Galicia

Galicia (Galiza u Galicia en gallego, Galicia en castellán) ye una comunidat autonoma espanyola, seguntes o suyo Estatuto d'Autonomía, que la reconoixe como nacionalidat. A suya capital ye Santiago de Compostela.

A suya población ye de 2.795.422 habitants (2011) en una superficie de 29 574 km², con una densidat de población de 93,78 hab/km².

Cheograficament, muga a o norte con a mar Cantabrica, a o sud con Portugal, a l'ueste con l'ocián Atlantico y a l'este con o Prencipato d'Asturias y Castiella y Leyón (provincias de Zamora y de Leyón).

Se divide en quatre provincias: A Coruña (a o norueste), Lugo (a o noreste), Pontevedra (a o sudueste) y Ourense (a o sudeste).

Galicia
Galicia
Comunidat autonoma de Espanya
Flag of Galicia Escudo de  Galicia
Bandera Escudo
Himno: Queixumes dos Pinos
Localización de Galicia

Capital Santiago de Compostela
Idioma oficial Gallego y castellán
Entidat
 • Estato
Comunidat autonoma
Espanya
Subdivisions 53 comarcas
Superficie
 • Total
Posición 7 de 19
29.574 km²
Población
 • Total
 • Densidat
Posición 5 de 19
2.795.422 hab. (2011)
93,78 hab/km²
‎Chentilicio Gallego/a
ISO 3166-2 ES-GA
President Alberto Núñez Feijoo (PPdeG)
Estatuto d'autonomía 28 d'abril de 1981
Día Nacional de Galicia 25 de chulio
Pachina web oficial

Vinclos externos

Comunidatz autonomas d'Espanya
Flag of Andalucía.svg Andalucía - Flag of Aragon.svg Aragón - Flag of Asturias.svg Prencipato d'Asturias - Flag of the Balearic Islands.svg Islas Balears - Flag of the Canary Islands.svg Canarias - Flag of Cantabria.svg Cantabria - Bandera Castilla-La Mancha.svg Castiella-La Mancha - Flag of Castile and León.svg Castiella y Leyón - Flag of Catalonia.svg Catalunya - Flag of Extremadura (with coat of arms).svg Estremadura - Flag of Galicia.svg Galicia - Flag of the Community of Madrid.svg Comunidat de Madrit - Flag of the Region of Murcia.svg Rechión de Murcia - Bandera de Navarra.svg Navarra - Flag of La Rioja (with coat of arms).svg A Riocha - Flag of the Land of Valencia (official).svg País Valencián - Flag of the Basque Country.svg País Vasco
Ciudatz autonomas
Flag Ceuta.svg Ceuta - Flag of Melilla.svg Melilla
Plazas de Sobiranía
Chafarinas - Penyón de Vélez d'a Gomera - Penyón d'Alhucemas
Bloque Nacionalista Galego

O Bloque Nacionalista Galego (en gallego; Bloque Nacionalista Gallego en aragonés) ye un frent politico formato por melitants individuals. Coexisten drento de BNG quantos grupos y partitos organizatos y reconoixitos como tals por o propio BNG y en qualos pueden melitar os melitants de BNG.

O BNG naixió con a intención d'aglutinar en o suyo interior toda l'ampla gama ideyolochica d'o nacionalismo gallego. Por ista razón, a suya organización ye frentista. Drento d'ell conviven partitos nacionalistas que tienen as suya propias asambleyas y os suyos propios secretarios chenerals.

Castiella-La Mancha

Castiella-La Mancha (Castilla-La Mancha en castellán) ye una comunidat autonoma espanyola formata por as provincias de:

Albacete, Cuenca, Guadalachara, Toledo y Ciudad Real, estando asinas a succesora de l'antiga Castiella a Nueva (amás d'Albacete, que d'antis mas feba parte de Murcia). Ista comunidat muga con Castiella y Leyón, Comunidat de Madrit, Aragón, Comunidat Valenciana, Rechión de Murcia, Andalucía y Estremadura.

A suya población ye de 2.078.611 habitants, en una superficie de 79.463 km², con una densidat de población de 26,2 hab/km². As suyas prencipals ciudatz son Albacet, Talavera de la Reina, Guadalachara, Toledo (en ye a suya capital), Ciudad Real, Cuenca, Puertollano, Tomelloso, Azuqueca de Henares y Valdepeñas.

O president d'a Comunidat ye María Dolores de Cospedal, d'o Partido Popular, estando o Partido Socialista Obrero Español o prencipal partito d'a oposición en as Cortes de Castiella-La Mancha. Un Estatuto d'Autonomía, aprobato o 10 d'agosto de 1982 y modificato en 2007, reculle as normas politicas d'a Comunidat.

Comarca

Una comarca ye una división d'o territorio formada por quantos municipios y lugars, seguntes motivos de tipo asobén historico. Tamién ye prou estendillato en l'aragonés estandar a denominación redolada que puet fer referencia a lo conchunto u zona d'arredol d'un puesto u lugar, sin garra connotación administrativa. En aragonés medieval ye bi ha documentación d'o uso d'a parabra "comarca", por eixemplo en o Poema de Yuçuf.

Comarcas de Galicia

En Galicia, seguntes o Decreto 65/1997 d'a Xunta, existen oficialment 53 comarcas, d'as qualas 18 pertenexen a la provincia de A Coruña, 13 a la de Lugo, 12 a la d'Ourense e 10 se troban en a provincia de Pontevedra.

Comunidat autonoma

Una comunidat autonoma ye una entidat territorial que, dentro d'a ordenanza constitucional d'o Estato espanyol, ye adotada d'autonomía lechislativa y competencias executivas, asinas como d'a facultat d'administrar-se por meyo d'os suyos propios representants.

O tarabidau d'o Estato espanyol en Comunidatz Autonomas ye recullito en a Constitución Espanyola de 1978. L'articlo 2 reconoixe y guarancia o dreito a l'autonomía d'as nacionalidatz y rechions que composan o Estato.

A división politica y admenistrativa d'Espanya tien a forma de decisiete comunidatz autonomas, antimás de Ceuta y Melilla, d'os quals os estatutos d'autonomía lis otorgan o ran de ciudatz autonomas.

Entidat local menor

Una entidad local menor ye o equivalent en Aragón, Castiella y Leyón y Galicia a lo que a lechislación espanyola define como "Entidat d'ambito territorial inferior a o municipio". En Andalucía se conoixe como entidat local autonoma, en Catalunya como entidad municipal descentralizata y en o País Valencián y a Rechión de Murcia como pedanía. As entidatz locals menors tienen personalidat y capacidat churidica plena ta o exercicio d'as competencias que a lechislación les reconoixe en cada caso.

Idioma gallego

O gallego ye una luenga romanica, propia de Galicia, a on ye oficial chunto con o castellán. Amás d'en Galicia, a luenga se parla tamién en territorios mugants, encara que sin estatuto de oficialidat. Ye estreitament relacionata con o portugués, con o que forma una unidat lingüistica, o galaico-portugués, luenga desenvolicata mientres a Edat Meya en a provincia romana de Gallaecia.

A más d'estar oficial en Galicia, se permite a suya amostranza en O Bierzo (Leyón) y en Sanabria (Zamora).

Lugo

Lugo ye un municipio gallego d'a provincia de Lugo (en ye a suya capital), situato en a comarca de Lugo (tamién en ye a capital).

A suya población ye de 95.416 habitants (2008), en una superficie de 329,8 km² y una densidat de 289,31 hab/km². Ye a quatrena ciudat de Galicia por o suyo numero d'habitants.

A suya muralla fue declarata Patrimonio d'a Humanidat por a UNESCO en 2000.

Mar Cantabrica

A mar Cantabrica ye a mar litoral de l'Ocián Atlantico que banya a costa norte d'a Peninsula Iberica (Galicia, Asturias, Cantabria y País Vasco) y a costa sudueste d'Aquitania, formando a parti sur d'o golfo de Vizcaya (u golfo de Gascunya).

S'extiende dende a estaca de Bares, en a provincia d'a Corunya, dica a desembocadura d'o río Ador, en as costas d'Aquitania (cerca de Bayona).

Partido Popular

Iste articlo ye sobre un partito politico espanyol; ta atros usos, se veiga Partido Popular (desambigación).O Partido Popular (PP, en aragonés: Partito Popular) ye un partito político conservador d'Espanya. S'autodefine en os suyos estatutos como de centro reformista. Estabilito o 20 de chinero de 1989 a partir d'Alianza Popular.

Partito chudicial

Un partito chudicial ye, en Espanya, una entidat administrativa que fa parte d'o poder chudicial ta agrupar a municipios mugants arredol d'una capital, a on tienen a suya seu uno u quantos chuzgatos de Primera Instancia. En a resta de municipios d'o partito chudicial bi ha la figura d'os chuzgatos de paz, confiatos a chueces no profesionals, a esferencia d'os chuzgatos de Primera Instancia, a cargo de profesionals d'o Dreito.

A división d'o territorio espanyol en partitos chudicials se fació en 1834, en parando cuenta d'as mugas d'o sistema provincial de 1833 feito por Javier de Burgos, que establió as Provincias d'Espanya. A división en partitos chudicials estió a base d'os primeros sistemas electorals en Espanya, y tamién d'o sistema contributivo, ta la replega d'as contrebucions y atros impuestos.

Provincia d'a Coruña

A Coruña ye una provincia d'Espanya, situata en a comunidat autonoma de Galicia. A suya población ye de 1.132.792 habitants (2007) en una superficie de 7.950 km², con una densidat de población de 142,49 hab/km².

Provincia de Leyón

Leyón (Llión en leyonés) ye una provincia d'Espanya situata en a comunidat autonoma de Castiella y Leyón. A suya capital ye a ciudat de Leyón.

Muga con o Prencipato d'Asturias y Cantabria por o norte; con Galicia (provincias de Ourense y Lugo), por l'ueste; con as provincias de Zamora y Valladolit por o sud; y con a provincia de Palencia por l'este.

A suya población ye de 500.200 habitants (2008) en una superficie de 15.570 km², con una densidat de población de 32,13 hab/km².

Provincia de Lugo

Lugo ye una provincia d'Espanya, situata en a comunidat autonoma de Galicia. Muga a o norte con a mar Cantabrica, a l'ueste con a provincia de A Coruña y a provincia de Pontevedra, a o sud con a provincia d'Ourense y a l'este con o Prencipato d'Asturias y a provincia de Leyón.

Provincias d'Espanya

A provincia ye una división territorial d'Espanya, d'alcuerdo con a Constitución espanyola.

Actualment, en Espanya bi han 50 provincias. Como excepción, Ceuta, Melilla y as plazas de sobiranía no i son encluyitas en as provincias.

Reino de Castiella

O Reino de Castiella apareixió como entidat politica autonoma a partir d'o sieglo X como condato vasallo d'o Reino de Leyón. Ista tierra yera habitata mas que mas por habitants d'orichen cantabro y vasco con un dialecto romance propio, o castellán y unas leis diferenciatas. O suyo nombre se prenió debito a la gran cantidat de castiellos que se trobaban en a zona.

Santiago de Compostela

Santiago de Compostela, u en aragonés Sant Chaime de Compostela, ye una ciudat situata en a provincia d'a Coruña, capital d'a comunidat autonoma de Galicia.

A ciudat de Santiago de Compostela tien una población de 95.092 habitants (2009) en una superficie de 220 km², con una densidat de población de 432,24 hab/km².

L'UNESCO declaró en 1985 o suyo casco antigo Patrimonio d'a Humanidat. Fa parte d'a Organización d'as Ciudatz d'o Patrimonio d'a Humanidat. Ye uno d'os centros de pelegrinache más importants d'a Cristiandat, chunto con Cherusalem y Roma.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.