en a epoca de reproducción se torna royisco. En comparanza con altras especies de guardafuents, a los masclos d'o Calotriton asper no les creixe garra cresta ni en a esquerna ni en a coda en a epoca reprodutora.

Se'l puede trobar en corsos d'augua, vivers, naixedors u dica en fuents y cumos (d'astí ye d'á on dimana lo nombre popular d'os «guardafuents») d'entre os 500 y os 2500 metros d'altitut. Manifiesta actividat predominadera de nueitz, remanindo poco activo de días, y anque ye bella cosa més terrestre que no altras especies de guardafuents, se'l troba meso en l'augua de regular, esplazando-se caminando per o fundo per cuentas de nadar (cosa que no fan si que de forma ocasional). A suya metamorfosi se completa en una anyada en os puestos d'altitut més baixa, pero puede fer-la en dos si o clima ye més frido, como gosa pasar en l'alta montanya. Se reproducen dipositando uevos, no libran as crías vivas como sí que fan qualcunas d'as altras especies. A hibernación ye muit larga en os puestos fridos, d'entre 8 y 9 meses anyals, cosa que les permit de sobrevevir-ie millor que no as altras especies d'anfibios.

Caudata

Os terminos salamandra y zalamandra endrezan ta este articlo. Ta veyer o reptil checonido nocturno que s'enfila por as paretz se veiga Tarentola.Os caudatos u urodelos (scientificament Caudata, antes Urodela) son un orden d'animals a dentro d'a clase Amphibia, distribuitos en totz os continents treito d'Australia y l'Antartida. A orden d'os caudatos comprende bellas 600 especies descritas, y se fan diferenciar d'os anuros en que guardan a coda en a forma adulta, y les falta l'oyiu meyo.

Guardafuents

Guardafuents ye una denominación popular de qualques especies d'anfibios en a orden Urodela que, anque en a epoca reproductiva pueden ganar colors vitariscas, presentan a piel de colors discretas en a més gran parte de l'anyada (marrón, verdisca u grisa), destinguindo-se d'as zalamandras per no presentar a carateristica color negra d'éstas.

Anque popularment se fa destinción, no bi ha garra esferencia a nivel de clasificación zoolochica d'entre os guardafuents y as zalamandras, pus «zalamandra» se considera un termino sinonimo d'«urodelo». Per ixo, os «guardafuents» tecnicament serían un tipo de «zalamandras», anque a denominación popular remane per as diferencias fisicas (y més que més, de pigmentación) d'entre as especies animals que se denominan con un y con l'altro nombre.

O nombre popular dimana d'os puestos a on que se's gosa trobar, pos anque no son de tot aquaticos, como totz os urodelos que habitan en ambients mediterranios tienen una fuerte dependencia de l'augua, y ye normal trobar-los en barrancos, cequias, rigachuelos, vivers, fuents y cumos d'augua lempida. Se's considera animals indicadors de buena calidat de l'augua, car no subsisten en auguas contaminatas.

Qualques especies, en a epoca reproductiva, incrementan as colors sobretot en os masclos con a finalidat d'exercitar a parada nuncial. Qualcunas presentan dica crestas en a esquerna y a coda que difuera d'ixa epoca no tienen.

Salamandridae

Salamandridae ye una familia d'amfibios urodelos, formata actualment por 74 especies.

Sierra de Penyagolosa

La sierra de Penyagolosa ye una aliniación montanyosa de lo Sistema Iberico que fa part de la branca levantina y de la unidat morfoestructural dita "Serranías de Gúdar". Ye situada entre los termins municipals de Villafermosa, Vistabella y Chodos. La principal cima ye Penyagolosa (1.813 m), seguida de lo tozal de Fraga (1.709 m).

Tarentola

As parolas «zalamanquesa» y «salamanquesa» reendrezan enta este articlo. Ta l'amfibio urodelo que bellas vegatas se le diz «salamanquesaa» u «zalamanquesa», se veiga Salamandra salamandra.As zalamanquesas u salamanquesas son reptils sauropsidos d'a familia Gekkonidae, clasificatos scientificament como un chenero dito Tarentola, que habitan en a cuenca mediterrania d'Eurasia y en bells puestos más con climas tropicals y subtropicals en o mundo. Son reptils chicotz, d'entre 12 y 15 cm de lonchitut en os adultos, de colors mimeticas con l'ambient a on que viven, y tienen almadetas adhesibas en as mans y os piez ta enfilar-se por as superficies verticals.

A piel ye verrucosa, con prominencias conicas en os adultos que se distribuyen de forma uniforme por o lumo y a coda, especialment fendo dos linias laterals. O cuerpo y a cabeza son aplanatos, y os didos, 5 en cada man y en cada piet, son plans y con a planta en forma de gota. Como en altros Lacertilia tamién pasa, as zalamanquesas pueden esprender-se d'a coda suya si bell posible depredador les n'atrapa.

En este chenero s'ha produeito un proceso d'especiación insular en as Islas Canarias.

Tetrapoda

Os tetrapodos (/tetraˈpodos/ -tetrapódos-, scientificament Tetrapoda, en latín) son un clado sin categoría taxonomica asignada d'animals vertebraus que se caracterizan por tener quatro patas ancladas en dos cinturas pelvianas. O clado quedaría alavetz en un libel intermedio entre o subfilo d'os vertebraus y as diversas clases d'istes animals.

Dende a envista d'a Cladistica mas purista, os tetrapodos somos totz os animals que pertenecemos a las clases d'os amfibios, reptils, aus y mamiferos de conchunta, ya que ista disciplina no accepta grupos parafileticos. A razón ye que totz ixes grupos son descendients de peixes sarcopterichios con aletas lobuladas. Manimenos, atras escuelas de pensamiento en Sistematica consideran que os tetrapodos serían en rigor nomás os amfibios verdaders y os amniotas, actuals y d'o pasau, y no pas a clase d'os mamiferos, a quins sacan d'ista clasificación por tradición taxonomica (no se nos considera amniotas).

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.