Flor

Una flor ye d'alcuerdo con a teoría verticilar una branca modificata con os diferents grupos de fuellas transformatos en estructuras con función reproductora.

Tipicament os verticilos son quatre:

Os dos primers verticilos pierden os esporanchios, os dos zaguers verticilos mantienen os esporanchios, que han evolucionato esdevenindo os ovulos (macrosporanchios, femenins) y sacos polinicos (microsporanchios, masculins).

Bi ha muitas clases de flors, y mancar un u beluns d'os verticilos florals. En as flors masculinas manca o chineceu, en as flors femeninas manca l'androceu. As flors espullatas no tienen cáliz ni corola.

Bluete-Schema
1 receptaclo, 2 cáliz, 3 corola, 4 androceu, 5 chineceu.
Flores
Diferents tipos de flors.

Bibliografía

Heywood, V. H. (Vernon Hilton) (ed.) ... [et al.]. Las Plantas con flores. Barcelona: Reverté, 1985. ISBN 8429119205.

Vinclos externos

Androceu

En as anchiospermas l'androceu d'una flor ye o conchunto d'estambres costituindo uno d'os dos verticilos fértils. Los estambren incluyen l'antera (a on se situan los microsporanchios en forma de sacos productors de polen), y lo filamento que sostiene l'antera. Con pocas excepcions, en as flors hermafroditas l'androceu rodeya lo chineceu.

Biquiespecies

Biquiespecies (Wikispecies en anglés) ye un prochecto d'a Fundación Wikimedia, ta ser emplegato como a directorio d'especies, escrito en idioma anglés. D'entre las que se-bi troban, están animals, plantas, fongos, bacterias, archaea, protistas y atras formas de vida y se desembolicará en estreito contacto con otros wikiprochectos, especialment Biquipedia.

Carlina acaulis

A cardincha u cardelina (Carlina acaulis (L., 1753)), tamién dita cardo de bruixas u cardo "machico" ye una flor d'a familia d'as asteracias, familiar d'os cardos, poco freqüent anque bien mirata, que creixe en os pratos d'a montanya alta y as estivas.

Ye una planta posada, sin de tallo que la faiga alzar como os altros cardos, y brinda nomás que una flor, que ye central a l'alto d'a roseta d'as fuellas punchudas, de color amariella en as nuestras latitutz, anque altras variedatz más claretas existen en Europa central. A florada pasa de finals d'a primavera y o estivo.

No ye pas un cardo de verdat pos tien bractias que se fican como sepalos d'a inflorescencia, pero no tien ligulas reals. O circlo vital ye bianyal.

Per l'aspecto que tien, que bien recuerda d'un disco solar, s'ha mirato tradicionalment ta ficar-la xuca en puertas y patios d'as casas pos yera habitual considerar que espantaba as bruixas y os suyos designios (maloltías, pasas, maldaus y suertes malmetedoras). Diz que se feba xucar anque yera poco perenne per a suya estructura organica, se solventaba con religadas más gravadas.

A relación d'a suya forma con o sol se fa més clara en a luenga vasca, que en dicen Eguzkilore ("flor d'o sol") u en o sud d'os Alpes que en dicen "sol d'os Alpes". A función machica se fa més potent quan la cullen o maitin d'a Santchuanada.

A vena tien aceites esencials con substancias antibioticas (especialment inhibitorias d'as bacterias Gram -, y flabonoides. D'ista función más medicinal diz que ya en teneba ideya, talment, o famoso Carlos Magno qui en feba uso ta curar-se os mals de ferito.

Carpelo

En Botanica, os carpelos (d'o francés

Normalment, os carpelos son organizaus en verticilos más hierarquizaus que a resta d'as fuellas d'a planta, o que se considera una muestra de a mayor especialización de o chineceu. A forma tipica en a qual se troba os carpelos en una flor ye formando u fendo parte d'o pistilo u pistilos.

En a mayoría de casos os carpelos rematan por madurar y pasar a estar partes d'o fruito, especialment en os fruitos carnosos.

Chenero (biolochía)

Este articlo trata sobre o chenero que ye una unidat de clasificación d'os sers vivos. Ta altros emplegos d'a parola se veiga Chenero (desambigación).

En taxonomía, un chenero ye una unidat sistematica ta la clasificación d'os organismos. Hierarquicament, o chenero ye una categoría que finca d'entre la familia y la especie; asinas, un chenero ye un grupo clasificador a on que s'unen diversas especies emparentadas. Sindembargo, bi ha bells cheners que son monoespecificos (no contienen si que una especie).

Chineceu

Iste articlo tracta sobre o concepto botanico de chineceu. Pa atros usos d'a parola chineceu, se veiga Chineceu (desambigación).

O chineceu (pronunciau /tʃine'θew/ (AFI)) ye o conchunto d'as partes reproductivas femeninas en as flors d'as plantas anchiospermas. O chineceu ye o quarto y más distal d'os verticilos d'a flor, y en chunto con l'androceu, uno d'es dos consideraus fértils.

A la practica, o chineceu ye formau basicament de o pistilo, anque muitas especies vechetals en tienen más d'uno por cada flor, por o qual un chineceu puede estar formau por uno u más d'un pistilo. O pistilo ye feito de carpelos, unas fuellas modificadas que son capables de fer ovulos vechetals por o interior, y os carpelos pueden estar soldaus entre se (formando un chineceu gamocarpelar u sincarpico) u libres (chineceu dialicarpelar u apocarpico).

Drupa

En Botanica, una drupa ye un fruito monospermo (con una sola simient) con mesocarpo carnoso, coriacio u fibroso que envolica un endocarpo lenyoso (que se diz o ruello).

As drupas maduran a partir d'un solo carpelo de a flor, a mayoría de vegadas partindo d'ovarios superos.

Estambre

O estambre d'a flor ye una fuella modificata on bi ha sacos polinicos, sacos on s'orichinan os grans de polen.

A parabra estambre yera en aragonés medieval estamne (escrito stampne) y bien d'o latín stamen ("filos luengos d'o bellón de lana").

En as chimnospermas os estambres son plans u laminars y gosan tener dos sacos polinicos.

En as anchiospermas os estambres tienen un filamento, y en o suyo cabo una voleta clamata "antera". En as bases d'ixos filamentos bi ha muitos organos produtors de nectar (necteras florals), con a función que os insectos que biengan a beber-ne esdeviengan empastratos con o polen y lis ne pasen ta atras flors polinizando-las. O conchunto d'estambres forma l'androceu.

Fraga

Iste articlo tracta sobre a fraga, una fruita. Ta atros usos de fraga se veiga Fraga (desambigación).

A fraga (de o latín

As fragas no son verdaders fruitos individuals, sino que son un falso fruito de tipo poliaquenio conoixiu en Botanica como eterio. Os fruitos individuals de a fraguera son os grans que i ha apegaus en a superficie exterior de a fraga, mientres que a polpa ye un teixiu extrafloral, o receptaclo, que sustenta a flor de a planta y dimpués creix y madura, tornando-se enzucrau y de a caracteristica color roya que tiene a fraga madura.

Fruito

No s'ha de confundir o fruito con a fruita.

O fruito ye, en as plantas anchiospermas, un organo constituito por l'ovario fecundato (y asobén tamién atras partis florals) que contiene as simients y que colabora a espardir-las quan son maduras. A paret de l'ovario se transforma en paret d'o fruito y se diz pericarpio. En os casos mas complexos, como en os fruitos carnosos, o pericarpio ye formato por tres capas diferents: exocarpio, mesocarpio y endocarpio, estando o primero o que corresponde a l'epidermis (monostratificato y cutinizato). A función prencipal d'iste pericarpio ye protecher a la simient.

En o creiximiento de l'ovario ta formar un fruito intervienen as hormonas de creiximiento: auxina u acido indolacetico, chiberelinas, citocininas y etileno. L'auxina ye indueita por o gran de polen y l'ovulo fecundato. Asinas, a mayoría d'os fruitos implican a formación de simients, pero bellas plantas pueden producir fruitos sin que ixo pase. Istos fruitos se dicen partenocarpicos y entre muitos atros trobamos os platanos, os figos, y as naranchas. O fenomen se debe a o feito de que se forman hormonas de creiximiento espontaniament u a conseqüencia d'a polinización que actua como estimulo. D'ista traza, s'ha aconseguito producir melons, pinyas y tomates sin de fecundación previa con a simpla inchección d'auxinas en l'ovario.

O fruito ye exclusivo d'as anchiospermas, y en presentan totas. En as plantas chimnospermas y atras plantas sin de flors, no bi ha verdaders fruitos, encara que en estructuras reproductivas como os conos d'os pins u os gálbuls d'os chinepros, comunment se les prene por fruitos quan en realidat son pseudofruitos. D'altra man, en quantos grupos d'anchiospermas o fruito puet incorporar atras partis d'a flor: o receptaclo, o cáliz, os petalos, l'eixe d'a inflorescencia, u incluso puet constituir-se en fruito tota una infructescencia.

Os fruitos son os medios utilizatos por muitas plantas ta difundir as suyas simients. A mayoría de fruitos comestibles, en particular, han estato desenvolicatos por as plantas ta explotar os animals como medio de dispersión d'as simients, y muitos animals (incluitos os humans en bellas mesura) han pasato a pender d'os fruitos como fuent d'alimentos. Os fruitos representan una parti important d'a producción agraria, y beluns como a mengrana han adquirito numerosos significatos culturals y simbolicos.

Inflorescencia

A inflorescencia (pronunciau /infloɾeˈɵɛnɵja/, "inflorezenzia") ye una estructura compuesta d'es verticilos florals de bellas plantas, en as quals as flors son sobre brancas u en l'extrimo d'un tallo. De traza formal, a estructura d'una inflorescencia remata a on ye la primer fuella normal u nomofilo. I ha inflorescencias en as quals no se i troba si que una flor, como lo caso d'a magnolia u o tulipán (inflorescencias unifloras), u inflorescencias con más flors (plurifloras).

As inflorescencias se componen d'un pedicelo u pedunculo, un receptaculo a on son as flors individuals u un raquis sobre o qual i son clavadas, y pueden tener a más a más bractias, que son follas modificadas exclusivas d'estas estructuras.

Isleta

Una isleta u isoleta ye una isla chicota. A esferencia entre isleta y isla ye subchectiva. Se gosa decir isleta, por comparación, a las islas chicotas amanatas a islas mas grans, y tamién a las rocas litorals. Un atra forma d'esferenciar isla y isleta ye seguntes si pueden mantener, por as suyas dimensions, una población estable. Ixo no significa que as islas deshabitatas sían isletas, ya que a viabilidat d'una población penderá tamién d'os recursos naturals.

Os tipos d'isletas, y atros termins relacionatos con isleta son:

Arrecife, ye una roca a flor d'augua, u a poca distancia d'a superficie. Pueden estar rocas litorals deseparatas d'a costa, u formacions coralinas.

Farallón, ye una roca alta y aguda que sobresale d'o ran d'a mar.

Atol, ye un aniello d'isletas sobre uns arrecifes de coral que zarran una laguna interna. L'aniello por un regular ye ubierto por canals que gosan estar navegables. As diferents isletas que formen l'atol se conoixen internacionalment con a parola polinesia motu, encara que orichinariament motu (u moku en hawaiano) ye una isla de qualsiquier tipo u dimensión.

Banco d'arena, ye una isleta baixa formata por acumulación d'arena y atras restas, quasi a flor d'augua. En o Caribe se dicen cay u key en anglés, y cayo en castellán.

-holm ye un sufixo nordico que indica una isleta utilizata, por eixemplo, en Stockholm (Estocolmo).Un puesto espectacular por a concentración d'isletas ye a badía de Ha Long, a o norte de Vietnam, con un total de 1.969 isletas. Ye declarata como Patrimonio d'a Humanidat por a UNESCO.

La Flor de las Ystorias d'Orient

La Flor de las Ystorias d'Orient ye una compilación historico-cheografica presentata por l'armenio Frai Haitón a lo papa Climent V en 1307 y que fue tradueita por a escuela de Johan Ferrández d'Heredia. Representa una prebatina de conseguir una liga entre cristians y mongols contra os musulmans y poder reconquerir Tierra Santa.

Frai Haitón yera senyor de Gorigos y sobrín d'o rei Haitón I d'Armenia a compilación que escribió tien relación por o suyo contenito con a literatura de viaches orientals d'a Edat Meya. Pareix que Chuan de Mandevilla podió beber en esta fuent pa escribir o Libro d'as Marabillas d'o Mundo. Seguntes o principe Haitón Armenia podeba servir de base melitar pa os cristians occidentals. O primer libro ye un resumen cheografico sobre as tierras d'Orient dende China dica Siria con informacions sobre muitos temas (clima, recursos, riqueza, nacionalidatz y grupos etnicos, detalles melitars). L'autor a vegatas se presenta parlando en primera presona como un viachero que transmitiba datos de primera man, (por eixemplo quan parla de Cheorchia u os Cheorchians):

En os libros segundo y tercero parlan d'a historia d'os mongols y presentan os preliminars d'a invasión mongola. A los mongols los denominan tartres d'alcuerdo con o luengache melitar, anterior a la etnochenesi d'os pueblos tartres actuals. O libro quatreno contién o plan detallato d'una cruzata que no se plegaría a fer.

O mayestre mayor de Rodas Johan Ferrández d'Heredia de seguro que la mandó traducir por o suyo intrés en as informacions melitars. Johan Ferrández d'Heredia yera intresato en Orient, como demuestra que "La Flor de las Ystorias d'Orient" se trobe adhibita en o manuscrito Z-I-2 d'o Escorial chunto con a versión aragonesa d'o Libro de Marco Polo.

En l'aragonés de "La Flor de las Ystorias d'Orient" se pueden veyer muitos etnonimos con plurals en -ns: beduins, cordins, cumans, iacobins, maronins, medians, nestorins, a secta d'os asasins, y termins cheograficos propios d'as descripcions que fan d'Orient ("estanyo", "desierto", "plano", etcetra)

O libro tamién fue tradueito a lo catalán, con quatre libros y una versión abreviata de meyatos d'o sieglo XV en a que no bi ha libro quatreno. Esta versión se troba en o códiz 490 d'a Biblioteca de Catalunya chunto con o texto latín d'Odorico, amostrando que i heba intrés por Asia pero ya no i heba intrés en as cruzatas.

Liber Regum

Lo Liber Regum, redactato entre 1194 y 1209 en aragonés, ye una cronica medieval anonima pero atribuita a un monche de Fitero, considerata la més antiga historia cheneral d'Espanya escrita en una luenga romance.Lo texto replega una historia centrata en la Peninsula Iberica, que abarca dende lo Chenesi dica los reinos hispanicos de fins de lo sieglo XII. Se i narran episodios de l'Antigo Testamento relacionatos con los reis persans aquemenidas, parlan de los emperadors romans y los reis visigodos, y rematan con los reis de Francia dica Felipe II de Francia (1180 - 1223) y se'n diz «qui agora es rei de França».

Una de las fuents de la obra poderba estar lo Linache de los reyes d'Espanya, pero a diferencia d'este libro, para cuenta en especial a los reis d'Aragón y anyade los de Francia, ye facil que por lo doble matrimonio entre la infanta Alionor con Remón VI de Tolosa y de Pero II d'Aragón con María de Monpeller en 1204.

L'autor amuestra conoixencias de leyendas epicas occitanas u francesas, y esto se nota especialment quan leyemos Est rei Pepín lo Petit priso muller la reina Bertha con los grandes pedes, qui fo filla de Floris e de Blancha Flor quan tracta o lignage de los reies de França, calco lingüistico d'os títols Floire et Blancheflore y de Berte aus grans piés

Magnoliophyta

As Magnoliophyta u Anchiospermas son una subdivisión d'o reino Metaphyta formato por as plantas con flors verticilatas y que dimpués d'a polinización y fecundación forman fruitos a lo tiempo que se desembolica a simient dentro d'ellos.

Tipicament os verticilos son quatre:

Cáliz, formato por sepalos.

Corola, formata por petalos.

Androceu, formato por estambres.

Chineceu, formato por carpelos.Bi ha gran variedat de flors y en belunas pueden mancar beluns d'estos verticilos. Por eixemplo en as flors que no sigan tipicament hermafroditas una flor masculina no tendrá chineceu, y una flor femenina no tendrá androceu.

Os estambres son pedunculatos en cuenta de tener forma de fuella como en atras espermatofitas.

Os carpelos se fusionan formando una estructura con forma de botella, o pistilo, con una cambra dentro dita ovario con os ovulos dentro. L'ovario se desembolica dimpués d'a fecundación d'os ovulos fendo-se més gran y esdevenindo o fruito.

Os ovulos d'as anchiospermas presentan primero ueito celulas haploides, (una oosfera, dos sinerchidas, dos polars y tres antipodas), pero dimpués s'esdevién que as dos celulas polars se fusionan orichinando un nuclio diploide, con o que o numero de celulas haploides se reduce a seis.

A polinización ye un proceso complexo, con formación d'un tubo polinico dende o estigma d'o pistilo dica os ovulos, pasando por tot o estilo. Por este tubo polinico viachan dos nuclios haploides.

A fecundación en as anchiospermas ye una doble fecundación: Uno d'os nuclios que viachan por tubo polinico fecunda a la oosfera de l'ovulo (que dimpués se desembolicará orichinando o embrión d'a simient, que ye diploide), y l'atro a un nuclio diploide present en l'ovulo (que dimpués se desembolicará formando o endospermo d'a simient, que ye triploide).

Mientres se ye desembolicando a simient, (l'ovulo fecundato y maturo), as paretz de l'ovario se fan més gruesas y l'ovario esdevién o fruito.

As fuellas d'as anchiospermas son muito variatas y tipicament son laminars y no paralelinervias.

Magnoliopsida

Magnoliopsida ye una clase d'a subdivisión Magnoliophyta, con més de 174.000 especies conoixitas, clasificatas en 8 subclases y 350 familias. Poseyen dos cotiledons.

Os dos cotiledons son insertos lateralment en o embrión.

A radiz principal dura muito tiempo. Os faixos conductors por un regular se disposan en cerclo en a sección transversal d'o tallo (eustela) y son ubiertos, y con l'actividat d'o cambium pueden creixer en grosor d'una traza secundaria.

As fuellas son polimorfas, encara que por un regular peciolatas, con niervos formando un rete (nervatura reticulata) y a vegatas compuesta. Son freqüents as estiplas, raras as vainas.

Os chitos axilars trayen primero dos profilos transersals.

Predominan as flors con verticilos pentameros (5 sepalos, 5 petalos, 5 estambres, 5 carpelos) u tetrameros, (4 sepalos, 4....), pero bi ha muitas excepcions.

Predomina a formación simultania d'o polen, a soben tricolpato. O endosperma ye nucleyar u celular.

A forma de desembolique d'as primeras magnoliopsidas yera arboria, y muitas especies actuals en son.

Organo (biolochía)

Este articlo ye sobre un organo biolochico; pa atros usos d'a parola organo, vaiga ta organo (desambigación).

On organo ye en biolochía una estructura formada por a unión d'uns teixius que realizan una función común dita "acto". Os organos son presents en a mes gran part d'os metazous y en as metafitas.

En os animals os organos fan part de sistemas y aparatos. En os sistemas os organos presentan un mesmo tipo de teixiu predominant y son totz parellanos. En os aparatos os organos presentan diferents tipos de teixius y pueden estar prou diferents.

En as plantas os organos se clasifican en vechetativos (radiz, tallo, fuella), y reproductivos (flor, simient, fruito, pinya).

Petalo

Os petalos son as piezas florals u antofilos que forman a corola d'a flor. En chunto con os sepalos (que forman o cáliz), os petalos fan parte d'o perianto u conchunto d'os verticilos estérils d'a flor. En as plantas con fecundación entomofila, a suya función gosa relacionar-se con atrayer-se a os insectos, por o qual tienen midas y colors que os fan más vistables.

A morfolochía, numero y simetría d'os petalos son caracters bien importants pa la clasificación taxonomica d'as plantas con flors.

Xiloca

Iste articlo ye sobre a comarca teruelana. Pa atros emplegos se veiga Xiloca (desambigación).Xiloca ye una comarca d'Aragón situada en a provincia de Teruel, a lo sudueste de Zaragoza, especial por a suya naturaleza. Muga a lo norte con o Campo de Daroca, a l'ueste con Guadalachara, a lo sud con a Comunidat de Teruel y a l'este con as Cuencas Meneras y o Campo de Belchit.

Capital: Calamocha y Mont-reyal

Superficie: 1.932,1 km²

Población: 13.829 habitantsEn ista comarca se culle a flor d'o zafrán, una d'as especias más valiosas existents, que alimenta una impotant industria local. Atra important industria d'a comarca ye a industria d'o pernil, y l'activo torismo rural, por a diversidat de l'anvista y os suyos molimentos.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.