Chapón

Chapón (en chaponés Nippon/Nihon 日本, significato literal: "l'orichen d'o sol") ye un país d'Asia formato por un archipielago situato entre l'ocián Pacifico y a Mar d'o Chapón, a l'este d'a peninsula de Coreya. Conoixito como "a Tierra d'o Sol Naixient", o Chapón ye actualment una potencia economica con tretze sieglos d'historia y una cultura mui marcata.

O nombre oficial d'o país ye Nihon-koku, u Nippon-koku (日本国), que significa "Estato de Chapón". A suya población ye de 127.110.047 habitants (2015) en una superficie de 377.835 km², con una densidat de población de 336,3 hab/km². A mayor ciudat d'o país por o suyo numero d'habitants ye a ciudat de Tokio, que ye amás a suya capital. A suya aria metropolitana ye a mayor d'o mundo, con mas de 30 milions d'habitants.

Chapón ye formato por mas de 3.000 islas,[1] d'as qualas as mas grans son Honshu, Hokkaido, Kyushu y Shikoku, que representan un 97% d'a superficie total d'o país. A mayoría d'as islas son montanyosas u vulcanicas; o punto mas alto de Chapón, o Mont Fuji ye un vulcán.

Politicament, o país ye una monarquía constitucional, estando l'actual emperador Akihito, y o primer menistro Yoshihiko Noda. Chapón ye miembro de Nacions Unitas, d'o G8, d'o G4 y d'o Foro de Cooperación Economica Asia-Pacifico.

日本国
Nihon-koku/Nippon-koku
Bandera de Chapón Escudo de Chapón
(En detalle) (En detalle)
Lema nacional: Paz y Progreso
Himno nacional: Kimi ga yo
Situación de Chapón
Capital
 • Población
Tokio
12.527.115
Mayor ciudat Tokio
Idiomas oficials Chaponés1
Forma de gubierno
Emperador
Primer menistro
Monarquía constitucional
Naruhito
Shinzō Abe
Formación
- Establimiento
- Restauración Meichi
- Constitución actual
- Tratato de San Francisco

11 de febrero de 660 aC
3 de chinero de 1868
3 de mayo de 1947
28 d'abril de 1952
Superficie
 • Total
 • % augua
Mugas
Posición 60º
377.835 km²
0,8%
1.932,2 km
Población
 • Total
 • Densidat
Posición 10º
127.110.047
336,3 hab/km²
PIB (PPA)
 • Total (2007)
 • PIB per capita
Posición 3º
US$ 4.346.008 millons
US$ 34.011
Moneda Yen (¥ JPY)2
Chentilicio Chaponés/a
Zona horaria UTC+9
Dominio d'Internet .jp
Codigo telefonico +81
Prefixo radiofonico 8JA-8NZ / 7JA-7NZ / JAA-JSZ
Miembro de: ONU, OCDE
1 Tamién se charran ainu y ryukyuense

Toponimia

En aragonés, a parola "Chapón" ye un exonimo que no existe en a luenga chaponesa. Os nombres chaponeses ta o país son Nippon (にっぽん) y Nihon (にほん), y os dos s'escriben en kanji como 日本. O nombre chaponés de Nippon s'emplega oficialment y en a emisión d'o papel moneda. Nihon ye un termin mas casual, y o mas emplegato en la parla cotidiana.

Tanto Nippon como Nihon significan literalment "l'orichen d'o sol" y por tanto a sobén se traducen como "país d'o sol naixient". Ista denominación apareixió a partir d'a correspondencia imperial con a dinastía chinesa Sui y fa referencia a la posición oriental de Chapón respective a China.

O nombre aragonés de Chapón plegó dica Occident por as rotas de comercio. L'antiga parola d'o chinés ta Chapón, quedó rechistrata por Marco Polo y yera Cipangu. En o chinés actual de Xangai (a on que se charra un dialecto chinés wu), a pronunciación d'os kanji 日本 ye Zeppen. A parola antiga ta Chapón en malayo ye Jepang (en a ortografía moderna Jepun), un amprén d'o chinés. Os mercaders portugueses troboron ista parola en Malaca en o sieglo XVI, y se creye que ells serían os primers en lebar-ne una variant a Europa.

Cheografía fisica

Mount Yari from Mount Otensho
Mont Yarigatake
Minnajima beach, Okinawa
Placha de Minnajima, Okinawa

Chapón ye un país insular constituito por mas de 3.000 islas localizatas en l'ocián Pacifico d'o norte en Asia. As tres islas principals, de norte a sud, son Hokkaido, Honshu (a isla principal), Shikoku y Kyushu. As islas Ryukyu, que incluyen a isla d'Okinawa, son una cadena d'islas a lo sud de Kyushu. Totas se conoixen com l'archipielago chaponés.

Arredol d'un 70 u 80% d'o terreno ye forestal y montanyoso,[2] no apto ta l'agricultura ni os usos industrials a causa d'as costeras y as elevacions, o riesgo de torrocatas causatas por tierratremos, a tierra blanda y as plevias constants. Por ixo, a población se concentra notablement aman d'as costas, con una densidat de población muit alta.

A causa d'a suya localización en o cinturón de fuego d'o Pacifico, sobre a unión de tres placas tectonicas, Chapón tien tierratremos menors muito a sobén asinas como actividat vulcanica. Bi ha habito diversos tierratremos acompanyatos de tsunamis cada sieglo.[3]

O clima de Chapón ye temperau, pero varía muito de norte a sud.[4] As caracteristicas cheograficas de Chapón lo dividen en seis arias climaticas principals:

  • Hokkaido: clima temperau con hibiernos fredos y luengos y veranos frescos. A precipitación ye escasa, encara que mientres o hibierno bi ha concentracions grans de nieu.
  • A mar de Chapón: sobre a costa ueste de Honshu, l'aire d'o norueste mientres o hibierno i leba grans precipitacions en forma de nieu. Mientres en verano, a rechión ye mas fresca que l'aria d'o Pacifico, encara que a vegatas experimenta temperaturas altas a causa d'o efecto Foehn.
  • Chapón central u elevato: clima tipico d'interior con variacions de temperaturas significativas entre hibierno y verano, a nueit y o dia, con pocas precipitacions.
  • Mar Seto d'o interior: as montanyas d'as rechions de Chugoku y Shikoku las protechen d'os temporals, producindo temperaturas mas benignas tot l'anyo.
  • L'ocián Pacifico: a costa este tien hibiernos fredos con poca nieu y veranos calidos y humidos a causa de l'aire d'o sudeste.
  • As islas Ryukyu: tiene un clima subtropical con hibiernos calidos. A precipitación ye intensa; os tifons i son comuns.

Cheografía humana y sociedat

Shibuya tokyo
Carrera de Shibuya en Tokio.

Demografía

A población de Chapón en 2006 yera de 127,4 millons.[5] Chapón tien una d'as esperanzas de vida mas altas d'o mundo, de 81,25 anyos.[6] Manimenos, a población chaponesa ye aviellindo-se a escape, efecto d'a disminución d'as altas tasas de natalidat d'a postguerra. En 2004, arredol d'o 19,5% d'a población teneba mas de 65 anyos d'edat.[7] Os cambeos en a estructura demografica han prevocato un gran numero de problemas socials, especialment en o declive potencial d'a población economicament activa y o incremento en os costes de bienestar social asociatos a los plans de pensión publicos. Seguntes as tasas de creiximiento poblacionals actuals, a población de Chapón baixará a 100 millons en 2050 y a 64 en 2100.[7]

Etnografía

Japanese people of all ages
Familia chaponesa

A sociedat chaponesa, dende o punto de vista etnico, ye muit homochenia. As minorias mas numerosas son os coreyans, chineses, filipins, peruans y brasilenyos, asinas como os ainus, pueblo indichena de l'archipielago chaponés. Mils de coreyans fuoron forzatos a emigrar a Chapón mientres a Segunda Guerra Mundial, quan Coreya yera colonia chaponesa. Os que bi han permaneixito, no tienen a ciudadanía chaponesa, encara que i pueden acceder, a sobén s'enfrontinan a la discriminación.[8] Os pueblos indichenas ainu y okinawa tamién tienen un estatus social inferior;[8] a mayoría d'os ainu s'han asimilato a la cultura chaponesa, encara que beluns han mantenito a suya identidat en Hokkaido.

A ciudadanía chaponesa se recibe quan un miembro d'a familia rechistra un naiximiento en o rechistro familiar d'a localidat. Naixer en Chapón no necesariament da la nacionalidat chaponesa. Encara que bi ha minorias monolingües que han residito muitas cheneracions en Chapón, i viven baixo o estatus de residencia permanent, sin de recibir a ciudadanía chaponesa, encara que tienen o dreito de recibir-la. As presonas d'ascendencia chaponesa que naixen en estranchero tienen a ciudadanía si bell familiar rechistra lur naiximiento en Chapón. Sindembargo, bells repatriatos no son consideratos "autenticament" chaponeses, y beluns consideran que son descendients d'a casta d'os burakumin, que se creye emigroron a los países sudamericans, y por tanto son discriminatos por a resta d'a sociedat.

Luenga

Articlo principal: idioma chaponés

A luenga oficial de Chapón ye o chaponés. L'ainu, encara que ye una luenga indichena de l'archipielago chaponés, ye quasi extinguita. O chaponés ye una luenga aglutinativa que se distingue por o suyo sistema complexo d'honorificos que reflexan a naturaleza cherarquica d'a sociedat chaponesa, en que as formas verbals y bellas parolas indican o estatus relativo d'o fablant y d'a presona que ascuita. O chaponés escrito ye una combinación de tres tipos de sistemas: os caracters chineses conoixitos como kanji, 漢字, y dos sistemas silabicos, hiragana, 平仮名, y katakana, 片仮名. L'alfabeto latín, u romanji, ローマ字, tamién s'emplega en o chaponés contemporanio. Amás d'as luengas autoctonas (o chaponés, l'ainu y o ryukyuense) bi ha diversas luengas d'as minorías etnicas d'o Chapón, principalment o corián y o chinés.

Relichión

Kinkaku3402CBcropped
Templo d'o pabellón dorato, en Kyoto.

A percepción chaponesa d'a relichión a sobén ye relacionata con a mitolochía, as tradicions y ys actividatz locals. O confucianismo y o taoísmo han estato a base d'o codigo moral y d'o shakai-tsunen (a ideya social común). A mayoría d'os chaponeses profesan o xintoísmo (54%), u o budismo (40%), por tradición familiar, u ta evitar conflictos con os estranchers relichiosos. Manimenos, a mayoría no son ateus, a tendencia ha estato lo sincretismo. Ixo tien como resultato que as familias celebren os rituals xintoistas, os estudiants recen antis d'os examens escolars, bellas parellas se casen en as ilesias cristianas, y os funerals se faigan en os templos budistas. Una minoría d'a población profesa o cristianismo (0,7%), y atras relichions (4,7%) como lo xamanismo y o islam. Dende o sieglo XIX muitas sectas relichiosas ditas orichinalment shinkosyukyo u shinshukyo, han apareixito.

Esporte

Sumo -Osaka 2010 03 23 b
Combate de sumo.

Os esportes tradicionals de Chapón son o sumo y as arts marcials, principalment o judo, o kárate y o kendo.

Atros esportes populars son o béisbol, o fútbol con a establita d'un campionato profesional dende 1992, l'atletismo con una gran tradición en a preba d'a maratón, o golf y beluns esportes de motor.

O béisbol tién una liga profesional en Chapón dende l'anyo 1936.

O fútbol ye muito popular dende a establita d'a liga de fútbol profesional de Chapón clamata J. Ligue, y actualment a suya selección nacional ye una d'as millors seleccions de fútbol d'Asia.

Competicions esportivas

Entre os eventos esportivos que bi han estato organizatos en Chapón destacan os Chuegos Olimpicos de 1964 celebratos en a ciudat de Tokio,[9] os Campionatos d'o Mundo d'Atletismo de 1991 organizatos en Tokio y os de 2001 en Osaka y a coorganización d'a Copa Mundial de Fútbol de 2002 chunto a Coreya d'o Sud. Será a seu d'os Chuegos d'a XXXII Olimpiada d'a era moderna en l'anyo 2020..

Referencias

  1. Daijirin / Yahoo Japan dictionary
  2. Microsoft® Encarta® Online Encyclopedia
  3. Oregon State University
  4. Essential Info: Climate, JNTO
  5. [https://www.cia.gov/library/publications/the-world-factbook/geos/ja.html#People World Factbook; Japan—People, CIA
  6. [https://www.cia.gov/library/publications/the-world-factbook/rankorder/2102rank.html CIA
  7. 7,0 7,1 Statistical Handbook of Japan: Chapter 2—Population, Japan Ministry of Internal Affairs and Communications
  8. 8,0 8,1 Japanese ethnicity. Japan. Encyclopedia Britannica.
  9. (en)/(fr) Chuegos Olimpicos de Tokio 1964 seguntes o COI

Vinclos externos

Estatos d'Asia

Afganistán | Arabia Saudí | Armenia1 | Azerbaichán1 | Bahrein | Bangladesh | Bután | Brunei | Cambocha | Cazaquistán1 | Cischordania2 | Coreya d'o Norte | Coreya d'o Sud | Chapón | Cheorchia1 | Republica Popular de China | Republica de China (Taiwan) | Chipre1 | Chordania | Echipto | Emiratos Arabes Unitos | Faixa de Gaza2 | Filipinas | India | Indonesia | Irán | Iraq | Israel | Kirguizistán | Kuwait | Laos | Liban | Malaisia | Maldivas | Mongolia | Myanmar | Nepal | Omán | Pakistán | Qatar | Rusia1 | Singapur | Sri Lanka | Siria | Tachiquistán | Tailandia | Timor Oriental | Turquía1 | Turkmenistán | Uzbekistán | Yemen | Vietnam

Dependencias: Akrotiri y Dhekelia | Hong Kong | Islas Cocos | Isla de Nadal | Macau | Territorio Britanico de l'Ocián Indico
1 Perteneix a Europa por razons culturals y historicas, pero cheograficament ye en Asia. 2 Territorios controlatos por Israel y gubernatos por l'Autoridat Palestina.
Budismo

O budismo ye a la vegata a relichión y a filosofía alazetadas en as amostranzas de Siddharta Gautama (conoixito como Buda).

Ista relichión s'orichinó en a India y s'estendilló a Asia Central, o Tibet, Sri Lanka, o sudeste d'Asia, China, Coreya y Chapón. Hue en día o budismo tamién s'ha feito prou popular en o mundo occidental. Se calcula que bi ha entre 230 y 500 millons de budistas en o mundo.

Castiello

Un castiello (d'o latín castellum, un diminutivo de castrum, lugar fortificato) ye un edificio construito ta residencia d'o sinyor d'un lugar y d'as suyas tropas y d'as chents más amanatas u mesnada, amás de simbolizar o suyo poder feudal sobre o suyo feudo. A suya función social de residencia sinyorial esdevién asinas elemento alazetal d'a definición, encara que son tamién importants os elementos esfensivos que l'acompanyan (murallas, torres, almenas y fortificacions de tota mena).

O tipo especifico d'o castiello ye medieval, con orichen en Europa y presencia en territorios con contacto politico u melitar con Europa, como Orient Meyo con as Cruzatas, encara que tamién s'aplica a construccions en Chapón ta residencia d'os sinyors feudals chaponeses.

Chuegos Olimpicos

Os Chuegos Olimpicos son un escaicimiento esportivo internacional celebrato mientres os zaguers quince días d'un periodo de quatre anyos dito Olimpiada.

Encetatos orichinalment en l'antiga Grecia fuoron recuperatos por o barón de Coubertin en zaguerías d'o sieglo XIX. Os primers chuegos d'a era muderna s'organizoron en Atenas en 1896. Actualment se celebran os Chuegos Olimpicos de verano cada quatre anyos en os anyos multiples de quatre, y os Chuegos Olimpicos d'hibierno tamién cada quatre anyos, en os atros anyos parelos no múltiples de quatre. Os primers Chuegos Olimpicos d'hibierno se facioron en Chamonix (Francia) en 1924.

Nomás bi habió interrupcions en a organizació d'os Chuegos quan istos coincidioron con gran guerras, por a I Guerra Mundial no se podioron organizar os Chuegos de Berlín 1916, os de Tokio 1940, por a guerra chino-chaponesa, y se sustituyoron Helsinki 1940 que tampoco podioron fer-se por a II Guerra Mundial, istas mesmas guerras tamién impidioron fer os Chuegos Olimpicos d'hibierno de 1940.

Dende l'anyo 1960 tamién bi ha uns Chuegos Paraolimpicos, ta os atletas con bell disminución fisica o psiquica, y dende 1976 uns Chuegos Paraolimpicos d'Hibierno ta que istos mismos atletas partecipen en esportes d'hibierno.

Coreya d'o Sud

A Republica de Coreya (Daehan Min-guk (대한 민국; 大韓民國) en corián) ye un país y estato situato a l'este d'Asia, que ocupa la metat sud d'a peninsula de Coreya.

Muga con a Republica Democratica Popular de Coreya por o norte, con la que formó una unica nación dica 1948. A l'este, muga con a mar d'o Chapón, a l'ueste con a mar Amariella y a lo sud con l'estreito de Coreya, que comunica istas dos mars y la desepara de Chapón.

A suya población ye de 48.422.644 d'habitants en una superficie de 99.538 km², con una densidat de población de 488 hab/km². A capital d'o país ye a ciudat de Seúl, que amás ye a población con mayor numero d'habitants y o centro politico, cultural y financiero d'o país; antiparte, a suya aria metropolitana ye una d'as mas poblatas d'o mundo.

Administrativament, o país ye dividito en provincias. Politicament, ye una republica, estando actualment o suyo President Lee Myung-bak y o suyo Primer menistro Han Seung-soo.

Mientres a suya historia, Coreya estió siempre un país independient, encara que con invasions constants dende China y dende Chapón, dica que en 1910 fue ocupato melitarment por o Chapón, que esdevenió a potencia ocupant dica a suya redota en a Segunda Guerra Mundial. Alavez o país recuperó a suya independencia, encara que administrato a o norte por os comunistas d'a Unión Sovietica y a o sud por os capitalistas d'Estatos Unitos, estando ixa división l'alazet d'a posterior Guerra de Coreya y d'a división d'a peninsula en dos estatos, Coreya d'o Sud y Coreya d'o Norte.

Dende o punto d'anvista d'a economía, Coreya d'o Sud ye una d'as prencipals potencias economicas mundials en l'actualidat, con importants tasas de creixencia dende os anyos 1960 dica hue. De feito, en quantos sectors as suyas interpresas son competidoras dreitas d'as prencipals empresas chaponeses, en sectors d'a industria d'alta tecnolochía, como a industria automobilistica u a fabricación d'ordinadors y d'os suyos components.

Idioma chaponés

O chaponés (日本語 Nihongo en chaponés) ye una luenga que parlan más de 130 millons de presonas en o Chapón y en as comunidatz immigrants chaponesas, especialment Perú, Brasil, Estatos Unitos y en a isla d'Angaur en a República de Palau. Quasi a totalidat de os naixitos de Chapón la tienen como luenga mai. Encara que a lechislación chaponesa no lo defina pas, ye l'Idioma oficial de facto de o Chapón, y ye amostrada en o sistema educativo baixo a denominación de 国語 (Kokugo, luenga nacional en chaponés).

O chaponés ye una luenga aglutinant y con estructura basada en moras. Tien un inventorio fonetico relativament chicot y un sistema d'accento tonal que se da en una parti important de o lexico. Fa parti de a familia de luengas chaponicas, que incluye tamién as luengas charratas en a isla d'Okinawa, d'incorporación más tardana a o territorio chaponés. Ye de mal clasificar, y encara que bi haiga diferents propuestas de clasificación, garra no'n ye estada acceptada unanimement, y gosa clasificar-se como luenga isolada.A luenga chaponesa s'escribe con una combinación de tres sistemas de escritura: os caracters chineses ditos kanji (漢字) en chaponés, y dos sistemas silabicos (u moraicos) basatos en os caracters chineses, hiragana (ひらがな o 平仮名) y katakana (カタカナ o 片仮名). L'alfabeto latin, rōmaji (ローマ字) gosa emplegar-se en a senyalización, en a publicidat y en o logotipo de as interpresas, encara que bi ha numbrosos sistemas de romanización de a escritura chaponesa. Os numerals arabicos son emplegaus a ormino, pero tamién s'emplegan prou os numerals chino-chaponeses tradicionals.

Un rasgo caracteristico de o chaponés ye o suyo complexo sistema honorifico de cortesia (keigo, 敬語, luenga de respecto) que reflecta a naturaleza de a sociedat chaponesa, y compta con formas verbals y un vocabulario particular ta indicar l'estatus relativo de l'interlocutor y as presonas involucratas en a conversa.

Bi ha encara una luenga de signos chaponesa, 日本語対応手話 (luenga chaponesa de signos, nihongo daiō shuwa en chaponés), que reflecta la gramatica y o lexico de o chaponés.

Naoto Sato

Naoto Sato (佐藤直人 en chaponés), naixito de 1953, ye un astronomo chaponés, que destaca por estar o descubridor de muitos asteroides.

Oizumi Observatory

L'Observatorio de Ōizumi (Oizumi Observatory en anglés) ye un observatorio astronomico privato situato en a ciudat chaponesa d'Ōizumi. .

En iste observatorio l'astronomo aficionato Takao Kobayashi ha feito muitos descubrimientos en os que estan planetas menors y circa de 1.200 asteroides.

Premio Nobel de Literatura

O Premio Nobel de Literatura ye uno d'os Premios Nobel, concedito cada anyada por l' Academia Sueca ta premiar a os escritors autors d'a obra de Literatura más destacata de l'anyada, que siga una aportación remarcable a os campos d'a sapiencia, l' arte y a cultura.

O premio ye concedito dende 1901, y fue establito por o quimico sueco Alfred Nobel, que deciba en o suyo testamento que o ganador haberba d'haber creyato una obra literaria que amostrase una impresionant fuerza ideyalista (den som inom litteraturen har producerat det utmärktaste idealisk riktning en sueco).

Segunda Guerra Mundial

A Segunda Guerra Mundial estió una guerra que duró dende 1939 a 1945 entre a mayor parte d'os países independients en ixas calendatas, y en que habió batallas en Europa, Asia, Africa, America y Ocianía, con batallas en tierra, mar y aire. Dica hue, ye a guerra mas mortifera d'a Historia, con mas de 65.000.000 de muertos, en zifras conservadoras.

As prencipals batallas estioron en Europa, norte d'Africa y en o sector de l'Ocián Pacifico.

A guerra s'inició o día 1 de setiembre de 1939 con a invasión de Polonia por o Tercer Reich, encara que atros dicen que prencipió o 3 de setiembre, con a declaración de guerra de Francia y o Reino Unito contra o Tercer Reich. T'atros, prencipió en China en 1937 con o clamato Incident d'o puent de Marco Polo y a invasión de China por o Chapón. T'atros encara, a Guerra Civil Espanyola en 1936 ye una d'as guerras predecesoras d'a Segunda Guerra Mundial, como l'anexión d'Austria (Anschluss) y de Checoslovaquia en 1938 dimpués d'os ditos Pactos de Munich.

A guerra remató o 2 de setiembre de 1945 con a rendición incondicional d'o Chapón, y supuso a desaparición d'as ideyas politicas d'o nazismo en Alemanya, d'o faixismo en Italia y d'o militarismo expansionista en o Chapón. Amás, anque se creyó a Organización d'as Nacions Unitas, a Guerra Fría entre os Estatos Unitos y a Unión Sovietica dividió Europa en as siguients 50 anyadas. Tamién dio un empentón a un proceso de descolonización d'os territorios colonials europeus, que rematarba en os anyos 1960. Tamién ye important porque en os clamatos Chudicios de Nuremberg y en atros semilars s'asentoron os alazetz d'o Dreito Penal Internacional.

A Segunda Guerra Mundial estió a primer gran guerra ideyolochica d'a historia, o que explica d'una parte os variatos procesos de colaboracionismo con os ocupants alemans u italians, d'atra parte a existencia d'una Resistencia alemana a o nazismo en plena guerra y, en fin, la direción centralizata d'os partitos comunistas d'Europa por o Partito Comunista d'a Unión Sovietica y o suyo papel en contra d'a guerra dica a Operación Barbarroya (a invasión alemana d'a Unión Sovietica) en 1941 y a favor d'a guerra contra o Tercer Reich dimpués.

Estió amás una guerra con prous crimens de guerra, comesos por totz os países, encara que os prencipals crimens de guerra y crimens contra a Humanidat estioron obra d'o nazismo, como os campos d'exterminio nazis, u o esterminio masivo d'a población chitana, chodiga (Shoah) u eslava, u grupos de población como os homosexuals, os Testimonios de Cheová u os disminuitos siquicos, amás d'atras vitimas (como bells centenars d'aragoneses refuchiatos en Francia dimpués d'a Guerra Civil Espanyola). O exercito chaponés estió responsable de fer mortaleras en China u violacions sistematicas de mullers, un crimen tamién que l'Exercito Royo cometió sistematicament dende a suya dentrada en territorio alemán en as dos zagueras anyadas d'a guerra. Antiparte, a Luftwaffe alemana estió a primera en bombardeyar poblacions civils, como en Londres u en Coventry (apareixió a expresión coventrizar una ciudat) u Rotterdam, estioron a Royal Air Force britanica y a United States Army Air Forces estatounitense os prencipals autors de bombardeyos masivos con napalm en as ciudatz alemanas, como Hamburgo u Dresde, y chaponesas, con o lanzamiento de dos bombas atomicas en Hiroshima y Nagasaki, en o primer (y dica hue, unico) uso d'una bomba atomica contra poblacions civils.

Subprefectura

Una subprefectura ye un ran administrativo que ye por debaixo d'una prefectura u provincia. Ye aplicato en bells países como Albania, Brasil, Burkina Faso, Chad, China, Chapón, Francia, Guinea, Guadalupe y Turquía y Vietnam.

Takao Kobayashi

Takao Kobayashi (小林隆男 en chaponés), naixito en 1960 ye un astronomo no profesional chaponés, que destaca por estar o descubridor de muitos asteroides (más de 2.000) y mesmo de bell cometa.

Takeshi Urata

Takeshi Urata (浦田 武, Urata Takeshi?) ye un astronomo aficionau chaponés, gran descubridor de asteroides, que treballa en l'observatorio Nihondaira.

O asteroide Urata, descubierto por Urata o 30 d'aviento de 1992, estió nombrau asinas en a suya honor.

Tokio

Tokio (en chaponés 東京, Tōkyō) ye a capital de facto de Chapón, situata en o centro-este d'a isla Honshu.

Tokio ye actualment a ciudat mas poblata d'o mundo, con bells 38 millons d'habitants.

O Instituto de Población, en o suyo informe anyal, preveye que l'anyo 2020 Mumbai (India) pasará a estar a ciudat mas poblata d'o mundo.

Anque o nombre Tokyo sería una romanización más correcta d'o nombre orichinal, o nombre d'a ciudat ye Tokio en aragonés, castellán, alemán, neerlandés y esperanto, entre atros. En anglés y atros idiomas s'escribe Tokyo, anque d'antis más tamién s'escribiba Tokio. En catalán s'escribe Tòquio. Atros nombres antigos d'a ciudat son Tokei, Edo y Yedo.

Tokio tien tres distincions cheograficas en o suyo significato.

Prefectura de Tokio ye o gubierno local con o nombre de Tokio. A suya población ye de 12.064.101 habitants y a suya superficie de 2.186,9 km².

Anque no existe un municipio clamato Tokio, a ciudat de Tokio como se la conoixeba en 1943, ye hue a ciudat mas gran y capital de Chapón, con una población de 8.134.688 habitants y una superficie de 621,3 km².

L'aria metropolitana d'a rechión sud de Kanto que pende de Tokio y atras tres prefecturas vecinas, ye a sobén considerata l'aria metropolitana mas gran d'o mundo. As quatre prefecturas en conchunto poseyen una población de 33.418.366 habitants y una superficie de 13.555,8 km².As poblacions u superficies son d'alcuerdo a lo censo realizato en l'anyo 2000.

Mientres os anyos 1950 y 1960 Tokio tenió un gran millora economica, construyendo-se hi a segunda linea de metro en 1954, a Torre de Tokio en 1958 y en os anyos 1960 coincidiendo con os Chuegos Olimpicos de 1964 bi ha un gran cambeyo en infraestructuras y equipamientos esportivos, turisticos, comunicacions y servicios, construyendo-se hi a primera linea de Shinkansen (Tōkaidō Shinkansen), o tren d'alta velocidat chaponés, y as instalacions esportivas que encara hue son utilizatas. Tamién tenió una gran explosión industrial estando o centro d'a industria de Chapón que estió referencia mundial en industrias de l'acero, l'automoción, electrodomesticos y elecronica.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.