Partido Popular

Iste articlo ye sobre un partito politico espanyol; ta atros usos, se veiga Partido Popular (desambigación).
Partido Popular
Populares
Datos chenerals
Líder Pablo Casado
Periodo {{{periodo}}}
Establito 1989
Desaparición {{{desaparición}}}
Seu C/Génova, 13, Madrit
Ideyolochía Conservadurismo, espanyolismo, liberalismo, democracia cristiana
Colors Azul
Ambito politico
Estato Flag of Spain.svg Espanya
País {{{país}}}
Comunidat autonoma {{{ccaa}}}
Rechión {{{rechión}}}
Coalición de {{{coalizión}}}
Afillatura internacional Unión Internacional Democrata
Partito Politico {{{partito}}}
Chovenalla Nuevas Generaciones
Pachina web
Web Pachina oficial

O Partido Popular (PP, en aragonés: Partito Popular) ye un partito político conservador d'Espanya. S'autodefine en os suyos estatutos como de centro reformista. Estabilito o 20 de chinero de 1989 a partir d'Alianza Popular.

Sede Partido Popular
Seu d'o PP en Madrit

Veyer tamién

Vinclos externos

A Riocha

A Riocha (La Rioja en castellán) ye una comunidat autonoma d'o norte d'Espanya, uniprovincial, sin de costa, trescruzata por o río Ebro y o río Glera. Muga con o País Vasco y Navarra a lo norte, con Aragón a l'este, y con Castiella y Leyón a lo sud. Dica o 9 de chunio de 1982, quan s'aprobó o suyo Estatuto d'autonomía, feba parte d'a dita Castiella la Viella, y alavez se'n deciba oficialment provincia de Logroño.

A suya población ye de 322.955 habitants (2011) en una superficie de 5.045 km², con una densidat de población de 64,01 hab/km².

Almenistrativament, A Riocha se divide en 11 comarcas, con 174 municipios. A suya capital se troba en a ciudat de Logronyo, a on se troba a seu d'as suyas institucions politicas, estando l'actual President d'A Riocha Pedro Sanz Alonso, d'o Partido Popular.

Son famosos os suyos vins tintos, ditos riojas.

A patrona d'a provincia ye a Virchen de Val Vanera.

Alcanyiz

Alcanyiz ye una ciudat aragonesa, situada en la Teruel. Con 15 939 ye la segunda localidat més poblata de Teruel y capital de la comarca de lo Baixo Aragón.

Alianza Popular

Alianza Popular estió un antigo partito politico conservador espanyol, establito por Manuel Fraga Iribarne, antigo menistro con o dictador Francisco Franco, chunto con atros antigos politicos d'o Franquismo, como unión d'as ditas asociacions politicas (os partitos politicos encara yeran prohibitos en Espanya) de Reforma Democrática, Unión del Pueblo Español, Acción Democrática Española, Democracia Social, Acción Regional, Unión Social Popular y Unión Nacional Española.

En as eleccions chenerals espanyolas de 1977, o partito nomás tenió 16 diputatos en o Congreso d'os Diputatos, que tenioron posicions muit conservadoras (parte d'os diputatos votoron contra l'aprobación d'a Constitución espanyola de 1978).

En as eleccions chenerals espanyolas de 1979, o partito se presentó como Coalición Democrática, incluyindo-ie chicotz grupos de presonas, encara que yera una continación d'o mismo partito. Sindembargo, os resultatos encara estioron peyors, con nomás 10 diputatos en o Congreso d'os Diputatos.

Sindembargo, quan en 1980 esclató o partito centrista gubernant d'Adolfo Suárez (a Unión de Centro Democrático, UCD), Alianza Popular formó una coalición eletoral con o Partido Democrático Popular (d'ideyolochía democristiana) y con Unión Liberal (d'ideyolochía liberal), dos partitos creyatos a partir d'o naufrachio d'a UCD, y en as eleccions chenerals espanyolas de 1982 ista coalición, dita Coalición Popular, esdevenió o segundo partito politico en o Congreso d'os Diputatos, con 107 diputatos.

Quan en as eleccions chenerals espanyolas de 1986 a Coalición Popular nomás tenió 105 diputatos, o partito dentró en una profunda crisi, con succesivos secretarios chenerals como Jorge Verstrynge u Alberto Ruiz-Gallardón, y con Antonio Hernández Mancha como president d'o partito. Ista crisi remató en 1989 con un Congreso d'os melitants, a on s'aprobó a transformación d'o partito en o nuevo Partido Popular.

Alicant

Alicant (Alicante en castellán; Alacant en valencián) ye una ciudat valenciana, capital d'a Provincia d'Alicant y d'a comarca de l'Alicantín.

En 2016 a suya población yera de 330.525 habitants, con una superficie de 201,27 km² y una densidat de población de 1.642,77 hab/km².

Almendros

Almendros ye un municipio castellano-manchego, situato en a provincia de Cuenca y comarca de La Mancha de Cuenca.

A suya población ye de 298 habitants (2011), en una superficie de 62,90 km² y una densidat de población de 4,74 hab/km².

Briviesca

Briviesca ye un municipio castellán-leyonés d'a provincia de Burgos, situato en a comarca de La Bureba (en ye a suya capital) y partito chudicial de Briviesca (tamién en ye a suya capital).

A suya población ye de 7.227 habitants (2007), en una superficie de 81,20 km² y una densidat de 89,00 hab/km².

Calazeit

Calazeit (Calaceite en castellán, Calaceit en catalán) ye un municipio aragonés, capital cultural d'a comarca d'o Matarranya, en a provincia de Teruel. A suya población ye de 1.126 habitants (2007), en una superficie de 81,3 km² y una densidat de población de 13,85 hab/km².

Cantabria

Cantabria ye una comunidat autonoma uniprovincial espanyola (oficialment comunidat historica). Muga a l'este con o País Vasco (provincia de Vizcaya), a o sud con Castiella y Leyón (provincias de Leyón, Palencia y Burgos), a l'ueste con o Prencipato d'Asturias y a o norte con a mar Cantabrica. A suya capital (que ye amás a ciudat con mayor población) ye a ciudat de Santander. En fan parte 10 comarcas. O suyo actual president ye Ignacio Diego, d'o Partido Popular, d'alcuerdo con as prescripcions d'o suyo Estatuto d'autonomía.

Cantabria tién una población de 593.121 habitants (2011) en una superficie de 5.321 km², con una densidat de población de 111,47 hab/km².

Castiella-La Mancha

Castiella-La Mancha (Castilla-La Mancha en castellán) ye una comunidat autonoma espanyola formata por as provincias de:

Albacete, Cuenca, Guadalachara, Toledo y Ciudad Real, estando asinas a succesora de l'antiga Castiella a Nueva (amás d'Albacete, que d'antis mas feba parte de Murcia). Ista comunidat muga con Castiella y Leyón, Comunidat de Madrit, Aragón, Comunidat Valenciana, Rechión de Murcia, Andalucía y Estremadura.

A suya población ye de 2.078.611 habitants, en una superficie de 79.463 km², con una densidat de población de 26,2 hab/km². As suyas prencipals ciudatz son Albacet, Talavera de la Reina, Guadalachara, Toledo (en ye a suya capital), Ciudad Real, Cuenca, Puertollano, Tomelloso, Azuqueca de Henares y Valdepeñas.

O president d'a Comunidat ye María Dolores de Cospedal, d'o Partido Popular, estando o Partido Socialista Obrero Español o prencipal partito d'a oposición en as Cortes de Castiella-La Mancha. Un Estatuto d'Autonomía, aprobato o 10 d'agosto de 1982 y modificato en 2007, reculle as normas politicas d'a Comunidat.

Centro Democrático y Social

Centro Democrático y Social (CDS) estió un partito politico espanyol establito o 29 de chulio de 1983, d'ideyolochía centrista, y que desapareixió en octubre de 2011, con a suya integración total en o Partido Popular. O suyo establidor y lider más conoixito estió Adolfo Suárez González.

Comunidat de Madrit

A Comunidat de Madrit (Comunidad de Madrid en castellán) ye una comunidat autonoma espanyola uniprovincial, formata sobre a provincia de Madrit. Situata en a parti norte d'a Meseta Central. A suya capital, Madrit ye tamién a capital d'Espanya. Muga con as comunidatz autonomas de Castiella y Leyón a lo norte y a l'ueste, y Castiella-La Mancha a lo sud y a l'este.

A suya población ye de 6.454.440 habitants en una superficie de 8.022 km², con una densidat de población de 804,6 hab/km² (2014).

L'Aínsa-Sobrarbe

Iste articlo tracta sobre o municipio de l'Aínsa-Sobrarbe, que tien, con Boltanya, a capitalidat d'a comarca de Sobrarbe. Ta veyer atros emplegos d'o termin se veiga l'Aínsa (desambigación).L'Aínsa-Sobrarbe ye un municipio aragonés d'a provincia de Uesca, en o partito chudicial de Boltanya, capital con Boltanya, d'a comarca de Sobrarbe. Aínsa estió tamién a capital de l'antigo reino de Sobrarbe. Bi ha dos bicos: o casco antigo medieval en a parti altera d'a villa y o vico muderno en a parti baixa.

A suya población ye de 2.213 habitants (2014) en una superficie de 284,8 km², con una densidat de población de 7,36 hab/km².

O suyo casco antigo ye protechito legalment dende 1965 con a suya declaración como Conchunto Historico-Artistico, ye decir, con l'actual figura d'o Bien d'Intrés Cultural.

Lisbona

Lisbona (en portugués Lisboa) ye a capital y a ciudat mas gran d'o estato de Portugal. Ye situata en o estuario d'o río Tacho (en portugués Tejo). Antimás d'a capital d'o país ye tamién a capital d'o Districto de Lisbona, d'a rechión de Lisbona, de l'aria metropolitana de Lisbona, y ye tamién o centro prencipal d'a sotzrechión estadistica d'a Gran Lisboa. A ciudat tien una población de 564.657 habitants (2001), y l'aria metropolitana 3 millons, una quarta parti d'a población d'o país. Lisbona ye a ciudat mas rica de Portugal con un PIB per capita superior a la meyana europea.

Madrit

Madrit (pronunciato en aragonés [ma'dri], en castellán Madrid) ye una villa espanyola, Capital d'o estato. Madrit ye amás d'a capital d'o estato, a capital d'a suya provincia y d'a Comunidat Autonoma de Madrit.

Partido Aragonés

O Partido Aragonés (en aragonés Partito Aragonés) ye un partito politico rechionalista de centro-dreita aragonés, establito o 27 d'aviento de 1977.

En succesivos congresos, iste partito s'ha definito como nacionalista moderato y de centro, y se dició Partido Aragonés Regionalista dica 1990 en que, antiparte d'o cambeyo de nombre, pasó a definir-se como nacionalista. O suyo obchectivo, seguntes sinyalan os suyos estatutos, ye "lograr quantas fins promuevan y permitan a esfensa y o enriqueiximiento socioeconomico y cultural d'Aragón ".

O PAR reclama o reconoiximiento d'os dreitos historicos y una autonomia plena (con un sistema de financiamiento suficient) ta Aragón. As qüestions de politica hidraulica han estato claus en l'acción d'o PAR, a traviés d'o suyo refuse a o trescole de l'Ebro encluyito en succesivos plans hidrolochicos nacionals. A suya organización chovenil ye o Rolde Choben - Jóvenes del PAR

Figuras relevants d'o PAR han estato o suyo primer president, Hipólito Gómez de las Roces, que presidió o Gubierno d'Aragón entre 1987 y 1991; o suyo secretario cheneral en diferents epocas y president d'o Gubierno d'Aragón de 1991 a 1993, Emilio Eiroa García; o suyo president en diversos periodos y actual Senador, José María Mur Bernad; u entre atros, o suyo president dende 2000 y vicepresident d'o Gubierno d'Aragón, José Ángel Biel Rivera.

Partit Socialista del País Valencià-PSOE

Iste ye un articlo sobre o Partit Socialista del País Valencià-PSOE; ta o partito que fació parte d'a Federación de Partidos Socialistas, se veiga Partit Socialista del País Valencià.O Partit Socialista del País Valencià-PSOE (en aragonés Partito Socialista d'o País Valencián) ye a federación d'o PSOE en o País Valencián, tenendo una ideyolochía socialista. O suyo secretario cheneral ye Jorge Alarte y a seu social d'o partito se troba en a ciudat de Valencia. Establito en 1978, estió o partito hechemonico en as primeras eleccions a Cortz d'o País Valencián, dica que en 1995 lo devantó en numero de votos y en deputatos o Partido Popular, esdevenindo asinas dende ixe inte o prencipal partito d'a oposición en o País Valencián.

Tarazona

Tarazona, capital d'a comarca de Tarazona y Moncayo, se troba en a val meya d'o río Queiles, a una distancia de 86 km de Zaragoza. Crucillada de camins entre las comunidatz autonomas de Castiella y Leyón, A Riocha y Navarra, tien una población de 11.000 habitants.

Ye capital d'una d'as comarcas aragonesas con una presonalidat mas definita, tierra mugant con os antigos Reinos de Navarra y Castiella.

A comarca natural presidita por a mole de Moncayo y o rico pasato que esplanican os suyos molimentos proporcionan a la ciudat un singular embeleco.

Municipio román, chunto con a población nativa hispanorromana primero pagana y dimpués catolica en a ciudat s'asentoron visigodos, chodigos, musulmans, ecetra, esdevenindo Tarazona un d'os puestos mas importants d'Aragón. Estió a seu d'as Cortz de Tarazona, en 1592.

Unión de Centro Democrático

Unión de Centro Democrático (UCD) estió una coalición electoral espanyola establita o 3 de mayo de 1977 que esdevenió partito politico o 4 d'agosto de 1977, d'ideyolochía centrista, y que desapareixió en 1982. O suyo establidor y lider más conoixito estió Adolfo Suárez González, y s'establió como un partito continador d'a obra de gubierno d'Adolfo Suárez en o post-franquismo, unido a partitos politicos de quantas ideyolochías, dende socialdemocratas dica liberals u democratacristians.

Luego d'a suya disolución, os suyos melitants más de cucha dentroron en o Partido Socialista Obrero Español, y os suyos melitants más de dreitas dentroron en o nuevo Partido Popular, encara que beluns continoron con o nuevo partito de Suárez, o Centro Democrático y Social.

Valencia

Iste articlo ye sobre a ciudat espanyola de Valencia. Ta la ciudat venezolana se veiga Valencia (Venezuela).Valencia (en valencián València; en castellán Valencia) ye una ciudat y municipio valencián, capital d'a comunidat, d'a provincia de Valencia y d'a comarca de Valencia. Antimás, ye a tercera ciudat en habitants d'Espanya. Ye situata a o canto d'o río Guadalaviar.

A ciudat en sí tien una población de 786.424 habitants en una superficie de 134,65 km² (2014) y una densidat de población de 5.840,51 hab/km², mientres que a primera corona d'a suya aria metropolitana auespa 1.632.274 habitants en 1.407 km².

A ciudat de Valencia fue establita en 138 aC por o consul de Roma Decimo Chunio Bruto, y dentró a fer parte d'a Corona d'Aragón con a suya conquiesta en 1238 por o rei Chaime I d'Aragón, esdevenindo a capital d'o nuevo Reino de Valencia.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.