Emoción

A emoción, en a suya definición mas cheneral, ye un intenso estato mental que apareixe en o sistema niervoso de traza espontania y que prevoca una respuesta psicolochica positiva u negativa. Ye un impulso involuntario orichinato como respuesta a los estimulos de l'ambient que inducen sentimientos tanto en o ser humán como en animals y que desencadena conductas de reacción automatica. A emoción ye materia d'estudio d'a psicolochía, neurosciencia y, mas recientment, d'a intelichencia artificial.

A emoción ye un proceso neuroquimico y cognitivo relacionato con a presa de decisions, a memoria, l'atención, a percepción, a imachinación, mecanismos que o proceso de selección natural ha perfecionato como respuesta a las necesidatz de supervivencia y reprodución.

Vinclos externos

Belleza

A belleza u polideza, a tamas d'o intrés común quasi universal que prevoca, mos resulta dificil de comprender. Buscar una definición d'iste concepto no ye una faina fácil, ya que o concepto sería una cosa que poderbanos quitar en común de totas as cosas que consideramos politas. Muitos autors consideran que a belleza ye lo que resulta agradable a los sentitos y que por tanto causa placer, pero no tot o que mos causa placer tien por qué estar polito.

Unatro problema que presenta definir a belleza ye que se puet enfocar como as qualidatz que mos resultan agradables y que se sienten facilment en veyer qualsiquier cosa, u como a emoción que despierta en nusatros. A primera apreciación ye más obchectiva, ya que as qualidatz gosan veyer-se más rapedas, pero as emocions que mos pueden prevocar, son una mica más intimas y presonal, y por tanto más subchectivas.

A belleza ye un concepto / qualidat abstracta y suchectiva (lo que ta uns ye polito t'atros puet no estar-lo) present en l'esmo d'os sers humans que produce un placer interno, y proviene de manifestacions sensorials u ideyals.

Cerebro

O cerebro, celebro u cerviello ye l'organo d'a parti debantsuperior d'o encefalo y o centro supervisor d'o sistema niervoso central en totz os vertebratos. En bells invertebratos bi ha estructuras analogas como os "ganglios cerebrals". Bells animals como as medusas u as estrelas de mar tienen, d'atra man, un sistema niervoso descentralizato sin de cerebro, y atros, como as esponchas, no tienen denguna traza de sistema niervoso.

En a mayor parti d'os animals o cerebro se troba adintro d'a capeza; d'aquí o nombre d'encefalo (en griego, encefalon). En os vertebratos, o cerebro ye protechito por o cranio. A lo cerebro, tamién li se diz prosencefalo ya que ye a estructura más recient en a escala evolutiva. As estructuras evolutivament anteriors se dicen metencefalo y mielencefalo y s'ocupan de funcions basicament reguladoras, como lo mantenimiento d'o ritmo respiratorio. As funcions intelectuals son reservatas a lo prosencefalo.

O cerebro puet estar muit complexo; l'humán tien alto u baixo 100 billons de neuronas, unitas cadaguna, a traviés de bellas 10.000 conexions sinapticas, que se materializan en unas prolongacions protoplasmicas ditas axons que tresportan trens de sinyals en forma de potencials d'acción a zonas distants d'o cerebro u d'a resta d'o cuerpo.

Controla y coordina o comportamiento, a homeostasi (funcions corporals como lo traquetiar d'o corazón, a presión sanguinia, o balance de fluidos y a temperatura corporal) y as funcions mentals (a emoción, a memoria, l'aprendizache, a cognición, a percepción y l'atención), amás de replegar os aparatos sensitivos primarios d'a vista, oyida, equilibrio, gusto y fato. Controla tamién a transición entre os estatos de suenio y vichilla, fundamental ta o funcionamiento correcto d'o cerebro ya que, por eixemplo, aprofeita o estato de suenio ta organizar a información adquirita mientres o estato de vichilla. Un insomnio porlongato produce malautía mental y, dica alucinacions. Cada estato cerebral ye asociato a unas determinatas ondas d'actividat.

Mente

A mente ye a construcción psicolochica que achunta os actos de percepción, cognición y emoción. Ye lo que da consistencia a las impresions y pensamientos d'o subchecto, lo que li premite tener consciencia y personalidat esferenciata d'a resta. Seguntes o punto d'anvista adoptato, a mente puet estar un component d'o cerebro u bien una entidat deseparata, perteneixient a unatro plan esplicativo. Existirban tres vías principals d'abordar-lo: a unidat de tot o cuerpo (a mente no ye más que o cerebro), como piensan os seguidors d'o materialismo; aquellos que esfensan un dualismo estricto y os partidarios d'o emerchentismo, que creyen que a mente puet surtir d'o fisico e ye ligata indisolublement pero que lo transciende.

A mente ye l'obchecto fundamental d'estudeyo d'a psicolochía, encara que como concepto y parti distintiva d'o individuo, afecta a atras disciplinas como a filosofía (en o sieglo XX surtió una branca especifica, a filosofía d'a ment). Ta la relichión, ye pareixita en a naturaleza a l'alma, ye lo que premite parlar d'un "yo" racional y unico y s'asimila a lo principio vital. D'antis más recibiba o nombre d'esprito.

Bi ha habito quantas teorías sobre a mente y a suya traza de funcionamiento. As primeras especulacions que hue mos son conoixitas son as teorías elaboratas por pensadors como Zoroastro, Buda, Platón, Aristótil u Adi Shankara, amás d'atros filosofos de l'Antiga Grecia u d'a India, y tamién posteriorment musulmans. As teorías prescientificas, basatas en a Relichión, se basaban en a presunta relación existent entre ment y alma, a esencia sobrenatural d'orichen divino atorgata por os dioses a os humans.

Salvador Dalí

Salvador Felipe Jacinto Dalí i Domènech (mas conoixito como Salvador Dalí), primer marqués de Púbol, naixito de Figueres (Alto Empordán) l'11 de mayo de 1904 y muerto tamién en a ciudat de Figueres o 23 de chinero de 1989, estió un pintor, escultor, disenyador, escritor y director cinematografico catalán, encara que a suya prencipal faceta artistica y por a quala ye por un regular conoixito estió a Pintura. A suya obra artistica fa parte d'o estilo artistico clamato Surrealismo, encara que tamién fació obras que pueden adscribir-se a o Dadaísmo y a o Cubismo. Ye considerato como uno d'os prencipals artistas pictoricos d'o sieglo XX.

Dalí ye conoixito tamién por a suya participación en a cinta Un chien andalou, de l'aragonés Luis Buñuel (1929), una cinta que ye considerata como uno d'os prencipals eixemplos d'o Surrealismo en o Cine. Artista polifacetico, treballó dende o disenyo de choyas dica o disenyo de vestuario u a scenografía de bellas cintas, en pasando por atras artes como a fotografía u a escultura.

Superstrato francico en francés

Lo superstrato francico en francés ye lo conchunto d'elementos orichinarios de lo luengache francico que charraba la clase dirichent franca de l'alta Edat Meya en los territorios de predominio lingüistico galo-román de lo norte de Francia. Destaca la influencia lexica, pero tamién bi habió una influencia fonetica y morfosintactica.

En las primeras invasions barbaras los francos s'apoderoron de Galia y constituyoron una clase dirichent en lo norte. Las dinastías de los Merovinchios y Carolinchios yeran d'orichen franco. La luenga chermanica de los francos ye conoixida como "francico" y aportó muitas palabras a las incipients luengas galo-romances. Estas palabras a vegadas amuestran las mesmas leis foneticas que afectoron a las palabras patromimonials d'orichen latín, a diferiencia de los chermanismos mes recients d'orichen escandinavo, alemán, neerlandés u anglés.

Adintro de los chermanismos, los chermanismos introdueitos por los francos tenioron un especial poder de difusión. Muitas palabras de lo francico fuoron ampradas por lo latín tardano u las formas primerencas de las luengas galo-romances de tiempos de los Merovinchios, dende a on que pasoron a l'aragonés y atras luengas romances occidentals. Tamién bi habió palabras d'orichen francico que i plegoron como occitanismos y galicismos en tiempos de los Capetos por lo prestichio de lo feudalismo y la vida cortés.Los chermanismos d'orichen francón corresponden a las variants septentrionals u baixas, de fueras de bella excepción como échevin, que se documenta en latín medieval local como SCABINUS y corresponde a l'alto alemán sceffin y a lo francón skapin ("chuez" u "machistrato").

Verbos declarativos en francés

Los verbos declarativos en francés son verbos que sirven pa introducir un enunciau, y pueden expresar una reflexión u una emoción. S'emplegan en lo estilo directo tamién en lo estilo indirecto formando oracions completivas, a vegadas completivas d'infinitivo.

Son verbos transitivos admiten devez un complemento directo y un complemento indirecto introdueito por la preposición à.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.