Cultura d'os campos d'urnas

La cultura de los campos d'urnas (1300 aC-750 aC) estió una cultura tardana de la Edat de Bronze de Centroeuropa que s'estendilló dica Europa occidental, incluindo la Val de l'Ebro. Prene nombre de lo costumbre de cremar los muertos y meter lurs cenisas en urnas, que se apedecan en un campo. La cultura de los campos d'urnas ye chusto dimpués de la cultura de los Tumulos centroeuropea y chusto antes de la cultura de Hallstätt, que ye ya de la primera Edat de Fierro.

Cultures, 1200 BC
Un mapa simplicato, enta 1200 BC, amostrando la cultura de los campos d'urnas central (en royo), la cultura de los campos d'urnas de lo norte (narancha), la cultura de Knoviz (azul-griso), la cultura de Lusacia (purpra), la cultura danubiana (marrón), la cultura de Terramara (azul), o bronze atlantico (verde), y la cultura de lo bronze nordico (amariello).

Cronolochía

Se crei que en bellas zonas, como lo sudueste d'Alemanya ya i heba Campos d'Urnas arredol l'anyo 1200 aC (principio de l'Hallstätt A), pero la fase D de lo Bronze de Riegsee ya contién cremacions. Bi ha qüestions pendients porque en ixas zonas de Centroeuropa lo cambeo dende lo Bronze meyo ta la cultura de los campos d'urnas ye una transición progresiva. La cultura de los campos d'urnas abarca las fases Hallstätt A e B (Ha A u B) en lo sistema cronolochico de Paul Reinecke, pero no s'ha de confundir con la cultura de Hallstätt (Ha C e D) de la vinient Edat de Fierro. Esto corresponde a las fases Montelius III-IV de la Edat de Bronze de lo Norte. Si la fase Bronze D de la cronolochía de Reinecke se incluye u no, depende de l'autor y rechión.

La cultura de los campos d'urnas se divide en bellas subfases (basato en Müller-Karpe sen.):

Anyo antes Cristo
Bz D1300-1200
Ha A11200-1100
Ha A21100-1000
Ha B11000-800
Ha B2900-800
Ha B3800-750

Orichen

La cultura de los campos d'urnas se desembolicó dende la cultura de los Tumulos precedent. La transición ye gradual en ceramica como en los ritos funerarios. En bellas zonas d'Alemanya la cremación y inhumación existioron simultaniament (fazies Wölfersheim). Bellas tumbas tienen una combinación de ceramica de la cultura de los Tumulos y espatas de la cultura de los campos d'urnas (Kressborn, Bodenseekreis) u ceramica incisa de la cultura de los Tumulos chunto con los primeros tipos de ceramica de los campos d'urnas (Mengen). En lo Norte prenioron la cultura de los campos d'urnas només que en lo periodo HaA2.

En una paúl de Ellmoosen (Kr. Bad Aibling, Alemanya) bi ha una representación de tot l'intervalo temporal dende lo Bronze B dica lo periodo temprano de la cultura de los campos d'urnas (Ha A). Esto demuestra una continación considerable de lo ritual. En la Loira, Sena y lo Roine, bells vados contienen depositos que van dende lo neolitico tardano enta lo periodo de los campos d'urnas.

Los orichens de lo ritual de cremación se crei que son en los Balcans, on ye amplament estendillato en la zona este de la cultura de los Tumulos. Se principia a veyer bellas cremacions en la cultura Proto-Lusaziana y en a cultura de Trzciniec

Distribución y grupos locals

La cultura d'os Campos d'Urnas yera en una gran aria dende l'ueste d'Hongría dica l'este de Francia y dende los Alpes dica a man de la Mar de lo Norte. Los grupos locals, prencipalment diferenciatos por la ceramica, son:

  • Cultura de Knovíz, en l'ueste y norte de Bohemia, sud de Turinchia ye noreste de Bavera.
  • Cultura de Milavce, en lo sudeste de Bohemia.
  • Grupo de Velatice-Baierdorf, en Moravia y Austria.
  • Grupo de Čaka, en l'ueste d'Eslovaquia.
  • Grupo de lo noreste de Bavera, dividito en grupo de baixa Bavera y grupo de l'Alto Palatinato.
  • Grupo de Unstrut en Turinchia, una mezcla entre la cultura de Knovíz y la cultura de campos d'urnas de lo sud d'Alemanya.
  • Cultura de los campos d'urnas de lo Sud d'Alemanya
  • Campos d'urnas de lo Baixo Rin.
    • Grupo de lo baixo Hesse.
    • Grupo de Westphalia y Norte de los Países Baixos.
    • Grupo de lo norueste en l'aria de lo delta que bi ha en los Países Baixos.

A vegatas la distribución d'artefactos que perteneixe a estos grupos amuestra mugas claras, podendo indicar esto bellas estructuras politicas como tribus. Los obchectos de metal son más estendillatos y lur distribución no conoix las mesmas mugas que la ceramica. Se poderba haber desvenito que existisen tallers d'artesans especializatos que treballaban pa las elites socials en unas arias més amplas.

Lugars y trazas d'apedecar los muertos

En lo periodo de los Tumulos yeran comuns las inhumacions multiples baixo los ditos tumulos, a lo menos pa los libels baixos de la sociedat. En lo periodo de los campos d'urnas predomina la inhumación y l'apedecamiento en tumbas individuals, encara que bi ha bells tumulos.

En las fases tempranas de lo periodo de los campos d'urnas escababan tumbas con forma d'hombre u antropomorfas, a vegatas con un suelo de losas. N'ixas tumbas estendillaban as cenisas de lo muerto. Dimpués d'este periodo predominó apedecar las cenisas en urnas. Bells autors especulan que esta traza d'apedecar puet indicar un important cambeyo en las creyencias relichiosas u mitos sobre la vida dimpués de la muerte.

La mida de los campos on apedecaban las urnas y han dato nombre a esta cultura ye variable. En Bavera pueden contener mils d'apedecamientos, mientres que lo fosal de més gran de Baden-Württemberg, en Dautmergen, no tien que 30 tumbas.

Posaban a los muertos en una pira con ofrendas de minchar y las alfachas presonals. Las restos de uesos son més abundans que en la epoca romana, lo que indica que s'emplegaba menos fusta pa cremar.

Muitos campos d'urnas los albandonoron en lo cabo de la Edat de Bronze. En Centroeuropa, nomás que los campos d'urnas de lo Baixo Rin encara s'emplegaban en la Edat de Fierro temprana (Ha C, a vegatas mesmo D).

En la Val de l'Ebro, los campos d'urnas encara teneban actividat en la I Edat de Fierro.

Se veiga tamién

Agullana

Agullana ye un municipio catalán d'a provincia de Chirona, en a comarca de l'Alto Empordán. A suya población ye de 841 habitants en una superficie de 27,52 km² y una densidat de 30,34 hab/km².

Aquitania

Iste articlo ye sobre l'antiga rechión francesa d'Aquitania, ta la provincia romana se veiga Galia Aquitania.Aquitania (en occitán: Aquitània [akiˈtanjɔ]; en vasco Akitania; en francés Aquitaine) ye o nombre dato entre a historia a diversas partis d'o sudueste de l'actual Francia. Actualment corresponde con parti d'a rechión francesa de Aquitania-Lemosín-Poitou-Charentes y anteriorment estió una rechión formata por cinco departamentos, 18 districtos, 235 cantons y 2.296 comunas.

A suya población yera de 3.150.890 habitants (2007) en una superficie de 41.309 km², con una densidat de población de 76,28 hab/km².

A capital d'a rechión yera a ciudat de Bordeus.

Burrena

Burrena ye un pueyo de 423 metros d'altaria que chunto con l'amanau Cabezo Burrén (433 m) son conoixius popularment como Los Pezones u Las Dos Teticas. Se troban situaus en o termín municipal de Frescano, amán d'a carretera entre ista localidat y Mallén.

Baixo os cabezos se troban dos chacimientos arqueolochicos d'a Edat de Fierro perteneixients a la Cultura d'os campos d'urnas vasco-navarros. Istos puestos han estau declaraus Bien d'Intrés Cultural en o rechistro de patrimonio d'o Menisterio de cultura espanyol.

Istos monts son antepueyos visibles en o paisache plan d'o norte d'a comarca de Campo de Borcha.

Cabezo de Burrén

O Cabezo de Burrén ye un pueyo de 433 metros d'altaria que chunto con l'amanada Burrena (423 m) son conoixius popularment como Los Pezones u Las Dos Teticas. Se troba situau en o termin municipal de Frescano, amán d'a carretera entre ista localidat y Mallén. En a suya cima bi ha un vértiz cheodesico.

Baixo os pueyos se troban dos chacimientos arqueolochicos d'a Edat de Fierro perteneixients a la Cultura d'os campos d'urnas. Istos puestos han estau declaraus Bien d'Intrés Cultural en o rechistro de patrimonio d'o Menisterio de cultura espanyol.

Istos monts son antepueyos visibles en o paisache plan d'o norte d'a comarca de Campo de Borcha.

Celtas

Os celtas son os pueblos que charran u charroron as luengas celtas, y que en o sieglo I aC yeran presents dende Turquía dica Portugal. Iste termino ye d'orichen griego ("keltoi").

Os pueblos celtas actuals son bretons, irlandeses, escoceses d'as Highlands y as islas, maneses y galeses.

Cultura celtiberica

A cultura celtiberica yera una cultura que se desembolicó en a part nororiental d'a Meseta y Sistema Iberico en a II Edat de Fierro.

Representa a extensión de determinatos elementos culturals d'a cultura iberica por tierras de más a l'interior, entre comunidatz de luenga indoeuropea celta, que antes heban desembolicato atras culturas como a cultura protoceltiberica u a cultura d'os castros sorians, relacionatas con a cultura d'os campos d'urnas.

Entre os elementos ibers d'esta cultura tenemos a organización en ciudatz-estato, influencias ceramicas, y l'alfabeto iberico (encara que puede estar que a difusión d'este alfabeto ye d'epoca romana).

I trobamos entre os elementos no ibers a luenga celtibera, a vestimenta y a relichión.

No i heba una deseparación neta entre a cultura iberica de l'Ebro y a cultura celtiberica por o que fa a a cultura material trobata en os chacimientos. Lo que veyemos ye un cambeo progresivo en a Depresión de l'Ebro y Sistema Iberico.

A cultura celtiberica corresponde con os zaguers pueblos que os romans diciban celtibers: arevacos, pelendons, lusons, belos y titos. No citatos pos as fuents clasicas tenemos a os belaiscos de La Uerba, conoixitos por l'arqueolochía.

Cultura iberica

A cultura iberica yera una cultura que se desembolicó en l'este d'a peninsula Iberica y en o Lenguadoc dica o Roine.

A cultura iberica no tiene un orichen exterior, se formó en o mesmo puesto on se troba a partir de substratos culturals diferents, (cultura argarica, bronze levantín, campos d'urnas catalano-aragoneses, ecetra..), y ye fácil que de luengas diferents, (indo-europeas, vasco-aquitanas, atras lenguas preindoeuropeas, etz...). Representa a cultura que teneban os pueblos indichenas costers dimpués de tener contactos comercials con pueblos d'o Mediterranio oriental, (Fenicios y Griegos), que i facioron colonias. As fuents clasicas diciban ibers a os pueblos d'esta cultura.

S'imitó o sistema politico-social d'as ciudatz-estato de fenicios y griegos, (como as polis griegas por eixemplo).

Existiba ceramica con torno.

Teneban escritura y un alfabeto propio, l'alfabeto iberico.

Europa

Europa ye una d'as grans peninsulas d'Eurasia, a la que por un regular y por razons historicas se considera un continent por si mesma. Europa s'estendilla por a metat oriental de l'Hemisferio Norte, dende l'Ocián Glacial Arctico por o norte dica a Mar Mediterrania por o sud. Por l'ueste, arriba dica l'Ocián Atlantico, y por l'este, dica os Monts Urals.

Ye unita (y a la vegata deseparata) d'Asia por os monts Urals a l'este, en una linia que contina por o Caucas, a mar Negra, o Bosforo, a mar de Marmara, os Dardanelos, a mar Echea y a mar Mediterrania. Antiparte, ye deseparata d'Africa por a mar Mediterrania, estando o estreito de Chibraltar a l'ueste a on que istos dos continents se troban más amanatos. En fan parte quantas islas amanatas a o continent, como as islas britanicas (isla de Gran Bretanya y isla d'Irlanda) y as islas Feroe en a mar d'o Norte y l'Ocián Atlantico, u Corcega, Secilia, Cerdenya y Creta en a mar Mediterrania. Tamién se considera que en fa parte a isla d'Islandia, encara que ye mas amanata a America, deseparata nomás de Gronlandia por o estreito de Dinamarca.

O continent europeu tien una superficie de 10.180.000 km², estando o seiseno d'os siet continents por a suya superficie, y una población de 731.000.000 d'habitants (o tercero d'os continents por a suya población), con una densidat de población de 70 hab/km². Cal parar cuenta, sindembargo, que dende a segunda meitat d'o sieglo XX a tasa de creixencia d'a población en Europa ye menor que en atros continents, reducindo-se asinas o suyo peso demografico global en o total d'a población mundial.

Ye un continent con una gran importancia historica, en estar no nomás uno d'os puestos d'orichen de quantas cevilizacions como l'Antiga Grecia u l'Antiga Roma, sino tamién a on que se fació a revolución scientifica d'os sieglos XIV y XV que fació que dica o sieglo XIX quasi todos os territorios d'os atros continents quedasen dominatos por potencias europeas, por medio d'o Colonialismo.

Mientres o sieglo XX Europa perdió parte d'a suya potencia, sustituita por os nuevos poders economicos y melitars emerchents, Estatos Unitos y a Unión Sovietica, como conseqüencia d'a Primera Guerra Mundial y d'a Segunda Guerra Mundial, continando o continent dividito en dos bloques diferenciatos mientres a Guerra Fría. En rematar ista zaguera situación, a Unión Europea, un organismo supranacional establito quan remató a Segunda Guerra Mundial, enampló muito as suyas mugas enta l'este, con antigos países miembros d'o Pacto de Varsovia que d'antis mas yeran aliatos d'os sovieticos.

Ilirios

Os ilirios u iliricos son un conchunto de pueblos indoeuropeus poco conoixitos que en o primer milenio antes de Cristo habitoron a part occidental d'os Balcans (Iliria), a part suroccidental d'a Cuenca Panonica y as costas hadrianas d'Italia. As luengas iliricas son poco conoixitas. Quan a Primera Edat de Fierro desembolicoron una cultura de Hallstätt (Hallstät C). Fuoron sozmesos por os romans ya en tiempos d'a Republica Romana y se romanizoron. Os ilirios romanizatos u ilirio-romans s'eslavizoron en l'alta Edat Meya, de fueras d'os dalmatas.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.