Meuih

Lam bahsa Acèh emas geukheun meuih. Meuih nyan seureng geupeuget keu ayeuen ureueng inong di Acèh.

MocheGoldNecklace
Kalong meuih. Milék Musium Larco di Lima, Peru.
Ayeuen

Ayeuen nakeuh seuneungui ureueng inöng, miesue keu aneuk dara ngon keu aneuk miet, nyang geupeugèt nibak meuih, pirak atawa suasa. Ayeuen geungui mangat dhiet seuneungui, mangat jroh rupa.

Jakeuët

Jakeuët nakeuh saboh bagoë hareuta nyang geucok nibak hareuta nyang ka meuteuntèë nyang akan geubagi (geujôk) hareuta nyan keu peureuté atawa golongan nyang na lapan boh golongan. Jakeuët nakeuh salah saboh peurintah Allah Ta'ala keu geutanyoë hamba nyang trôh wajéb bôh jakeuët.

Kawan Meuih

Kawan Meuih nakeuh saboh keurajeun jameun dilee di wilayah Rusia, Ierupa Timu, ngon Asia Teungoh jinoe.

Rusia

Rusia (Fèderasi Rusia) nakeuh saboh nanggroe nyang teuleuëng luwah di timu Iërupa trôk u ateueh Asia (ateueh Eurasia). Nanggroë Rusia nakeuh nanggroë republik fèderal semi-prèsidènsil nyang subjèk-subjèk fèderaljih na 83 boh. Rusia meuceuë ngon nanggroë Norwègia, Finlandia, Èstonia, Latvia, Lithuania, Polandia (deungon Oblast Kaliningrad), Bèlarusia, Ukraina, Georgia, Azèrbaijan, Kazakhstan, China, Mongolia ngon Korèa Barôh.

Rusia meuceuë wilayah la’ôt ngon Jeupun (La’ôt Okhotsk) ngön Amirika Carékat (Seulat Bering). Ngon luwah wilayah 17.075.400 km², Rusia nakeuh nanggroë nyang paléng rayek di donya. Wilayahjih leubèh kureuëng bubé duwa go Rèpublik Rakyat Cina, Kanada, atawa Amirika Carékat. Rakyatjih nyang meubileuëng 142 juta droe nakeuh nyang keu sikureuëng rame di donya. Wilayah watèëjih na 11 boh. Rusia nakeuh nanggroe ngon wilayah uteuën paléng rayék, ngon tasék-tasékjih meu’asoë ¼ ië jeureunèh donya.

Dilèë nanggroë nyoë nakeuh nanggroë dalam Uni Soviet nyang paléng luwah. Rusia nakeuh ahli waréh tiji Uni Soviet ngon geuwaréh 50% beunileueng ureuëng duëk, 2/3 luwah wilayah, ngon leubèh kureuëng 50% pangkai èkonomi ngon seunyatajih. Jinoë Rusia teungoh jioseuha mangat jipeujeuet droëjih keu nanggroë meukuwasa lom. Beuthat Rusia nakeuh nanggroë peunténg, sipheuetjih mantong meuji’ôh bida ngon Uni Soviet dilèë.

Bahsa la’én

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.