Nabi Sulaiman

Nabi sulaiman as disampéng seubagoe rasul nakeuh gopnyan sidroe raja nyang paléng that jithèi. Gopnyan rôh lam kawan raja mat keurajeuën man si gom donya.

Ubéna mandum makhluk, manusia, meunatang ngon jén ék geumat geu parintah lé gopnyan. Lam riwayat, ho nyang geu meujak jiba sabé lé angèn. Gopnyan jeuët meuphôm narit meunatang, trôh bak seudom ji meu tutô ngon gopnyan.

'Asyura

'Asyura nakeuh uroe keu siplôh nibak buleuen Muharram (Sausén, Hasan-Husén). Seugohlom Nabi Muhammad geuangkèe jeuet keu rasul, uroe 'Asyura ka jeuet keu uroe rayek bak ladôm ureueng-ureueng di Meukah. Ureueng-ureueng Arab bak watèe nyan geupeuingat uroe nyan keu seubagoe uroe raya raseumi bansa Arab. Uroe nyan geupeurayek deungon geupuasa lam uroe nyan, geupeulagak kuta ngon banda, geusôk bajèe lagak-lagak.

Watèe Nabi neuhijrah u Madinah, Nabi geutupeue bahwa kawôm Yahudi dipuasa bak uroe 'Asyura (Paskah Yahudi) saweueb meuikôt buet Nabi Musa nyang geupuasa kareuna leupah nibak élaya raja Fir'aun watèe geupeuseulamat lé Allah bak lingkeue la'ôt. Lheueh neutupeue nyankeuh Nabi neuparéntah bak umat beu geupuasa bak uroe 'Asyura nyan.

Na saboh kawôm di tanoh Arab, kawôm Yazidi geupeunan uroe 'Asyura nyoe seubagoe uroe meusuka-cita. Na ladôm-ladôm teumpat, lagèe di Kalimantan lam kawan ureueng Banjar geupeuingat uroe 'Asyura deungon cara geupeugöt peunajôh nyang geupeunan 'Bubur 'Asyura', nyang meunurôt peuneugah teupeugöt nibak breueh meujampu ngon 41 bagoe jeunèh makanan lagèe gulè, boh bi ngon meubagoe jeunèh kacang. Biasa geuhidang 'oh trôh watèe buka 'puasa sunat 'Asyura'.

Nabi Daud

Nabi Daud atawa Dawôt as na keuh ureuëng chik agam nabi Sulaiman as.

Seu gohlom jeuët keu rasul, nabi Dawôt na rôh geujak meuprang geu lawan raja kaphé nan jih Jalut. Sampoë hasé geu peubinasa raja kaphé nyan. Teuma l'uh nyan jeuët treuk gopnyan seubagoe raja.

Surat Al-Anbiya'

Surat Al-Anbiya' (bahsa Arab: الأنبياء‎, Al-Anbiyā' , "Nabi-Nabi") nakeuh surat keu-21 lam Al-Qur'an nyang jeumeulah ayatjih 112 ayat. Nan Al-Anbiya' geucok nibak asoe surat nyang lé neupeugah riwayat nabi-nabi. La'én lom geupeugah lam surat nyoe bhah ureueng kaphé nyang hana jipatéh meunyoe Nabi Muhammad nakeuh sidroe nabi ngön rasul.

Surat An-Namlu

Surat An-Naml (bahsa Arab: النّمل‎, An-Naml, "Sidom") nakeuh surat nyang keu-27 lam Al-Qur'an nyang jeumeulah ayat surat nyoe nakeuh 93 boh ayat. Surat nyoe rôh lam kawan surat-surat Makkiyah, geupeutrön lheuh Surat Asy-Syu'ara'. Nan surat nyoe geucok nibak ayat 18 ngön 19 nyang na narit An-Naml, nyang hareutoejih sidom. Surat nyoe jeut keu saboh peulajaran keu ureueng Islam mangat bèk eumbông udép lam dônya. Peulajaran nyoe geucok nibak riwayat Nabi Sulaiman ngön teuntrageuh nyang bak watèe nyan geulèwat bak eumpueng sidom. Bak watèe nyan, raja sidom jipeurintah bak ban dum sidom mangat jitamöng lam eumpueng, mangat bèk meugidöng lé teuntra-teuntra Nabi Sulaiman a.s. Nabi Sulaiman nyang geubri mu'jizat deuh geudingö su hiweuen, hireuen keu ban dum sidom nyan. Nabi Sulaiman geuteurimöng geunaséh keu Allah nyang ka geubri hareuta, keurajeuen, jeut geupeugah haba ngön hiweuen, jeut geupeutaklôk jén, cicém, ngön manusia.

Surat Saba'

Surat Saba' (bahsa Arab: سبأ‎, Saba' , Kawôm Saba' ) nakeuh surat keu-34 lam Al-Qur'an nyang jeumeulah ayatjih 54 ayat. Asoe surat nyoe geuriwayat bhah kawôm Saba'. Kawôm nyan nakeuh saboh kawan nibak kabilah Arab nyang geuduek bak saboh da'irah nyang jinoe ka jeut keu nanggroe Yaman. Kawôm nyan jipeudöng saboh keurajeuen nyang nanjih Keurajeuen Saba' nyang nan nanggroejih Ma'rib. Allah neupeuancô kawôm nyan saweub hana seumatéh ngön risalah nyang geumèe lé rasul bak masa nyan. Bala nyang neubri nakeuh ie rayek nyang asaijih nibak Bendungan Ma'rib, saboh bendungan nyang jipeugöt keu peumakmue ban dum ra'yat keurajeuen nyan.

Surat Shad

Surat Shad (bahsa Arab: ص‎, Shad, "Shad") nakeuh surat nyang keu-38 lam Al-Qur'an. Jeumeulah ayat surat Shad nakeuh 88 ayat nyang rôh lam kawan surat Makkiyah. Surat nyoe geupeutrön lheuh Surat Al-Qamar. Nan surat nyoe geucok nibak ayat keu phôn surat.

Bahsa la’én

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.