Enciclopedia

Una enciclopedia ye una replega d'o conoiximiento humán. As enciclopedias pueden estar chenerals, contenendo articlos sobre temas de totas as arias, u pueden especializar-sen en un campo en particular (por eixemplo, una enciclopedia de sciencia). Tradicionalment, a información ye ordenata alfabeticament por parabras que describen os temas.

Muitos escritors de l'Antigüidat (como Aristótil) facioron intentos d'escribir comprensivament sobre tot o conoiximiento humán. Manimenos John Harris a sobén ye qui reculle o credito d'haber creyato l'agora familiar formato d'enciclopedia en 1704 con o suyo Lexicon technicum. A venerable Encyclopaedia Britannica tenió un inicio modesto; de 1768 a 1771 se publicoron tres volumens. A més famosa enciclopedia antiga estió a Francesa Encylopédie, editata por Denis Diderot y completata en 1772.

As enciclopedias, por a suya estructura de parabras y referencias creyatas, son asabelo apropiatas ta tresladar os suyos contenitos d'o formato de libro a lo formato d'ordinador. Primero porque ye prou fácil d'explorar y trobar lo que se ye mirando, y tamién porque ye posible incluyir sonitos, vidios y atros contenitos multimedia.

A enciclopedia más important d'Aragón ye a Gran Enciclopedia Aragonesa que en a versión d'Internet ha más de 16.000 articlos

Crystal Clear action lock.png Ista pachina ha estato semiprotechita. A razón ye estrapaziata astí; l'Almenistrador allí puede dar-te más información.
Der Neue Pauly

Vinclos externos

Biquipedia

Biquipedia (Wikipedia en anglés) ye una enciclopedia de contenito libre alazetada en a tecnolochía wiki, que premite a edizión d'os suyos contenitos por qualsiquier usuario dende un navegador web. L'adchectivo libre se refiere tanto a lo suyo emplego como a la suya edición. Wikipedia ye multilingüe e ye desenvolicada en forma colaboratiba por decenas de mils de voluntarios arredol d'o mundo e en os suyos respeutibes idiomas. Wikipedia ye mantenida e administrada por a fundación sin fins de lucro Wikimedia.

Wikipedia prencipió como un prochecto en anglés o 15 de chinero de 2001. Dimpués prencipioron a surtir prochectos paralels en atros idiomas. En chinero de 2008, Wikipedia contiene en a suya versión en anglés más de dos millons d'articlos enciclopedicos y más de 9.500.000 d'articlos en atros idiomas.

"Biquipedia" (a Wikipedia en aragonés) existe dende o 21 de chulio de 2004 y tien actualment 35 794 articlos.

Gran Enciclopedia Aragonesa

A Gran Enciclopedia Aragonesa, conoixita a sobent como GEA d'as suyas sieglas, ye una enciclopedia sobre Aragón.

Libro d'el Trasoro

O Libro d'el Trasoro ye una obra escrita por Brunetto Latini (1220-1294), intelectual florentin que vivió quasi toda la vida en Francia. En o Libro d'el Trasoro miró de fer una visión global d'o saber universitario d'ixe tiempo, y tien capítols adedicaus a un bestiario, a la politica, a la historia, etc., asinas que ye a enciclopedia medieval más famosa y leyida.

L'orichinal yera en francés, y dimpués se'n fació traduccions enta muitas lenguas europeas como o italiano, o catalán, o castellano u l'aragonés. A traducción aragonesa se conoix a traviés d'un manuscrito d'a seu de Chirona, escrito ta allá ta 1400, y fue traducida dreitament dende o francés como amuestran muitos galicismos lingüisticos y a declaración de l'anonimo traductor:

A luenga d'a traducción aragonesa d'o Libro d'el Trasoro amuestra trazas mas populars y amanadas enta l'aragonés moderno que a mas gran parti d'as traduccions y textos en aragonés medieval.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.