Bahsa

Bahsa nyan na keuh saboh alat keu ta peugah haba nibak ureueng ramee.

Acèh

Acèh nakeuh saboh da’irah kusuih sabe propinsi nyang na bak Pulo Ruja. Acèh nakeuh propinsi nyang barat that di Indônèsia. Blah ateuëh na La’ôt Banggali, La'ôt Hindia blah barat, Seulat Malaka blah timu ngon blah tunggara na propinsi Sumatra Utara. Nang nanggroë Acèh nakeuh Banda Acèh.

Amirika Syarikat

Amirika Syarikat (AS) (bahsa Inggréh: United States of America) nakeuh saboh neugara republik federal nyang na di wilayah Amirika Utara nyang teudong nibak 50 boh nanggroe beunagi ngon saboh distrik federal distrik nang nanggroë Washington DC. Amirika Syarikat meuceue ngon Meksiko ngon Lhôk Meksiko blah tunong, ngon Kanada blah utara, blah barat meuceue ngon La'ôt Pasifik ngon blah timu ngon La'ôt Atlantik. Duwa neugara beunagi

Amirika Carékat nakeuh meuklèh ngon tanoh darat Amirika, Alaska ngon Hawaii. Alaska na di ujông baratla'ôt Amirika Barôh, meuceuë ngon Kanada blah rot timu ngon Rusia blah rot barat nyang geupisah ngon Seulat Bering. Salang Hawaii nakeuh pulo-pulo lam La'ôt Pasifik.

Amirika Syarikat na cit meupadum boh wilayah teritori di Pasifik ngon Karibia. Luwah wilayah 3,79 juta mil peuet sagoe (9,83 juta km2) ngon jumeulah ureuëng duëk na 315 juta droë. Amirika Syarikat nakeuh neugara nyang luwah keu lhèe atawa keu peuët di dônya. Bak jumeulah ureuëng duëk, Amirika Syarikat na lam dapeuta neugara ngon jumeulah ureuëng duëk keu lhèe paléng ramè di dônya. Amirika Syarikat nakeuh saboh bansa nyang jeuet nibak le-le bansa ngon meumacam reusam budaya. Karap man dum bansa na di Amirika Syarikat nyang phôn that teuka nibak ureuëng nyang migrasi nibak ban sigom dônya. Ikeulim ngon bumoë Amirika Carékat jeuet cit meumacam ragam, ngon neugara nyoe jeuet keu teumpat tinggai meumacam spesies.

Bahsa Peurancih

Bahsa Peurancih (français, la langue française) nakeuh bahsa bansa neugara Peurancih.

Basa Acèh

Basa Acèh (بسا اچيه), nakeuh saboh basa nyang geungui di Acèh, keucuali padum-padum boh da'irah, lagèë Acèh Tamiang, Bener Meriah, Acèh Teungoh, Gayo Lues, Acèh Teunggara, Acèh Singkil ngön Simeuluë.

Basa Arab

Bahsa Arab (bahsa Arab: لغة العربية‎) nakeuh bahsa nyang geunguy lé ureuëng-ureuëng di wilayah nanggroë Arab, lagèe Saudi Arabia, Kuwait, Irak atawa la'én nibak nyan. Lam bahsa Arab nyoëkeuh Al-Qur'an neupeutrôn lé Allah ta'ala.

Meumacam lugat atawa dialek nyang na tareumpök lam bahsa Arab nyoë, seucara umum jeuët takheun bahsa Arab ureuëng di kuta meubida deungön bahsa nyang na di pedalaman (baduy). Narit ureuëng kuta leubèh sopan, leubèh meusaneuët. Lam sastra Arab lé that istilah-istilah nyang meuhubôngan deungön bahsa nyoë. Na istilah, antara la'én:

Nahu

Sharaf atawa taseuréh

Balaghah

Lugat

Ma'ani

Bayan

Badi'

Qawafi atawa la'én-la'én nibak nyan.Nyan bandum jih nan cabeuëng èleumèë lam bahsa Arab. Deungon na tameureunoë èleumèë nyan tanyö akan jeuet ta bôh makna Al-Qur'an ngon Hadih seureuta Kitab-kitab Ulama.

Basa Indônèsia

Bahsa Indônèsia (bahsa Éndônèsiya: Bahasa Indonesia), bahsa nasional bak nanggroë Indônèsia. Bahsa nyoë nakeuh seubagoë bahsa persatuan Éndônèsiya.

Indonesia Translator

Google Indonesia Translator

Indonesia Dictionary

Basa Inggréh

Basa Inggréh (Basa Inggréh: English language) nakeuh saboh basa nyang jimarit lé ureueng Inggreh di United Kingdom. Karap ban dum buet administrasi geungui bahsa nyoe. Asai basa nyoe nakeuh nibak nanggroë Inggréh nyang nang nanggroejih London.

Basa Inggréh ka meuceuhu ban saboh donya. Nanggroë-nanggroë rayek nyang ka geungui basa Inggréh nakeuh Amirika Syarikat, Australia ngon Kanada.

Lugat basa Inggréh pih na mumacam bagoe, lagèe lugat Inggréh di Amirika mubida ngön lugat nyang na di nanggroë Australi.

Meunan syit basa inggreh nyang na di Singapor, lugatjih mubida sit ngon nyang na di Inggreh. Ka meujampu ngen lugat Cina atawa Meulayu.

Blanda

Beulanda atawa Blanda (Bahsa Beulanda: Nederland) nakeuh saboh nanggroë nyang na di kawasan Iërupa Barat. Blanda na 12 banda administrasi yang dikheun provinsi (provincies).

Groningen

Friesland/Fryslân

Drenthe

Overijssel

Flevoland

Gelderland

Utrecht

Noord-Holland (Holland Utara)

Zuid-Holland (Holland Selatan)

Zeeland

Noord-Brabant (Brabant Utara)

LimburgNakeuh daerah jih teubagi nibak kuta-kuta (gemeenten). Na pulau di Karibia yang roh lam po Belanda: Antillen Belanda, dengon Aruba.

Bèlgia

Bèlgia (Bahsa Beulanda: Koninkrijk België, Bahsa Peurancih: Royaume de Belgique, Bahsa Jeureuman: Königreich Belgien) nakeuh saboh neugara nyang na di kawasan Iërupa Barat. Brussèl keuh nang nanggroë di Bèlgia.

Indônèsia

Indônèsia nakeuh saboh nanggroë nyang paléng luwah nyang na di Asia Teunggara. Deungön le pulo 18.110 boh pulo, Indônèsia nakeuh nanggroë meupulo-pulo paléng rayek di dônya.Indônèsia geubagi lam 33 boh propinsi, rôh lam nyan 2 boh da’irah otonomi kusuih (Acèh ngön Papua), saboh da’irah istimèwa (Yogyakarta) ngön saboh da’irah kusuih nang nanggroë (Jakarta).

Jeupun

Jeupun (Ceupun) atawa Jeupang (Bahsa Jeupang: 日本, nan raseumi: 日本国 Nippon-koku, nakeuh saboh nanggroë meupulo di Asia Timu. Wilayahjih di ujông barat Samudra Pasifik, di siblah timu la'ôt Jeupun. Jeupun meujiran deungon nanggroë China, Korea ngon Rusia. Pulo paléng barôh nakeuh di La'ôt Okhotsk dan blah paléng tunong nakeuh pulo-pulo ubeut di timu La'ôt Cina Timu paihjih di blah tunong Okinawa nyang meujiran deungon Taiwan.

Muang Thai

Muang Thai atawa Muangthai (Bahsa Thai: ประเทศไทย) nakeuh saboh nanggroë nyang na di Asia Teunggara. Nang nanggroejih nakeuh Bangkok

Portugéh

Portugéh (Bahsa Portugéh: Portugal) nakeuh saboh neugara nyang na di kawasan Iërupa Seulatan. Nang nanggroë nyan nakeuh banda Lisbon. Republik Portugéh nakeuh meuceuë ngon Spanyol dibarôh ngon ditimu. Blah rot barat meuceuë ngon La'ôt Atlantik. La'én nibak nyan neugara Portugéh na cit wilayah jih di da'irah Madeira, Azores ngon Pulo-pulo Selvagens.

Rusia

Rusia (Fèderasi Rusia) nakeuh saboh nanggroe nyang teuleuëng luwah di timu Iërupa trôk u ateueh Asia (ateueh Eurasia). Nanggroë Rusia nakeuh nanggroë republik fèderal semi-prèsidènsil nyang subjèk-subjèk fèderaljih na 83 boh. Rusia meuceuë ngon nanggroë Norwègia, Finlandia, Èstonia, Latvia, Lithuania, Polandia (deungon Oblast Kaliningrad), Bèlarusia, Ukraina, Georgia, Azèrbaijan, Kazakhstan, China, Mongolia ngon Korèa Barôh.

Rusia meuceuë wilayah la’ôt ngon Jeupun (La’ôt Okhotsk) ngön Amirika Carékat (Seulat Bering). Ngon luwah wilayah 17.075.400 km², Rusia nakeuh nanggroë nyang paléng rayek di donya. Wilayahjih leubèh kureuëng bubé duwa go Rèpublik Rakyat Cina, Kanada, atawa Amirika Carékat. Rakyatjih nyang meubileuëng 142 juta droe nakeuh nyang keu sikureuëng rame di donya. Wilayah watèëjih na 11 boh. Rusia nakeuh nanggroe ngon wilayah uteuën paléng rayék, ngon tasék-tasékjih meu’asoë ¼ ië jeureunèh donya.

Dilèë nanggroë nyoë nakeuh nanggroë dalam Uni Soviet nyang paléng luwah. Rusia nakeuh ahli waréh tiji Uni Soviet ngon geuwaréh 50% beunileueng ureuëng duëk, 2/3 luwah wilayah, ngon leubèh kureuëng 50% pangkai èkonomi ngon seunyatajih. Jinoë Rusia teungoh jioseuha mangat jipeujeuet droëjih keu nanggroë meukuwasa lom. Beuthat Rusia nakeuh nanggroë peunténg, sipheuetjih mantong meuji’ôh bida ngon Uni Soviet dilèë.

Singapura

Singapura (Bahsa Inggréh: Republic of Singapore/Singapore, Bahsa Cina: 新加坡共和国/新加坡, Bahsa Meulayu: Republik Singapura/Singapura, Bahsa Tamil: சிங்கப்பூர் குடியரசு/சிங்கப்பூர்), nan raseumi Republik Singapura nakeuh saboh neugara-kota bak ujông Seumeunanjông Malaya, 137 kilometer barôh nibak khatulistiwa. Neugara nyoe teudöng nibak 63 boh pulo cut-cut, nyang paléng rayek nakeuh pulo Ujông.

Siprus

Siprus (Bahsa Yunani: Κύπρος Kýpros, Bahsa Tureuki: Kıbrıs, Bahsa Yunani: Κυπριακή Δημοκρατία Kypriakī́ Dīmokratía, Bahsa Tureuki: Kıbrıs Cumhuriyeti) nakeuh saboh neugara nyang na di kawasan Asia Barat Daya.

Surat Al-Fatihah

Surat Al-Fatihah (bahsa Arab: الفاتحة‎, Al-Fātihah, Peuneuhah), nakeuh surat nyang phôn lam Al-Qur'an. Surat nyoe neupeutrön di Mekkah nyang asoe surat nyoe na 7 ayat. Al-Fatihah nakeuh surat nyang keuphôn neupeutrön nyang leungkap lam Al-Qur'an. Neupeunan Al-Fatihah sabab surat nyoe seubagoe surat nyang phôn atawa nyang peuhah nibak surat-surat la'én lam Al-Qur'an. Surat nyoe neupeunan sit ngön nan Ummul Qur'an (bahsa Arab: أمّ القرءان‎, Nang Al-Qur'an) atawa Ummul Kitab (bahsa Arab: أمّ الكتاب‎, Nang Kitab). Sabab neubeuet lam seumbahyang meu'ulang-ulang, surat nyoe neupeunan sit ngön Ats-tsab'ul Matsānī (bahsa Arab: السبع المثاني‎, tujôh nyang meu'ulang-ulang).

Surat An-Nas

Surat An-Nas (bahsa Arab: النَّاسِ‎, An-Nas, "Manusia") nakeuh surat nyang keu-114 lam Al-Qur'an. Surat nyoe geupeutrön di Meukah.

Wikipèdia bahsa Acèh

Wikipèdia bahsa Acèh nakeuh ènsiklopèdia online lam bahsa Acèh nyang geupeuseudiya lé Wikipèdia.

Wikipèdia bahsa Acèh na bak 12 uroe Buleuen Lapan 2009. Haba nyoe laju geuteurimöng lé Fadli Idris nyang bak watèe nyan gobnyan seubagoe Koordinator Komunitas Blogger Aceh (kayém geukheun Aceh Blogger Community). Yôh mantöng lam inkubator, Fadli geupeukeumang Wikipèdia nyoe ngön sidroe ureueng ngui laén nyang geungui nan Si Gam Acèh bak awai thôn 2008. Ureueng-ureueng nyang cah röt Wikipèdia nyoe cit ka geumarit ngön Mark Durie, sidroe ureueng meurunoe bahsa (atawa geukheun linguistik) asai Australia. Mark nakeuh salah sidroe ureueng luwa nyang tom geumeurunoe bahsa Acèh.Asoë pikéran keu geupeuna Wikipèdia bahsa Acèh nakeuh saweuëb na Wikipèdia lam bahsa da'irah laén, miseuëjih Wikipedia bahsa Jawa, Wikipedia bahsa Sunda, ngön Wikipedia bahsa Banyumasan.Bak awai thôn 2009, Abi Azkia, nyang sidroe ureueng peurunoe 'èleumèe agama di da'irah Pidie geupeuramè Wikipèdia bahsa Acèh. Abi geubantu teumuléh teunuléh-teunuléh bhaih agama Islam. Lam teunuléh gobnyan bak Serambi Indonesia, Abi geupeutrang pakön payah bak tateumuléh lam bahsa Acèh. Abi geupeugah meunyo bahsa Acèh na bida bak kri teumuléh. Laén nibak nyan, bahsa Acèh nyang geungui cingkunèk cit jeuet keu saboh masalah. Kureung le jeumeulah kata lam bahsa Acèh nyang geuteupeu ngön hana kayém teumuléh lam bahsa Acèh nyan cit saboh masalah keu geuteumuléh lam Wikipèdia. Adak pih meunan, gobnyan geuyakin meunyoe geutém ôseuha ban dum masalah nyan ék geupeugadöh demi tapeulahra bahsa Acèh nyang teuka nibak éndatu bansa Acèh.

Éseulam

Iseulam (Bahsa Arab: الإسلام‎, al-ʾIslām) nakeuh saboh agama nyang na di dônya. Kitab suci agama Iseulam nakeuh Al-Qur'an.

Agama nyoë neuba lé baginda rasulullah, Muhammad SAW. Geupeutrôn agama Iseulam lé Allah di Meukah meusigo ngon geuutôh Nabi Muhammad SAW jeuët keu rasul ban sigom dônya. Bak watèë nyan keuadaan ureuëng-ureuëng jahiliyah di Meukah mantöng seumah-seumah patông. Lam Iseulam geuatô meumacam bagoë, na hukôm, seujarah, kisah, haba peutakôt, haba peuseunang, ngon le lom peue la'en.

Bahsa la’én

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.