Coordenatas cheograficas

As coordenatas cheograficas permiten determinar a posición de cada punto en a Tierra por meyo de tres coordenatas, emplegando un sistema de coordenatas esfericas. As dos primeras coordenatas corresponden a la latitut y a la lonchitut d'o punto, a tercera a l'altaria sobre a superficie (u sobre o centro d'a Tierra).

A lonchitut d'un punto P d'a superficie terrestre ye l'arco d'equador comprendito entre o punto d'intersección d'o meridiano de Greenwich con o equador y o punto d'intersección d'o meridiano local de P con o equador.

A latitut de P ye l'arco d'o meridiano local de P comprendito entre o equador y P, mesurato de 0° a 90° en cada hemisferio a partir d'o equador.

A Tierra no ye esferica, sino que tien una forma irregular que s'aproxima a un elipsoide. D'ista manera, a extensión d'un grau de lonchitut u de latitut ye diferent en diferents puntos cheograficos, por o que cal fer correccions sobre o sistema de coordenatas ta que cada punto quede determinato de forma no ambiga por as tres valors de coordenatas.[2]

A latitut y a lonchitut pueden amostrar-se en tres formatos equivalents:

  • Graus.Decimals (en anglés Decimal Degree, DD) eixemplo 41.333- 106..500
  • Graus:Menutos (en anglés Degree Minute, DM) eixemplo 41:20- 106:30
  • Graus:Menutos:Segundos (en anglés Degree Minute Second, DMS) eixemplo 41:20:00- 106:30:00
WorldMapLongLat-eq-circles-tropics-non
Mapa d'a Tierra amostrando os meridianos y os paralelos, seguntes a prochección Eckert VI[1]

Referencias

  1. Versión mas gran, 3.4MB
  2. (en) A Guide to coordinate systems in Great Britain
Cheografía d'Alcheria

A mes gran parti de l'aria costera d'Alcheria ye feriosa, y bi ha poquetz buenos puertos. L'aria que ye chusto a o sud d'a costa, conoixita como o Tell, ye fértil. Mes enta o sud se sitúan os Monts Atlas y o disierto d'o Sahara. Alcher, Orán y Constantina son as prencipals ciudatz.

O clima d'Alcheria ye arido y calido, encara que o clima d'a costa siga suau, y os hibiernos en as arias montanyosas puedan estar rigorosos.

Localización: Norte d'Africa, entre Marruecos y Tunicia, con litoral en o mar Mediterranio.Coordenatas cheograficas: 28º00'N, 3º00'EAria total: 2.381.740 km² (segundo país mes gran d'Africa dimpués de Sudán)Mugas: 6.343 km (998 km de costa, 1.559 km con Marruecos, 1.376 con Mali, 982 km con Libia, 965 km con Tunicia, 956 km con Nícher, 463 km con Mauritania y 42 km con o Sahara Occidental.Clima: Arido y semiarido; hibiernos suaus y humidos con estius calidos y xutos en as zonas costeras, mes xuto con hibiernos fredos y estius calidos en a meseta; o saloc ye un aire calient cargato d'arena y polveguera que ye común mas que mas en o estiu.Relieu: A mas gran parti d'o relieu ye formata per una meseta elevata y desierto; bellas montanyas; una planera costera estreita y discontina.Elevacions extremas Mes baixo: Chott Melrhir: -40 m, mes altero: Tahat 3.003 m.Recursos naturals: Petrolio, gas natural, minería de fierro, fosfato, uranio, plomo y zinc.Uso d'a tierra: Tierra labrable: 3,22%, cautivo permanent: 0,25%, atros: 96,53%Tierra regata: 5.600 km² en l'anyada de 1998Periglos naturals: Zonas montanyosas subchectas a sismos severs; eslices de tierra y barrancadas en a estación d'as plevias.Problemas medioambientals actuals: A erosión d'os suelos debito a sopreespleitación y atras practicas agricolas deficients; auguas fecals no tractatas, de repuis de l'arrefinamiento de petrolio y d'atros productos industrials ye levando ta a polución d'os ríos y d'as zonas costeras; o mar Mediterranio, en particular, ye recibindo contaminación provenient de repuis petrolifers, erosión d'os suelos y arrociegue de fertilizants; fornimiento inadequata d'augua potable.Alcuerdos internacionals sobre medio ambient: Ye parti de: Biodiversidat, Cambios Climaticos, Desertificación, Especies menazatas, Modificación Ambiental, Repuis Periglosos, Lei d'o Mar, Protección d'a Napa d'Ozono, Contaminación Provocata per Naus, Zonas Humidas.

Sistema de coordenatas

Un sistema de coordenatas ye, en cheometría, un sistema que emplega un u mas numers u coordenatas, ta determinar de forma unica a posición d'un punto u d'un atro elemento cheometrico. Ye un conchunto de valors que permiten definir univocament a posición de qualsiquier punt en o espacio respecto a un punto de referencia. L'uso d'un sistema de coordenatas permite que determinatos problemas en cheometría se traduzcan en problemas numericos, y d'o revés, ista ye a base d'a cheometría analitica.O conchunto d'eixes, puntos u plans, que confluyen en l'orichen y a partir d'os que se calculan as coordenatas se diz sistema de referencia.

Svalbard

L'archipielago Svalbard, muit asobén dito incorrectament Spitzberg u Spitsberg por o nombre d'a suya isla mas gran, ye un archipielago u conchunto d'islas situatas en l'ocián Glacial Arctico, a una distancia de bells 1.000 km a o norte d'Escandinavia.

Fa parti d'o Reino de Noruega, estando a parti mas septentrional d'iste. As suya coordenatas cheograficas van dende os 74º a os 81º de latitut Norte.

Tres d'as islas son habitatas: Spitsbergen, Bjørnøya y Hopen. Se considera o territorio habitato con vida familiar, ya que no ye una simple base melitar ni nomás d'investigación scientifica, mas septentrional d'o mundo.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.