Endemismo

En Biolochía, se diz endemismo a lo taxón que se troba de forma natural en un ambito cheografico concreto y nomás que en ixe puesto.

De normal, quan se parla d'endemismos se puede fer referencia a escalas cheograficas diferents. Asinas, un organismo puede estar endemico d'una cima d'un mont u bel lago en particular, mientres que un atro en puede estar d'una sierra, una rechión, un país u mesmo un continent.

Ramonda myconi 2
Ramonda myconi ye una planta endemica d'o Pireneu.

Se veiga tamién

  • Malotía endemica.
Antirrhinum

Antirrhinum (L., 1753) ye un chenero de plantas herbacias con 363 especies probables, d'entre as quals nomás 21 son acceptadas. O chenero fa parte d'a familia d'as plantachinacias, en a orden Lamiales.

As especies d'este chenero son reconoixibles por as suyas flors coloridas, de forma labiada, que en Aragón reciben diferents nombres populars de regular relacionaus con o conello, y como tamién pasa con os nombres populars d'ixe animal, os que tienen as flors d'estas plantas se troban castellanizaus: conejicos, conejetes, conejez, etc.

D'entre as especies propias d'o chenero, A. barrelieri, de flors rosas, ye una hierba silvestre freqüent en Europa y a cuenca mediterrania, y A. majus, con variedatz de colors y midas diversas, s'emplega a-saber-lo como planta ornamental por as suyas flors. Una tercera especie, Antirrhinum graniticum, ye un endemismo d'a Peninsula iberica.

Belianske Tatras

Os Belianske Tatras (eslovaco Belianske Tatry) son una sierra situada en os Tatras Orientals, en a parti centro-septentrional d'Eslovaquia. Os Tatras Orientals fan parti a la vegada d'os Tatras, que son parti d'os Carpatos Occidentals interiors.

O suyo cobalto ye o pico Havran con una altaria de 2.151,5 m. Como muitos atros d'a zona, o pico no ye accesible ta os turistas ta protecher a os animals y plantas raros que i viven. Os primers habitants d'ista rechión estioron pastors en o sieglo XIV.

O sector prencipal de 14 km de largaria contiene monts formaus por calsinera y dolomía con una distinctiva topografía karstica. A sola espelunga d'os Tatras ubierta a o publico – a espelunga de Belianska – se troba aquí.

Blanus cinereus

Blanus cinereus ye a sola especie d'o suborden Amphisbaenia present en Aragón, representando un endemismo d'a peninsula Iberica. Ye propia de zonas de clima mediterranio y termofila, manimenos a suya distribución en a val de l'Ebro no ye guaire conoixita.

Especie relicta

En Biolochía, una especie relicta (cultismo que en aragonés se pronuncia /reˈlita/, "relita", u /reˈliwta/ "reliuta") ye un organismo que en o pasau heba teniu una distribución cheografica mas ampla pero que en l'actualidat ye constrenyiu a una extensión minima d'aquella.

As especies pueden estar relictas por fenomenos naturals, como as glaciacions, por cambeos climaticos u procesos d'extinción por l'acción d'a especie humana. Muitas d'as especies en periglo d'extinción son a la vegada especies relictas, como p. ex. as zagueras poblacions d'onso en os Pireneus.

Iberolacerta bonnali

Iberolacerta bonnali (d'antes Lacerta bonnali) ye a especie de sargantana d'a familia lacertidae y orden squamata que representa un endemismo pirenenco.

Lynx pardinus

O cerval iberico (scientificament Lynx pardinus (Temminck, 1827)), conoixiu tamién con o nombre popular de lince iberico, ye un mamifero carnivoro d'a familia d'os felidos y subfamilia d'os felins.

Ye un endemismo d'a Peninsula Iberica y una especie en periglo d'extinción, y anque fa parte d'o chenero Lynx con atras especies, a suya chenetica molecular ha contrimostrau que o suyo linache se ye deseparau contra la resta d'especies de Lynx enantes que as de demés.

Pantingana

Una pantingana, pentingana u pintingana (d'o latín <*PATINGANA, "zapo", en o sentiu d'animal desagradable) ye o nombre popular con o qual se conoix a os insectos ortopteros mas grans en as subordens Caelifera y Ensifera, sin estar una denominación especifica de garra familia, chenero u especie concreta.

Reciben iste nombre tanto especies de a suborden Ensifera, p. ex. as d'os cheneros Tettigonia, Ephipigger y o endemismo de l'Alto Aragón Ephippigerida pantingana, como especies excepcionalment grans de Caelifera; p. ex. Anacridum aegyptium.As pantinganas son insectos de vida curta y estival, en os quals os imagos u adultos reproductors arriban a fer mas de 8 cm de lonchitut. Viven en puestos de vechetación preta u hierba altera, a on que as colors mimeticas les gosan servir ta camuflar-se. Son presas de gran cantidat d'aus, mamiferos y reptils.

Pleurodeles waltl

Pleurodeles waltl ye una especie d'urodelo d'un chenero tamién distribuito por a Berbería, que se troba sobretot por o sud y este d'a Peninsula Iberica, estando-ne un endemismo.

A suya presencia en a provincia de Teruel ye probable(se troba en as provincias güegants de Castellón y Tarragona), pero no ye confirmata.

Rana coreana

A rana coreana (Rana coreana en clasificación scientifica (Okada, 1928)) ye una especie d'amfibios d'a orden Anura, d'a familia Ranidae y d'o chenero Rana. A suya area de distribución ye a peninsula de Coreya, ye un endemismo, y nomás se troba en Coreya d'o Norte y Coreya d'o Sur dica os 700 metros d'altaria.

Royuela

Royuela ye un municipio de la provincia de Teruel, situato en la comarca de la Sierra d'Albarrazín. La suya población ye de 224 habitants (2006), en una superficie de 32,5 km².

Río de la Fuent d'el Berro

Lo Río de la Fuent d'el Berro ye lo principal afluent de lo río Guadalaviar en la Sierra d'Albarrazín.

Naixe en la Fuent d'el Berro, situada en una "manga" u prolongación de lo termin d'Albarrazín que bi ha entre los termins de Fridas y Calomart. Antes de la Fuent del Berro lo cauz de lo río reculle las auguas d'un ventallo de barrancos que bi ha a lo norte de la Muela de Fridas, en lo termin de Fridas d'Albarrazín.

Tien dos tramos a on lo cauz ye entallau en lo substrato rocoso, la Foz d'el río Blanco u Canyón de los Arcos y la Foz de Calomart.

La Foz d'el río Blanco u Canyón de los Arcos s'ha feito por encaixamiento en calsineras y dolomías churasicas. Bi ha ripas u paretz quasi verticals, pinaclos como El Moricacho, covachos, y un puent natural (Lo Puente de la Toba). La vechetación natural pende en formacions de pins, sabinas y chinebros. Bi ha uns quantos molins (Molino de las Pisadas y Molino de abajo), y una presa (La Presa del Pozo de los Ahogados). Ye un punto d'inspiración de leyendas como la historia d'El Moricacho de la Foz y l'aparición demoniaca en lo Molino de las Pisadas, a on que bi ha icnitas.

En Calomart lo río traviesa uns materials de chesos y archilas de facies Keuper y la val s'ixampla. Bi ha una chicota huerta.

Manimenos quan lo río deixa dezaga ixos materials torna a encaixar-se de sopetón ta l'este por trobar-se materials calsinosos y forma la Foz de Calomart (Canyón de Calomarde en castellán). A piet de las ripas bi ha tarteras, que a vegadas fosilizan atras acumulacions de materials de ladera més antigos indicadors de periglacialismo en un clima que i heba en la zaguera glaciación u Würm. La carretera d'Albarrazín va paralela a lo río. En la marguin ezquierda de la val ye lo Rollo de Calomarde, un puent natural calsinoso envistable dende la carretera, y que puet corresponder con lo Despenyadero de Ruello mencionau en lo "libro de pasos, masadas, abrevaderos y dehesas" de l'archivo de la Comunidat d'Albarrazín y con materials escritos dende 1326.

En este endreito se troba la Cascada Batida, un salto de bells 20 m y con una gorga rodeyada de tot por paretz de travertins que se formoron entre fa 10.000 y 7.000 anyadas, quan lo río no yera tan rapido y lo clima yera més calido. La formación de travertins encara ye activa, pero menos, porque predominan los procesos d'erosión.

Pasa tamién cerca de Royuela. En un prau embadinau temporalment por lo río bi ha una localidat de lo endemismo botanico Puccinellia pungens, que tamién se troba en la Laguna de Gallocanta.

Lo río de la Fuent d'el Berro se reculle en lo río Guadalaviar en frent d'un puesto dito en la baixa Edat Meya Entramasaguas y huei en castellán Entrambasaguas, que vien de lo latín INTER AMBAS AQUAE y da ideya de forcallo de ríos.

Sierra de Chabalambre

Este articlo ye sobre la sierra de Chabalambre. Pa atros emplegos se veiga Chabalambre.La sierra de Chabalambre ye un macizo montanyoso de la provincia de Teruel y lo País Valencián, adintro de la parte sud de las comarcas de Gúdar-Chabalambre y Los Serrans. Ye uno de los macizos u conchuntos de sierras més grans de lo Sistema Iberico.

Lo macizo montanyoso, a on que predominan los materials mesozoicos (sobretot rocas calsinosas y archilas), s'alza dica los 2.020 metros sobre lo libel de la mar, formando una gran cupula u domo.

Valencia hispanica

O Zamaruco (Valencia hispanica) ye un peix que vive en os almarchals litorals de l'este d'a Peninsula Iberica, estando un endemismo iberico.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.