Denis Diderot

Denis Diderot, naixito de Langres (Reino de Francia, hue Alto Marne, Francia) o 5 d'octubre de 1713 y muerto en París (Reino de Francia, hue Francia) o 30 de chulio de 1784, estió un escritor, novelista, filosofo y enciclopedista francés d'a Ilustración, qui dende 1751 dica 1772 estió o director d'a obra colectiva L'encyclopédie, ou Dictionnaire raisonné des sciences, des arts et des métiers.

Antiparte, estió en zaguerías d'a suya vida mientres bellos meses consellero d'a zarina Catarina II de Rusia en a suya cort en Sant Petersburgo.

Denis Diderot
O filosofo, escritor y enciclopedista francés Denis Diderot, en un quadro de Louis-Michel van Loo

O filosofo, escritor y enciclopedista francés Denis Diderot, en un quadro de Louis-Michel van Loo
Información personal
Calendata de naixencia 5 d'octubre de 1713
Puesto de naixencia Royal Standard of the King of France.svg Langres (Reino de Francia, hue Alto Marne, Francia)
Calendata de muerte 30 de chulio de 1784
Puesto de muerte Royal Standard of the King of France.svg París (Reino de Francia, hue Francia)
Ocupación Escritor, novelista, filosofo y enciclopedista

Vinclos externos

Enciclopedia

Una enciclopedia ye una replega d'o conoiximiento humán. As enciclopedias pueden estar chenerals, contenendo articlos sobre temas de totas as arias, u pueden especializar-sen en un campo en particular (por eixemplo, una enciclopedia de sciencia). Tradicionalment, a información ye ordenata alfabeticament por parabras que describen os temas.

Muitos escritors de l'Antigüidat (como Aristótil) facioron intentos d'escribir comprensivament sobre tot o conoiximiento humán. Manimenos John Harris a sobén ye qui reculle o credito d'haber creyato l'agora familiar formato d'enciclopedia en 1704 con o suyo Lexicon technicum. A venerable Encyclopaedia Britannica tenió un inicio modesto; de 1768 a 1771 se publicoron tres volumens. A més famosa enciclopedia antiga estió a Francesa Encylopédie, editata por Denis Diderot y completata en 1772.

As enciclopedias, por a suya estructura de parabras y referencias creyatas, son asabelo apropiatas ta tresladar os suyos contenitos d'o formato de libro a lo formato d'ordinador. Primero porque ye prou fácil d'explorar y trobar lo que se ye mirando, y tamién porque ye posible incluyir sonitos, vidios y atros contenitos multimedia.

A enciclopedia más important d'Aragón ye a Gran Enciclopedia Aragonesa que en a versión d'Internet ha más de 16.000 articlos

Ilustración

Se conoix con o nombre de Ilustración a una corrient filosofica, politica y social, que apareixió en Francia, o Reino Unito y Alemanya y que dimpués s'estendilló ta atras partis d'Occident mientres o sieglo XVIII, dito Sieglo d'as Luces.

Abraca dende o Racionalismo y o Empirismo d'o sieglo XVII dica la Revolución Industrial d'o sieglo XVIII, a Revolución Francesa y o Liberalismo. A expresión estetica d'iste movimiento intelectual se diz Neoclasicismo. Ye un movimiento cultural que tenió una gran influencia en os aspectos economico, politico y social.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.