Milimetro

O milimetro (pronunciato /miliˈmetɾo/, como "milimétro"), que ha simbolo mm, ye una unidat de mesura de lonchitutz derivata d'o Sistema Internacional d'Unidatz. Ye una unidat derivata d'o metro, de lo qual en ye a milesima parte.

1 mm = 0.001 m = 10−3 m

Equivalencias

Comparacions de milimetro, centimetro y decimetro
  • 1 000 000 000 pm
  • 1 000 000 nm
  • 1000 μm
  • 0,1 cm
  • 0,01 dm
  • 0,001 m
  • 0,0001 dam
  • 0,0000 1 hm
  • 0,000 001 km
  • 0,000 000 1 mam

Se veiga tamién

Unidatz de longaria d'o Sistema Internacional d'Unidatz
yoctometro <<< zeptometro <<< atometro <<< femtometro <<< picometro <<< nanometro <<< micrometro <<< milimetro < centimetro < decimetro < metro < decametro < hectometro < kilometro < miriametro << megametro <<< chigametro <<< terametro <<< petametro <<< exametro <<< zettametro <<< yottametro
Centimetro

O centimetro (pronunciato /θentiˈmetɾo/, como "centimétro"), que tiene por simbolo cm, ye una unidat de mesura derivata d'o Sistema Internacional d'Unidatz. Ye una unidat de mesura de lonchitut derivata d'o metro, y corresponde con a centesima parte d'ixe.

1 cm = 0.01 m = 10−2 m

Decametro

O decametro (pronunciato /dekaˈmetɾo/, como "decamétro") ye una unidat de mesura de longaria (lonchitut) en o Sistema Internacional d'Unidatz. Ye o primer multiplo d'o metro, y corresponde a 10 metros. Tiene simbolo dam.

1 dam = 10 m = 101 m

Decimetro

O decimetro (pronunciato /deθiˈmetɾo/, como "decimétro"), que tiene como simbolo dm, ye una unidat de mesura de lonchitutz derivata d'o Sistema Internacional d'Unidatz. Ye o primer submultiple d'o metro, y corresponde con a suya decima parte.

1 dm = 0.1 m = 10–1 m

Hectometro

O hectometro, que tiene por simbolo hm, ye una unidat de mesura de longaria (lonchitut) en o Sistema Internacional d'Unidatz. Ye o segundo multiplo decimal d'o metro y equivale a 100 metros.

1 hm = 100 m = 102 mEn aragonés hectometro se pronuncia /etoˈmetro/ (como si fese "etométro"), pero en determinadas variedatz aragonesas, como en a d'a val d'Echo, son posibles pronuncias como /ewtoˈmetɾo/ ("eutométro") y /ejtoˈmetɾo/ ("eitométro") por a solución fonetica particular que le dan a os grupos -ct- en cultismos.

Infrarroyo

O infrarroyo, radiación infrarroya u luz infrarroya (IR) ye a parti d'o espectro eletromagnetico con una longaria d'onda mas luenga que a luz visible pero mas curta que a radiación de microondas. O suyo nombre significa "por debaixo d'o royo", ya que o royo ye a color d'a luz visible con una mayor longaria d'onda. A radiación infrarroya s'estendilla a o largo de tres ordens de magnitut con longarias d'onda d'entre 700 nanometros y 1 milimetro.

En teledetección a radiación infrarroya permite conoixer a presencia de sers vivos u incendios en determinadas zonas d'a superficie terrestre por estar fuents de calor.

Kilometro

O kilometro ye una unidat de largaria equivalent a 1000 metros. Historicament se define como a diezmilesima parti d'a distancia d'o polo Norte terrestre a lo equador por o meridián de París.

Se simboliza por km

1 km = 1.000 m = 1x10³ m

Legumbre

Se diz legumbre (en aragonés medieval legumen) a un tipo de fruito seco. Tamién se diz asinas a los lulos u simients comestibles que i creixen y maturan y a las plantas que en producen.

Las legumbres son un grupo alimentario mui homochenio, formato por os fruitos secos d'as leguminosas, desembolicatos a partir d'o chineceu con un solo carpelo y que s'ubre tanto por a sutura ventral como por o niervo dorsal, en dos valvas y con as simients en una ringlera ventral. As tabiellas pueden estar rectas y carnosas. Por o cheneral tienen una carne interior tova, esponchosa, con traza de terciopelo y con color blanca. A suya parte interna corresponde a lo mesocarpo y a lo endocarpo d'o fruito.

A mida d'as legumbres va dende un milimetro u poco més dica meyo metro. Lur forma, encara en a mayor parte d'os casos ye luenga y preta como en as chodigas, ye muito variable.

Estos fruitos perteneixen a lo gran grupo de plantas d'a familia Fabaceae y a tamas d'o grant numero d'especies d'esta familia, las que en minchan as presonas y o bestiar no son que poquetas especies.

Metro

Iste articlo ye sobre una unidat internacional de mesura. Ta atros usos se veiga Metro (desambigación).

O metro (d'o griego μέτρον metron, mida) ye una unidat de mida de longaria d'o Sistema Internacional d'Unidatz (en ye a unidat basica de mida de longaria). A suya definición actual ye a longaria d'o recorrito en o vueito por a luz mientres un tiempo de 1/299 792 458 de segundo (arredol de 3,34 nanosegundos).

En 1791, mientres a Revolución Francesa, l'Academia de Sciencias de Francia establió o metro ta uniformizar as unidatz de mida francesas, con muitas diferencias entre as provincias francesas, en o marco d'a creyación d'un sistema de midas más racional. Definioron a unidat como a diezmillonesima parte d'a distancia que bi ha entre o Polo y a linia d'o equador terrestre. Espresato como se define a milla nautica, ye a longaria d'un meridián terrestre que forma un arco de 1/10 de segundo de grau centesimal.

Dimpués se facioron bellas probanzas, que remataron en 1889 quan se depositó en a seu en París d'a Oficina Internacional de Pesos y Midas un metro-patrón construito en platín iridiato.

Micrometro

«Micra» rendreza enta iste articlo. Pa atros usos de micra se veiga Micra (desambigación).O micrometro (pronunciau /mikɾoˈmetɾo/, como "micrométro"), micrón u micra, que tiene simbolo μm, ye una unidat de mesura de longaria (lonchitut) en o Sistema Internacional d'Unidatz. Ye un submultiple d'o metro y corresponde a una millonesima parte d'ixe. En conseqüencia, un micrometro equivale a una milesima parte d'un milimetro y a mil nanometros.

1 μm = 0,000001 m = 1 · 10–6 m

1 μm = 0,001 mm = 1 · 10 −3 mm

1 μm = 1000 nm = 1 · 10 3 nmYe una unidat d'uso común en disciplinas como a biolochía celular y a microbiolochía, dadas as dimensions d'os suyos obchectos d'estudeo, y tamién en mineralochía.

Milesima (declividat)

A milesima (en castellano milésima) ye a unidat de mesura d'as declividatz (rasants) en qualques infraestructuras, especialment en a ferroviaria, y equivale a un milimetro de diferencia d'altura por cada metro linial recorriu, ixo ye, a milesima parte d'a horizontal.

Miriametro

O miriametro (pronunciato /miɾjaˈmetɾo/, como "miriamétro"), lur simbolo ye mam, ye una unidat de mesura de longaria (u lonchitut) de o Sistema Internacional d'Unidatz. Ye o tercer multiplo decimal d'o metro, y equivale a 10000 metros.

1 mam = 10000 m = 104 m

Nanometro

O nanometro (pronunciato /nanoˈmetro/, como "nanométro"), que tiene como simbolo nm, ye una unidat de mesura de longaria (lonchitut) de o Sistema Internacional d'Unidatz. Ye un submultiple d'o metro y equivale a una mil millonesima parte d'ixe (1 · 10 –9 m); ixo ye, que equivale tamién a la millonesima parte d'un milimetro (1 · 10 –6 mm), a milesima parte d'un micrometro (1 · 10 –3 μm), y a mil picometros (1 · 10 3 pm).

1 nm = 0,000 000 001 m = 1 · 10 –9 m

1 nm = 0,000 001 mm = 1 · 10 –6 mm

1 nm = 0,001 μm = 1 · 10 –3 μm

1 nm = 1000 pm = 1 · 10 3 pm

Picometro

O picometro (simbolo pm) ye una unidat de longaria d'o SI que ye igual a 10-12 metros. Se fa servir mas que mas ta mesurar distancias a escala atomica. Os diametros d'os atomos van alto u baixo dende os 30 dica os 600 pm.

1 pm = 1 x 10-12 metros = 0,000 000 000 001 metros

1 pm = 1000 femtometros

100 pm = 1 ångström

1000 pm = 1 nanometro

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.