Arrianismo

L'arrianismo ya a doctrina d'o bispe Arrio (256-336), qui enta l'anyo 318 ixemenó a suya oposición a lo concepto de trinidad, negando que no bi ha tres presonas en dios y no bi n'ha d'atra que o Pai. Afirma tamién que Chesucristo no ye divín y que fue creyato por Dios pa que lo aduyase en o suyo plan.

En l'anyo 320 Aleixandre, o bispe d'Aleixandría convoca un sinodo que excomulga a Arrio por hereche. Manimenos l'arrianismo como doctrina sencilla s'estendilla por a part oriental d'o imperio a escape, sobre tot en a población humil, labradors, pastors, siervos y soldatos.

En l'anyo 325 Constantín convoca o concilio de Nicea, que condena l'arrianismo. Manimenos Constancio II, o fillo de Constantín refirmó a l'arrianismo y bi habió emperadors arrians. Teodosio I persiguió l'arrianismo.

O Concilio de Costantinoble de l'anyo 381 significó a muerte oficial de l'arrianismo en territorio imperial, quedando ya con pocos seguidors. Manimenos l'arrianismo s'heba ixemenato fueras d'o Imperio Román arribando en os pueblos chermanicos. Ulfilas cristianizó a los godos y lis introdució tamién l'arrianismo.

Os chermans que invadioron o Imperio Román d'Occident reintroducioron l'arrianismo, que resistió bell tiempo a lo catolicismo en los reinos que creyoron os vándalos, visigodos, ostrogodos, burgundios y longobardos: Reino Vandalo d'Africa, Reino Visigodo de Tolosa, Reino Visigodo de Toledo, Reino Burgundio, ecetra...

L'arrianismo visigodo

Os visigodos de l'aria danubiana se convirtioron a l'arrianismo enta l'anyo 370, y permaneixioron arrians quan creyoron o Reino Visigodo de Tolosa y quan emigroron a Hispania pa formar o Reino Visigodo de Toledo. A mesura que iban ocupando a Peninsula Iberica sustituiban a los bispes catolicos por bispes arrians. O rei Amalarico, casato Clotilde, filla de Clodoveu I prebó de fer-la convertir-se a l'arrianismo, pero murió en combate con o chirmán de Clotilde en Narbona.

Bi habió persecucions contra os catolicos con os reis Teudis, Teudiselo y Achila, y a mayor tensión entre catolicos y arrians se produció en o reinato de Leovichildo, en o que bi habió una revuelta catolica dirichita por o suyo fillo Hermenechildo.

O rei Recaredo, aconsellato por Sant Leandro veyó convenient a conversión d'os visigodos a lo catolicismo y unir a visigodos arrians y hispanorromans catolicos. Convocó o III Concilio de Toledo en l'anyo 587, abchuró de l'arrianismo y establió l'arrianismo como relichión oficial. Manimenos quedoron visigodos que se resistiban a convertir-sen a lo catolicismo.

Reino Ostrogodo d'Italia

O Reino Ostrogodo d'Italia estió un reino barbaro con clase dirichent ostrogoda que creyato por Teodorico o Gran dimpués d'invadir Italia y vencer a los herulos y proclamar-se rei en l'anyo 493. A fin d'este reino estió en l'anyo 553 con a total reconquiesta bizantina en tiempos de Chustinián I dimpués d'a luenga guerra gotica.

Reino visigodo de Toledo

Lo Reino Visigodo de Toledo estió un estato digichito por los visigodos, que heban ocupato a Hispania y feban de clase dirichent sobre a población hispanorromana. Existió dende l'anyo 507, con a derrota en a Batalla de Vouillé, dica l'anyo 721, quan os zaguers resistents visigodos de Septimania fuoron vencitos por os musulmans, que ya heban entrato en Hispania en l'anyo 711.

Relichión

A relichión puede definir-se, tanto positiva como negativament, de muitos modos:

Auto u representación explicita por a que l'hombre creye contrimostrar o suyo reconoiximiento d'a existencia d'un u quantos dioses que tienen poder sobre o suyo destín, a qui obedeixen, sirven y onran.

O sentimiento u expresión de l'ombre d'amor, cerina u medrana enta un poder sobrehumán y totpoderoso, ya siga por a manifestación de creyencia, por a realización de ritos y cerimonias, u por a conducta d'a mesma vida.

Un sistema de fe y culto.

Parando cuenta en a suya etimolochía dende 'religare', ta beluns sería un intento de l'hombre por ligar a lo mundo con el mesmo, isto ye, a explicación que un se da d'o que li rodía partindo de dios (siga quala siga la imachen que d'iste se tienga). Ta atros, o termin relichión esplicaría la ligazón (re-ligar) que aune l'hombre relichioso con o suyo dios.As relichions se dividen prencipalment en monoteístas, politeístas y mixtas.

Monoteísmo

Zorastrismo

Chudaísmo

Cristianismo

Arrianismo

Catolicismo

Ilesia baptista

Ilesia ortodoxa

Mormonismo

Protestantismo

Aventismo

Anglicanismo

Luteranismo

Metodismo

Pentecostalismo

Santo Daime

Testigos de Cheobá

Verdadera Ilesia de Chesús

Islam

Xiíta

Sunnita

Fe Bahá'í

Sikhismo

Ayyavali

Caodaísmo

Espritismo

Candomble

Siguidors d'o libro d'UrantiaPoliteísmo

Animismo

Sintoísmo

Taoísmo

Politeísmos indoeuropeus

Scientifismo

Confucionismo

Gnosticismo

Gnosticismo Zen

Panteísmo

SatanismoVudúMixto

Hinduismo

Hare Krishna

Chudeobudismo

Messiánica

Oomoto

Santería

Tian-ti-chiaoNuevas Relichions Independients

ScienciolochíaPosicions arrelichiosas:

Discordianismo

Adbaitanismo

Agnosticismo

Ateísmo

Budismo

Chainismo

Formulismo

Sant Nicolau de Bari

Sant Nicolau de Bari u Sant Nicolau de Mira ye naixito de Patara (Licia, una rechión d'a Peninsula Anatoliana) en a segunda metat d'o sieglo III y morió o 6 d'aviento de l'anyo 346. Estió bispe.

Como bispe persiguió os cultos politeístas y ordenó escachar o templo d'Artemisa de Mira, o mes gran y famoso de Licia. Tamién mandó escachar atros edificios "pagans".

Fue empresonato por un decreto d'o emperador Licinio contra os cristians y li cremoron a barba. Constantín I lo liberó.

Participó en o I Concilio de Nicea condenando a doctrina d'Arrio u arrianismo.

En atras luengas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.